3/28/2024
Today from Hiiraan Online:  _
Wararka Maanta- Jimco, Sept 10, 2021
Ceydiid Ilka Xanaf: “Mursal meel uu sharciyad ku haysto ama uu wasiir xasaanad ku siiyo maba jirto”
 

Jimco, September, 10, 2021 (HOL) - Guddoomiyihii hore ee maxkamadda Sare ee dalka, Abukaate Caydiid Ilka Xanaf ayaa sheegay in raysal wasaare rooble uu sharciyan ku saxan yahay magacaabida iyo dhaarinta xubinta kamid ah golihiisa wasiiradda.

Guddoomihii hore ee maxkamadda sare ayaa sidoo kale sheegay in aanay jirin wax baahi ah oo xilligan waajib ka dhigaya in wasiirka la magacaabay uu barlamaanka oo haatan aan fadhiyin xasaanad weydiisto.

“Qofka markii la magacaabo waala dhaarinayaa wuu shaqeynayaa, dabadeedna markii barlamaanku uu fadhiisto, ayuu weydiisanayaa xasaanada,”waxaa sidaasi yiri Ceydiid Ilka Xanaf.

Ceydiid Ilka Xanaf wuxuu tilmaamay guddoomiye Mursal iyo barlamaankiisaba in aanay haysan wax sharciyad ah oo ay xukuumada raysal wasaare rooble kugula xisaabtamaan isbedelka uu ku sameynayo xukuumadiisa.

“Mursal meel uu sharciyad ku haysto ama uu wasiir xasaanad ku siiyo maba jirto,” ayuu sii raaciyay Ceydiid Ilka Xanaf.

Raysal wasaare Rooble ayaa maalmo ka hor magacaabay wasiirka amniga, waxaana maalin kadib dhaariyay wasiirka caddaalada Soomaaliya, waxaana arrintaas sharci darro ku tilmaamay gudoomiye Maxamed Mursal.

Mursal ayaa ku doodday in shaqada dhaarinta iyo xasaanad siinta wasiirka cusub ay tahay shaqo uu lahaa barlamaankiisa.

Abdiweli M. Sheikh, Hiiraan Online












Click here
9/10/2021 12:16 PM EST
Jimco, September, 10, 2021 (HOL) - Kulan degdeg oo ay maanta isugu yimaadeen golaha midowga musharraxiinta madaxweynaha, waxay ku dhawaaqeen in ay si buuxda u garab istaagan yihiin raysal wasaare Rooble.

9/10/2021 10:34 AM EST
Jimco, September, 10, 2021 (HOL) - Xogeeyaha guud ee xisbiga talada Somaliland haya ee Kulmiye Ibraahin Axmed Raabi, ayaa ku eedeeyay madaxda sare ee xisbiga mucaarad ka ah ee Waddani in anay si buuxda u aaminsanayn qadiyada madaxbannaanida Somaliland.

9/10/2021 9:42 AM EST
Jimco, September, 10, 2021 (HOL) - Guddoomiyaha xisbiga mucaaradka Somaliland ee Waddani Cabdiraxman Maxamed Cabdillaahi (Cirro), ayaa ku dhawaaqay in uu markale u tar tamayo jagada guddoomiyaha xisbiga, doorashada qabsoomi doonta shirwaynaha xisbiga ee la qaban doono 30-31 October.

9/10/2021 6:53 AM EST
Jimco, September, 10, 2021 (HOL) - Heshiis Horudhac ah ayaa laga gaaray dagaal muddooyinkii dambe Maleyshiyo beeleed ku dhex marayay deegaanka Kabxanley ee gobolka Hiiraan.

9/10/2021 4:27 AM EST
Jimco, September, 10, 2021 (HOL) - Puntland ayaa soo bandhigtay qaar katirsan dagaalamayaashii Alshabaab ee weeraray xabsiga magaalada Boosaaso iyo qaar kamid ah maxaabiistii Alshabab ee lasoo qabtay markii ay xabsiga ka fakadeen.

9/10/2021 2:19 AM EST
Jimco, September, 10, 2021 (HOL) - Madaxweynaha dowlad goboleedka Puntland Siciid Cabdullaahi Deni, oo Gaalacyo ku sugan, ayaa ku guddoonsiiyay abaalmarino Ciidamadii iyo Masuuliyiintii kale ee ka qayb qaatay nabadgelyada Gobolka Mudug.

9/10/2021 1:41 AM EST
Jimco, September, 10, 2021 (HOL) - Madaxweynayaasha dowlad goboleedyada Galmudug iyo Koonfur galbeed ayaa Muqdisho u tagay sidii ay waan waan uga dhex bilaabi lahaayeen madaxweyne Farmaajo iyo raysal wasaare Rooble oo khilaafkoodu meel adag uu gaaray.