5/20/2022
Today from Hiiraan Online:  _
Wararka Maanta- Axad, May 8 , 2022
Dad aan la aqoonsan oo u caga jugleeyay xildhibaano ka tirsan Golaha Wakiilada Somaliland
 

Axad, May, 8, 2022 (HOL) - Dad aan haybtooda la aqoonsan, ayaa caga julayn iyo baqo galin joogto ah ku haya, xildhibaano ka tirsan Golaha Wakiilada Somaliland, sida uu sheegay xildhibaan Barkhad Jaamac Batuun.

Batuun ayaa sheegay in xildhibaanada qaarkood ay ka cabanayaan baqo galin ay kala kulmaan kooxo anay garanayn, isla markaana ilaa iyo hada dacwado ay u gudbiyeen hay'adaha amniga aanay wax jawaab ama caawimo ah ka helin.

"Shalay toole, xildhibaano kamid ah goluhu waxay inala wadaageen in argagax galin fara badan lagu hayo, oo gawaadhidooda gawaadhi la hor dhigayo, oo dadka ficilada samaynaya hay'adaha amniga markay is yidhaahdan uga dacwoodana aan waxba looga qabanayn" ayuu yidhi Batuun.

Batuun ayaa sheegay in xildhibaannadani ay awoodi wayeen in ay gobolada kale booqdaan cabsida awgeed "Waxa kale oo ay sheegeen in ay awood u laayihiin in ay reerahoodi lasoo ciidan, oo gobolada dalka ay tagaan, sabab amni daro awgeed".

Xildhibaanka oo cabashooyinkan golaha ka hor akhriyay, ayaa sheegay in anay suuragal ahayn in xildhibaannadu ay shaqadooda si hufan u gutaan inta ay cabsidani jirto.

Hore xubno ka tirsan warbaahinta Somaliland ayaa dhibaatooyin kala kulmay ciidamo la sheegay in ay dharcad yihiin, kuwaasi oo garaacis iyo xadhig anay maxkamadi amrin u gaystay, hadaba lama hubo in cida xildhibaannada handadaysa ay yihiin ciidan ama dad kale.



Abdilahi Geel-maal, Hiiraan Online












Click here
5/8/2022 3:05 PM EST
Axad, May, 8, 2022 (HOL) - Guddiga isku-dhafka ee soo diyaarinta doorashada Madaxweynaha Soomaaliya ayaa maanta diiwaan-geliyay toban kamid ah musharraxiinta xilka Madaxweynaha 10-aad ee dalka Soomaaliya.

5/8/2022 1:42 PM EST
Axad, May, 8, 2022 (HOL) - Bulshada ku dhaqan magaalada St. Cloud iyo nawaaxigeeda ee gobolka Minnesota ee dalka Mareykanka ayaa iska aruuriyay aduun lacageed oo gaaraya 70,000 oo doolar oo ay ugu talo galeen iney uga qeyb qaataan gurmadka loo sameynaayo dadkii ku hanti beelay dabkii baabi'iyay Suuqii weynaa ee magaalada Hargeysa ayaa waxay ku wareejiyeen hay'adda Haro oo gaarsiin doonto guddiga gurmadka Musiibadii Suuqa Waaheen.

5/8/2022 11:14 AM EST
Axad, May, 8, 2022 (HOL) -Wasiirka Wasaaradda Waxbarashada Xukuumadda Soomaaliya Cabdullaahi Abuukar Xaaji Carab ayaa shaaca ka qaaday in Imtixaanka Shahaadiga Dugsiyada Sare ee sanadkan uu halis ugu jiro inuu baaqdo.

5/8/2022 10:50 AM EST
Axad, May, 8, 2022 (HOL) - Guddoonka Golaha Shacabka Baarlamaanka 11 -aad ee dalka Soomaaliya ayaa goordhaw go'aan rasmi ah kasoo saaray murankii ka taagnaa maalmahii lasoo dhaafay sharci ahaan shiyaha Xildhibaanadda lagu soo kala doortay magaalooyinka Ceelwaaq iyo Garbahaareey ee gobolka ee Gedo.

5/8/2022 7:25 AM EST
Axad, May, 8, 2022 (HOL) - Ciidanka nabad-sugidda iyo sirdoonka Soomaaliya ee NISA ayaa magaalada Baardheere ee Gobolka Gedo waxay kusoo bandhigtay dagaalamyaal kasoo goostay kooxda Alshabaab, iskuna soo dhiibay gacanta Dowladda Soomaaliya.

5/8/2022 7:05 AM EST
Axad, May, 8, 2022 (HOL) - Nabadoonada iyo waxgaradka gobolka Mudug ayaa kasoo horjeestay xil ka qaadista madaxweynaha ku xigeenka Puntland uu ku sameeyay qaar kamid ah golaha wasirradda.

5/8/2022 4:21 AM EST
Axad, May, 8, 2022 (HOL) - Waxaa goordhaw magaalada Muqdisho ee Caasimadda Soomaaliya si rasmi ah uga bilaabatay diiwaan galinta Musharaxiinta dooneysa iney u tartamaan xilka madaxweynaha 10-aad ee Jamhuuriyadda Fedaraalka Soomaaliya.

5/8/2022 1:23 AM EST
Axad, May, 8, 2022 (HOL) - Hoos u dhac la taaban karo oo ku yimid adeegsiga duqeymaha Mareykanka ee lagula dagaalamo Al-Shabaab ee Soomaaliya, ayaa keentay in ay yaraato warbixinnada khasaaraha dadka rayidka ah ka soo gaaraya, sida lagu sheegay warbixin cusub.

5/8/2022 1:17 AM EST
Axad, May, 8, 2022 (HOL) - Waxaa Maanta oo Axad ah lagu wadaa in magaalada Muqdisho ay ka bilaabato diiwaan galinta Musharaxiinta dooneysa iney u tartamaan doorashada Madaxweynaha dalka Soomaaliya.