11/26/2022
Today from Hiiraan Online:  _
Wararka Maanta- Arbaco, Nov 23, 2022
Wasiir Gaafaadhi: 26-ka hadii la gaadho waa urur WADDANI

Arbaco, November, 23, 2022 (HOL) - Xukuumada Somaliland ayaa sheegtay in marka la gaadho 26 December oo wakhtigii sharciga ahaa ee xisbiyadu ku egyahay, in xisbiga WADDANI urur noqonayo.

Wasiirka Wasaarada Caafimaadka Somaliland Xasan Maxamed Cali (Gaafaadhi), ayaa sheegay in madaxda xisbiga WADDANI, ay 10 sanno kahor u ullolaynayeen in ururo la furo, markaasi oo uu WADDANI ku dhashay doorashadii ururada ee xukuumadii Kulmiye qabatay.

"Waxan u sheegayaa oo dadweynuhu anay ogayn 2012 ragaa maanta hadlayaa, waa ragii difaacayay in ururo la abuuro, oo waxay kamid ahaayeen ragii ururada sameeyay, Xirsi wuxuu kamid aha ragii ururada sameeyay, isaga oo xukuumada ku jira ayuu urur sameeyay" ayu yidhi Gaafaadhi.

Wasiirka ayaa sheegay in marka la gaadho 26 December ee sannadkan uu xisbiga WADDANI urur isku badalayo madaama oo mudadiisii sharciga ahayd dhamaanayso, isla markaana Xirsi uu yahay shakhsiga ku tartami doona magaca xisbiga.

"Waxa ay ka didayaan waa nabsiga, waxa kale oo ay ka didayaan arrin kale oo ay tahay in ay xalkeeda gaadhaan, 26 December hadii la gaadho waa urur WADDANI, ururka Xirsi ayaa guddoomiye ka ah Xirsi, ayaa loogu codaynayaa, hadii ayna sidaa ahayn ma shirwayne aan caadi ahayn ayaan la qabsanaya oo waxba laga badalayaa" ayuu yidhi Gaafaadhi.

Waxa uu sheegay in marka doorashada ururada la galo, aanu jiri doonin wax musharax la yidhaa, oo kali ah ay jiri doonaan goddoomiyayaal ururo, guddoomiyahana loo codayn doono, ee aan musharax loo codayn doonin.

Abdilahi Geel-maal, Hiiraan Online
[email protected]












Click here
11/23/2022 4:04 PM EST
Arbaco, November, 23, 2022 (HOL) - Ganacsade Maxamed Jabuutaawi Caraale, oo leh mid kamid ah shirkadaha qaadka keena magaalada Laascaanood, ayaa si adag uga soo horjeestay shirkad cusub oo uu sheegay in xukuumadu ruqsad siisay.

11/23/2022 8:54 AM EST
Arbaco, November, 23, 2022 (HOL) - Wasaaradda Warfaafinta Xukuumadda Fedaraalka Soomaaliya ayaa goordhaw shaacisay in howlgalo qorsheysan iyo duqeymo cirka ah oo ay ciidamada xoogga dalka, kuwa Nabadsugida iyo Sirdoonka Qaranka oo kaashanaya saaxiibada Caalamiga ah ka sameeyeen gobolka Shabeellaha Hoose lagu dilay dagaalamayaal badan oo ka tirsan Al-shabaab.

11/23/2022 8:48 AM EST
Arbaco, November, 23, 2022 (HOL) - Ugu yaraan todobo qof ayaa dhimatay kadib markii nin hubeysan uu rasaas ku furay dukaan ku yaalla magaalada Chesapeake, ee gobolka Virginia ee dalka Mareykanka, sida ay sheegeen saraakiisha amniga.

11/23/2022 7:12 AM EST
Arbaco, November, 23, 2022 (HOL) - Madaxweynaha Somaliland Muuse Biixi Cadi, ayaa xilkii ka qaaday xeer ilaaliyihii guud iyo wasiirkii horumarinta iyo maalgashiga Somaliland.

11/23/2022 4:14 AM EST
Arbaco, November, 23, 2022 (HOL) - Maxkamadda ciidamada qalabka sida ayaa xukun dil toogasho ah ku riday askari ka tirsana ciidanka Booliiska maamulka Koonfur Galbeed ee ka howlgala degmada Afgooye ee gobolka Shabeellaha Hoose.

11/23/2022 4:08 AM EST
Arbaco, November, 23, 2022 (HOL) - Xukuumadda Soomaaliya ayaa sheegtay tiro ka badan 600 dagaalame oo katirsan AlShabaab in lagu dilay, sidoo kalena 1,200 lagu dhaawacay howlgallada ciidamada xooggu ku xoreeyeen in ka badan 68 deegaan.

11/23/2022 1:21 AM EST
Arbaco, November, 23, 2022 (HOL) - Wasaaradda Maaliyadda xukuumadda Soomaaliya ayaa sheegtay inay jawaab ka bixin doonto warbixintii uu Hanti-dhowrka guud ee Qaranka ee sida tooska ah warbaahinta looga sii daayay.