8/17/2022
Today from Hiiraan Online:  _
Wararka Maanta- Jimco, Aug 4 , 2022
Madaxweyne ku xigeenadda Jubbaland iyo Galmudug oo ka horyimid Xukuumadda cusub
 

Khamiis, Agoosto, 4, 2022 (HOL) - Madaxweyne ku xigeenadda dowlad goboleedyada Jubbaland iyo Galmudug ayaa ka horyimid Xukuumadda cusub ee Raysal wasaare Xamse uu ku dhawaaqay maalin ka hor, iyagoo sheegay in lagu xad gudbay habka awood qeybsiga beelaha Daarood.

Labada madaxweyne ku xigeen ee maamulada Jubbaland iyo Galmudug Maxamuud Seyd Aadan iyo Cali Daahir Ciid ayaa kulan wadatashi ah waxay ku yeesheen Aaladda fogaan arraga ee ZOOM, kuwaas oo qoraal wadajir ah oo ay soo saareen ku iclaamiyeen shir deg deg ah oo ay isugu imaanayaan beesha si talaabo ay kaga qaataan Xukuumadda cusub.

"Waxaan Maanta shir kuwada yeelanay aalada fogaan araga ee (Zoom) Madaxweyne Ku-xigeenka Dowladda Galmudug  Cali Daahir Ciid, Shirkaa oo aan ku lafa gurnay Xaalada guud ee dalka iyo gaar ahaan arimaha Bulshada Beesha Sade Mareexaan ee Deegaanada u ah Jubaland, Galmudug, Ethiopia iyo Gobolka Banaadir. Shirkaas oo si wadajir ah ku go'aaminey kuna baaqnay in la iskugu yimaado shirweyne deg-deg ah oo looga tashanayo caqabadaha ku xusan iyo sidii Beesha ay uga falcelin lahayd quursiga lagu sameeyay ee dhisida golaha wasiirda ee dowlada dhexe" ayuu yiri madaxweyne ku xigeenka Jubbaland .

Warkaan kasoo baxay labada madaxweyne ku xigeen ee maamulada Jubbaland iyo Galmudug ayaa imaanaya, xili maalin ka hor lagu dhawaaqay liiska Golaha Wasiiradda Xukuumadda Soomaaliya ayna soo baxeen dhaliilo adag oo loo jeedinaayo Xukuumadda cusub oo wali aysan meel marin Baarlamaanka Soomaaliya.

Hoos ka akhriso qoraalka ay soo saareen labada madaxweyne ku xigeen:-


Jamaal Cali Cabdi, Hiiraan Online
[email protected]












Click here
8/4/2022 10:53 AM EST
Khamiis, Agoosto, 4, 2022 (HOL) - Waxaa xalay ku geeriyooday waddanka Talyaaniga allaha unaxariistee, wariye Cali Muuse Cabdi oo ka mid ahaa weriyayaashii ugu magaca dheeraa ee saxaafadda Soomaaliyeed.

8/4/2022 10:46 AM EST
Khamiis, Agoosto, 4, 2022 (HOL) - Puntland ayaa ku eedeysay Somaliland inay duullaan ciidan ku sooo qaadday magaalada Boocame ee gobolka Sool, iyagoo watay 45 tigniko ah, oo galbinayay guddoomiyaha gobolka Sool ee Somaliland iyo saraakiil ciidan oo ka yimid magaalada Laascaanood.

8/4/2022 8:57 AM EST
Khamiis, Ogosto, 4, 2022 (HOL) - Xisbiyada mucaaradka Somaliland ee Waddani iyo UCID, ayaa ku hanjabay in ay iska celin doonaan xukuumada, iyaga madaxweynaha ku eedeeyay in uu ergo walba diiday.

8/4/2022 7:46 AM EST
Khamiis, Ogosto, 4, 2022 (HOL) - Xukuumada Somaliland, ayaa markale xisbiyada mucaaradka uga digtay in ay qabtaan mudaharaad anay ogolaansho uga helin xukuumada.

8/4/2022 5:48 AM EST
Khamiis, Agoosto, 4, 2022 (HOL) - Maxkamad ku taalla magaalada Mandheera ee dalka Kenya ayaa 20 sano oo xabsi ah ku xukuntay haweeney Soomaali ah oo si sharci darro ah u haysatay hub.

8/4/2022 4:05 AM EST
Khamiis, Agoosto, 4, 2022 (HOL) - Fu'aad Maxamed Khalaf oo loo garasho og yahay Fu'aad Shongale, islamarkaana ka mid ah madaxda sare ee dagaalyahanada Al-shabaab oo la hadlay warbaahinta Shabaabka ayaa wax lagu qoslo ku tilmaamay sheegashada dowladda Itoobiya ay ku sheegatay iney ku dishay isaga iyo saraakiil kale dagaaladii la dhacay deegaanka Aato iyo Yeed ee gobolka Bakool.

8/4/2022 2:38 AM EST
Khamiis, Agoosto, 4, 2022 (HOL) - Hay'adda Qaramada Midoobay u qaabilsan arrimaha bini'aadantinimada ayaa bixisay 9.5 milyan oo dollar si gargaar bini'aadinimo oo deg deg ah loo gaarsiiyo bulshada ku dhaqan meelaha macaluusha ay ka jirto ee gudaha Soomaaliya.

8/4/2022 2:00 AM EST
Khamiis, Agoosto, 4, 2022 (HOL) - Jaylaani Xuseen, oo ah agaasimaha fulinta ee Golaha Xiriirka Maraykanka iyo Islaamka-Minnesota (CAIR-MN), oo dhawaan booqasho ku tagay Soomaaliya, ayaa soo soo saaray warbixintii ugu weyneyd ee u kaga ka waramayo faragelinta Mareykanka ee Soomaaliya iyo xasillooni darrada siyaasadeed ee ka dhalatay.