6/27/2022
Today from Hiiraan Online:  _
Wararka Maanta- Khamiis, Jun 23, 2022
Madaxweynaha Somaliland oo qaabilay danjiraha Faransiiska ee Kenya
 

Khamiis, Juun, 23, 2022 (HOL) - Kulan ay yeesheen madaxweynaha Somaliland Muuse Biixi Cabdi iyo danjiraha faransiiska ee Kenya  Aline Kuster-menager, ayaa lagaga wada hadlay, doorashooyinka, iskaashiga ganacsiga iyo wadahadalada Somaliland iyo Soomaaliya.

Danjire Menager iyo saraakiil kale oo ay hor kacaysay oo Somaliland safar ku yimid, ayaa madaxweynanaha Somaliland kala hadlay arrimo ay ugu mudanyihiin iskaashi ganacsi oo Somaliland iyo Faransiiska dhexmara, lakiin aan la faah faahin wuxuu yahay, wadahadaladii Somaliland iyo Soomaaliya oo mudo istaagay iyo doorashooyinka, sida madaxtooyadu sheegtay.

"Waxaana kulankaasi lagaga wada hadlay qodobo ay ka mid ahaayeen xidhiidhka ka dhexeeya labada dal, sidii loo xoojin lahaa, doorashooyinka ku soo fool leh Somaliland, iskaashiga dhinaca ganacsiga iyo wada hadalada Jamhuuriyadda Somaliland iyo Soomaaliya ee hakadku ku yimi.  Kulankaasina wuxuu ku soo dhamaaday Isfahan iyo wadashaqayn".

Xubnaha waftiga ayaa ka koobnaa La-taliyaha Siyaasada, Lucile CARREZ, Madaxa Adeegga Dhaqaalaha Gobolka ee Bariga Afrika iyo Badweynta Hindiya, Jerome BACONIN, La-taliyaha Maaliyadda ee Gobolka, Heloise TOURNOUX, Madaxa Wakaaladda Horumarinta ee Gobolka Bariga Afrika, Caroline ABT iyo danjire MENAGER.

Dhinaca kale, madaxweynaha waxaa kulanka ku wehelinaayey Wasiirka Arrimaha Dibedda iyo Iskaashiga Caalamiga ah Dr. Ciise Keyd Maxamuud.

Abdilahi Geel-maal, Hiiraan Online
[email protected]












Click here
6/23/2022 11:10 AM EST
Khamiis, Juun, 23, 2022 (HOL) - Sida Madaxtooyada Somaliland baahisay, madaxweynaha Somaliland Muuse Biixi Cabdi, ayaa kulan fogaan arag ah arrimaha doorashooyinka kala yeeshay 11 safiiro iyo dibulumaasiyiin reer Yurub ah.

6/23/2022 9:31 AM EST
Khamiis, Juun, 23, 2022 (HOL) - Burcad hubeysan oo u dhalatay dalka Koofur Afrika ayaa dil u geysatay Muwaadin Soomaaliyeed oo ka mid ahaa ganacsatada Soomaaliyeed ee ku noola dalkaasi.

6/23/2022 9:18 AM EST
Khamiis, Juun, 23, 2022 (HOL) - Gabadh lagu magacaabo Nimco Jaamac Xasan oo ah 16 sanno jir degan magaalada Caynaba ee Somaliland, ayaa sheegtay in ay kufsadeen askar booliis ah, waxayna dalbatay cadaalad.

6/23/2022 9:07 AM EST
Khamiis, Juun, 23, 2022 (HOL) - Ciidanka Booliiska Somaliland ee degmada Maxamed Mooge ee magaalada Hargaysa, ayaa gacanta ku dhigay 419 litir oo khamri ah, saddex eedaysane iyo baabuurkii lagu siday.

6/23/2022 7:39 AM EST
Khamiis, Juun, 23, 2022 (HOL) - Maleyshiyo beeleed is abaabulay ayaa xirtay waddada isku xirta magaalooyinka Garowe iyo Gaalkacyo ee Puntland, iyadoo halkaas ay haatan ku xaniban yihiin in ka badan 50 kamid ah gaadiidka xamuulka qaada.

6/23/2022 3:57 AM EST
Khamiis, Juun, 23, 2022 (HOL) - Ciidamada xoogga dalka Soomaaliyeed gaar ahaan ururka 5-aad ee guutada 16-aad ee Danab iyo ciidamada Hay'adda Sirdoonka iyo Nabadsugida Jubbaland ayaa howlgallo qorsheysan ka fuliyey deegaano ku yaala galbeedka magaalada Kismaayo oo ay ka mid yihiin Beerxaani, Qudus, Dharkeyn Urur, yaaq dabayl iyo Barjalla ee gobolka Jubbada hoose.

6/23/2022 3:42 AM EST
Khamiis, Juun, 23, 2022 (HOL) - Bangiga Adduunka ayaa ansixiyay 143 milyan oo doolar oo loogu talagalay si loogu caawiyo dadka nugul ee Soomaaliyeed si ay uga gudbaan xaaladaha abaarta iyo cunno yarida sii kordhaysa ee dalka oo dhan.

6/23/2022 3:36 AM EST
Khamiis, Juun, 23, 2022 (HOL) - Dalka Itoobiya dadkii loo qorsheeyay inay sannadkan xajka ka tagaan ayay dhibaato lasoo daristay, kaddib markii maamulka sare ee Arrimaha Islaamka ee Itoobiya ay dadkaasi u sheegeen inaan loo wada hayn lacag Dollar ah oo lasiiyo.

6/23/2022 1:42 AM EST
Khamiis, Juun, 23, 2022 (HOL) - Cabdiraxmaan Shirwac Aw-siciid (Laahoor) oo lagu sheegay inuu yahay hoggaamiyaha shakabad katirsan Alshabaab oo qaraxyada iyo dilalka qorshaysan ka geysan jiray Boosaaso, ayaa kasoo hadlay warbaahinta isagoo beeniyay dambiga loo haysto.