11/26/2022
Today from Hiiraan Online:  _
Wararka Maanta- Isniin, Nov 21, 2022
Ururka Saxafiyiinta dowlad degaanka Soomaalida oo hoggaan cusub doortay
 

Isniin, November, 21, 2022 (HOL) - Ururka Saxafiyiinta dowlad degaanka Soomaalida ee fadhigiisu yahay magaalada Jigjiga ayaa doorasho ay galeen maalintii Axadda ahayd waxay ku doorteen guddoomiye cusub.

Guddoomiyaha cusub oo lagu magacaabo Cabdirisaaq Sheekh Xasan ayaa xilka kala wareegay guddoomiyihii hore ee Ururka Saxafiyiinta degaanka Soomaalida Ayaan Shukri.

Haddaba guddoomiyaha cusub oo Warbaahinta la hadlay ayaa sheegay in uu wax badan ka badali doono qaab dhismeedka Ururka oo sida uu sheegay ay dad badan dhaliilsanaayeen, isla markaana u arkayeen Ururka mid aan loo dhanayn.

"Waxaan diyaar u ahay inaan raadiyo oon la fadhiisto ciddii tabasho qabta, ee wax dhaliilsan iyo qof walba oo aan horey loogu qancin Ururka, kana garaabo wixii dhaliil ah ama eed ah ee jirta", ayuu yiri Guddoomiyaha cusub ee Ururka Saxafiyiinta degaanka Soomaalida C/risaaq Sheekh Xasan.

Waxa kale oo guddoomiyuhu sheegay in inta uu xilkan cusub uu hayo uu ku dadaali doono sidii Saxafiyiin badan uu ugu qancin lahaa sidii ay Ururka ugu soo biiri lahaayeen, kuwaas oo siyaabo kala duwan aan Ururka ugu jirin, iyo waliba sidii loo adkayn lahaa xiriirka ka dhaxeeya Ururka iyo dowladd degaanka Soomaalida, oo dowladduna ay u ilaaliso xuquuqda ay leeyihiin Saxafiyiinta ka howlgala degaanka Soomaalida, Ururkuna uu ku dadaali doono in Saxafitiintu aysan ku xad gudbin shuruucda degaanka iyo dalka Itoobiya uga yaalla Saxaafadda.

Ururka Saxafiyiinta degaanka Soomaalida ayaa la aasaasay billowgii isbaddelkii ka curtay dowlad degaanka Soomaalida, iyadoo wakhtigaa ay degaanka Soomaalida kusoo bateen Warbaahinada gaarka loo leeyahay iyo Saxafiyiin madax banaan, iyadoo wixii is baddalka ka horeeyay aan degaanka Soomaalida laga aqoon Saxaafad madaxbanaan oo si xor ah usoo gudbisa wararka dowlad degaanka Soomaalida.

Dowlad degaanka Soomaalida ayaa waxaa wakhti xaadirkan ka howlgala Warbaahino badan oo gaar loo leeyahay oo ay ka howlgalaan Saxaafiyiin madax banaan, kuwaas oo fasax ka haysta dhinaca dowlad degaanka Soomaalida, gaar ahaan Xafiiska Warfaafinta ee degaanka Soomaalida.












Click here
11/21/2022 2:07 PM EST
Isniin, November, 21, 2022 (HOL) - Madaxweynaha Soomaaliya Xasan Sheekh Maxamuud ayaa buriyay saddex xeer oo uu Madaxweyihii hore ee Soomaaliya saxiixay, kuwaas oo lagusoo dhisay guddiga madaxa bannaan ee Dooradhooyinka, xubnaha guddiga xuduudaha iyo federaalka iyo hay’adda diiwaan galinta shaqaalaha Soomaaliyeed.

11/21/2022 8:39 AM EST
Isniin, November, 21, 2022 (HOL) - Waxaa Maanta magaalada Muqdisho lagu qabtay munaaaabad lagu xusayo Maalinta Macalinka Soomaaliyeed oo ka dhacday xarunta Tiyaatarka Qaranka, waxaana ka qeyb galay munaasabadda Madaxweynaha Soomaaliya Xasan Sheekh Maxamuud, Wasiirka Wasaaradda Waxbarashada, Wasiirka Wasaaradda Cadaaladda iyo Tastuurka, Qaar ka mid ah Xildhibaannada labada Aqal, guddoomiyaha gobalka Banaadir, qaar ka mid ah macalinmiinta Soomaaliyeed, Ardey iyo Marti sharaf kale.

11/21/2022 7:42 AM EST
Isniin, November, 21, 2022 (HOL) - Ciidamada Kenya ee ku hoos shaqeeya howlgalka ku meel gaarka ah ee Midowga Afrika ee Soomaaliya (ATMIS) ayaa sii joogi doona Soomaaliya, sida ay sheegtay Wasaaradda Difaaca Kenya.

11/21/2022 5:05 AM EST
Isniin, November, 21, 2022 (HOL) - Maxkamada Sare ee Somaliland ayaa ku dhawaaqday in ururka Talo-wadaag, oo guddida diwaangalinta ururadu sheegeen in uu ka hadhay ururada soo baxay uu soo baxay oo uu kamid yahay ururada guulaystay.

11/21/2022 3:49 AM EST
Isniin, November, 21, 2022 (HOL) - Ciidamada dowladda Fedaraalka Soomaaliya oo kaashanaya kuwa maamulka Koonfur Galbeed ayaa saacadahii lasoo dhaafay howlgalo qorsheysan ka sameeyay deegaanka Dhurseen oo ku yaala Waqooyiga degmada Xudur ee gobolka Bakool.

11/21/2022 2:05 AM EST
Isniin, November, 21, 2022 (HOL) - Wasiirka arrimaha dibadda Soomaaliya, Abshir Cumar Haruuse ayaa magaalada Dublin ee dalka Ireland kula kulmay simon Coveney, wasiirka arimaha dibadda iyo difaaca ee dalka Ireland.

11/21/2022 1:07 AM EST
Isniin, November, 21, 2022 (HOL) - Booliska G/Banaadir ayaa ku guuleystay inay gacanta ku soo dhigaan Xuseen Xasan Gaaboow oo lagu eedeeyay inuu faafiyay muuqaalo ku saabsan tacadiyo uu kula kacayo gabdho aan qaangaar ahayn.