12/6/2021
Today from Hiiraan Online:  _
Wararka Maanta- Sabti, Oct 9 , 2021
Madaxweynaha Jubbaland oo Kismaayo ku qaabilay taliyaha howlgalka Maraykanka ee AFRICOM


Sabti, October, 9, 2021 (HOL) - Madaxweynaha Jubaland Axmed Maxamed Islaam, ayaa Xarunta Madaxtooyada ku qaabilay taliyaha Howlgalka Maraykanka ee Soomaaliya Kornayl Thomas Sarrouf iyo sarakiil kale.

Kulanka oo ka dhacay aqalka madaxtooyada, ayaa lagaga hadlay sidii loo dardar galin lahaa dagaalka ka dhanka ah kooxda A-Shabaab iyo tageerada howlgalka Maraykanka ee Soomaaliya.

Kulankan ayaa kusoo beegmay labo maalin kadib markii Maraykanku duqayn ka geystay gobolka Gedo, isagoo ku bartilmaameesaday saldhig Shabaab ku lahaayeen deegaanno ku dhow Garbahaarey.

Howlgalka Africom ayaa Jubbaland ka taageera tababarka ciiddanka NISA ee Jubbaland iyo dagaalka dhinaca cirka ah ee qeybta ka ah howlgallada Alshabaab looga xorraynayo Jubbaland.

Magaalada Kismaayo ee caasimadda kumeel gaarka ah ee Jubbaland waxay ka mid tahay meelaha ay saldhigyada ku leeyihiin ciidamada Mareykanka ee qeybta ka ah AFRICOM.

Abdiweli M. Sheikh, Hiiraan Online












Click here
10/9/2021 9:17 AM EST
Sabti, October, 9, 2021 (HOL) - Guddoomiyaha xisbiga UCID ee Somaliland Faysal Cali Waraabe, ayaa siyaasiyiinta reer Muqdisho ku eedeeyay in raafka Laascaanood ay ka dhigteen barnaamij ay kursiga ku gaadhaan, waxaanu sheegay in dadkii 1960 iyo kahor Somaliland dagaana kaliya ay muwaadiniin yihiin.

10/9/2021 8:58 AM EST
Sabti, October, 9, 2021 (HOL) - Maamulka koonfur galbeed ayaa maanta Gaalkacyo ka qaaday 78 qof oo ka kooban 21 qoys, kuwaas oo kamid ahaa dadkii lagasoo barakaciyay magaalada Laascaanood.

10/9/2021 7:50 AM EST
Sabti, October, 9, 2021 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed ayaa maanta xariga ka jaray wado laami ah oo isku xirta Isgoyska Baar Ubax iyo Warshada Taraqa iyo Sigaarka ee magaalada Muqdisho.

10/9/2021 6:39 AM EST
Sabti, October, 9, 2021 (HOL) - Boqortooyada Sacuudi Carabiya ayaa Axmed Bin Maxamed Al-Muwallad u magacawday safiirka cusub ee Jamhuuriyadda Federaalka Soomaaliya.

10/9/2021 6:30 AM EST
Sabti, October, 9, 2021 (HOL) - Xildhibaan Maxamed Abiib oo ka tirsan Golaha Wakiilada Somaliland, ayaa wax laga xumaado ku tilmaamay, tarxiilka ay xukuumada Somaliland gobolka Sool kaga saaraysa dadka aan u dhalan Somaliland.

10/9/2021 4:27 AM EST
Sabti, October, 9, 2021 (HOL) - Saraakiisha ciidanka xoogga dalka qeybta 60-aad ee ka howlgala deegaanada maamulka Koofur Galbeed ayaa soo bandhigay sarkaal ka tirsanaa Al-shabaab oo isku soo dhiibay.

10/9/2021 2:16 AM EST
Sabti, October, 9, 2021 (HOL) - Dowlad goboleedka Koonfur Galbeed ayaa shaaca ka qaaday iney wadaan qorshe ay diyaarado ugu soo qaadayaan dadkii dhawaan Somaliland kasoo masaafurisay magaalada Laascaanood ee gobolka Sool.