Hoggaamiyahii Ururka Al-qaacida Ayman Al-Zawahiri oo duqeyn diyaaradeed lagu dilay
Talaado, August, 2, 2022 (HOL) - Dowladda Mareykanka ayaa
shaacisay in hoggaamiyahii Al-qaacida Ayman Al-Zawahiri lagu dilay weerar loo
adeegsaday Drone oo ay fulisay CIA-da Mareykanka, sida ay xaqiijiyeen saraakiil
Amerikaan ah.
Dilka Al-Zawahiri ayaa la sheegay inuu ka dhacay magaalada
Kabul ee Caasimada dalka Afghanistan galinkii dambe ee Maalintii Sabtiga ee
lasoo dhaafay.
Hoggaamiyahan la dilay ayaa dowlada Mareykanka
mudo aad u dheer ay ku raad joogtay sidii ay u khaarajin laheyd, kaasoo xilka
kala wareegay hoggaamiyahii aas aasay Ururka Al-qaacida Osama Bin Laden 2-dii
bishii May sanakii 2011-kii xiligaas oo la dilay Osama Bin Laden.
Saraakiisha Ameerikaanka ee la halay Warbaahinta waxay
sheegeen in marka la dilaayay Azawahiri inuu taagna Balakoonka guriga uu ku
noola oo ku yaalay magaalada kabul oo si toos ah diyaaradaha aan duuliyaha
laheyn ugu dhufteen laba gantaal.
Geerida hoggaamiyaha Al-qaacida Ayman Al-Zawahiri ayaa
imaneysa 11 sano kadib markii Mareykanka ay weerar ka dhacay dalka Pakistan ku
dileen hoggaamiyihii hore ee Al-Qacida Osama Bin Laden.
Jamaal Cali Cabdi, Hiiraan Online
[email protected]
