11/26/2022
Today from Hiiraan Online:  _
Wararka Maanta- Sabti, Nov 19, 2022
Xisbiga WADDANI oo mar kale ka hadlay khilaafka doorashada
 

Sabti, November, 19, 2022 (HOL) - Xisbiga mucaaradka Somaliland ee WADDANI, ayaa sheegay in anay xukuumada aqoonsanayn ilaa oo ay sharciga kusoo laabato, sida loo dhigay qoraal kasoo baxay xisbiga.

Si lamid ah hadalkii hogaanka xisbigu xukuumada kalsoonida kagala noqday 13 November, xisbiga WADDANI, ayaa markale, sheegay aanu aqoonsanayn xukuumada Somaliland ilaa oo ay sharciga kusoo laabato.

"Muuse Biixi iyo dowladiisa uma aqoonsanin qaar sharci ah, oo ku sal leh qodobka 88aad faqradiisa 1aad ee dastuurka, sii socoshada xukunkiisu shaqo kuma laha sharciga, lakiin waa awood iyo macangagnimo, ilaa oo uu sharciga kusoo laabto oo heshiis siyaasadeed la gaadho" ayaa lagu yidhi qoraalka.

Waxa lagu sheegay in xisbigu madaxweyne Biixi u aqoonsanyahay madaxweyne hore "Muuse Biixi waxaanu u aqoonsanahay madaxweynihii hore, ama madaxweynihii hore oo aan haysan kalsoonida shacbiga, iyo guddoomiyaha xisbiga Kulmiye".

Waxa qoraalka lagu sheegay in axsaabta mucaaradku anay aqbali doonin doorasho kasta oo aan sharciyad salka ku hayn, isla markaana ay diyaar u yihiin wada-hadalkasta oo xal lagaga gaadhayo khilaafka siyaasadeed.

Waxa lagu sheegay in mucaaradku ay dadka ogaysiinayaa in wakhtigii madaxweynuhu uu dhamaaday isla markaana madaxweynuhu uu jabiyay heshiiskii uu bulshada la galay.

Ugu danbayn ciidamada kala duwan ayuu xisbigu ku booriyay, in ay sharciga ilaaliyaan oo talaabo kasta oo ay qaadayaan sharciga u eegaan. Xisbiga ayaana soo bandhigay magacyada maxaabiis uu sheegay in ay ka xidhanyihiin.

Abdilahi Geel-maal, Hiiraan Online
[email protected]












Click here
11/19/2022 2:57 PM EST
Sabti, November, 19, 2022 (HOL) - Dowladda Eritrea ayaa si adag u eedeysay dalalka reer Galbeedka inay tashuush iyo marin- habaabin ku fureen xiriirka iskaashi ee dhexmaraya dowladaha Soomaaliya iyo Eritrea.

11/19/2022 2:41 PM EST
Sabti, November, 19, 2022 (HOL) - TPLF ayaa dowladda Eritariya waxa ay ku eedaysay inay wado abaabul ciidan oo ka dhan ah heshiiska ay dhawaan ku gaareen dalka Koonfur Afrika dowladda Itoobiya iyo TPLF.

11/19/2022 9:38 AM EST
Sabti, November, 19, 2022 (HOL) - Xisbiga talada Somaliland haya ee Kulmiye, ayaa sheegay in xisbiyada mucaaradka ahi anay haysan sharciyada xukuumada, kadib markii ay iyagu kalsoonida kala noqdeen xukuumada.

11/19/2022 7:28 AM EST
Sabti, November, 19, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo Wafdi uu hoggaaminaayo ayaa Maanta gaaray degmada Maxaas ee gobolka Hiiraan halkaasoo siweyn loogu soo dhaweeyay.

11/19/2022 5:30 AM EST
Sabti, November, 19, 2022 (HOL) - Maxkamadda ciidamada Qalabka sida ee maamul goboleedka Jubbaland ayaa Maanta oo Sabti ah xukun dil toogasho ah ku fulisay laba askari oo horay dilal kala duwan uga geystay gudaha magaalada Kismaayo.

11/19/2022 5:23 AM EST
Sabti, November, 19, 2022 (HOL) - Sarkaal sare oo horey uga tirsanaan jiray ciidamada xoogga dalka Soomaaliya oo lagu eedeeyay xad-gudubyo dhowr ah oo ka dhan ah xuquuqda aadanaha oo loo geystay dad rayid ah oo Soomaaliyeed, sanadihii 1980-meeyadii, ayaa lagu xiray gobolka Virginia.

11/19/2022 2:55 AM EST
Sabti, November, 19, 2022 (HOL) - Soomaaliya ayaa ku biirtay dalalka saxiixay sharciga caalamiga ah ee ka dhanka ah isticmaalka iyo adeegsiga walxaha qarxa ee meelaha ay dadku ku badan yihiin.

11/19/2022 12:51 AM EST
Sabti, November, 19, 2022 (HOL) - Madaxweynaha Soomaaliya Xasan Sheekh Maxamuud ayaa kormeer ugu amba-baxay qaar ka mid ah deegannada ay ka socdaan howlgallada ka dhanka ah Alshabaab.