3/28/2024
Today from Hiiraan Online:  _
Wararka Maanta- Talaado, Oct 12, 2021
Gudida Doorashooyinka Itoobiya oo shaaciyay natiijada doorashadii dhawaan ka dhacday dowlad degaanka Soomaalida

Talaado, October, 12, 2021 (HOL) - Gudida doorashooyinka Itoobiya ayaa war saxaafadeed ay soo saareen ku shaaciyay natiijada rasmiga ee doorashadii dhawaan ka dhacday dawlad degaanka Soomaalida.

Gudida ayaa sheegay in dhammaan kuraastii uu degaanku ku lahaa heer fadaraal oo dhanayd 23 kursi uu ku guulaystay xisbiga talada haya ee Barwaaqo.

Sidoo kale guddida ayaa shaaciyey 263 xildhibaan oo ka mid ah 273 xildhibaan ee heer degaan, taas oo uu ku guulaystay xisbiga Barwaaqo 262-xildhibaan, halka soo harayna uu helay musharax madax banaan.

Geesta kale guddida ayaa xusay in dib laga shaacin doono 10ka xildhibaan ee hadhay oo kasoo kala baxaya Jigjiga iyo Mayu oo ka tirsan Gobolka Erar.

Natiijada doorashadan ayaa ahayd mid dadku ay badankood sii garanayeen waxa kasoo baxaya, maadaama waxa tartamayay  kaliya uu ahaa xisbiga talada haya ee Barwaaqo iyo xogaa musharixiin madax banaan, iyadoo bilowgiiba ay qaadaceen xisbiyadii mucaaradka kuwoodii u waawaynaa sida ONLF iyo FEP oo sheegay in si sax ah aan loo maamulin qaab socodkii doorashada oo wax is daba marin ay jirtay waa siday hadalka u dhigeene.

Abdilahi Jawhar, Hiiraan Online
[email protected]












Click here
10/12/2021 2:03 PM EST
Talaado, October, 12, 2021 (HOL) - Madaxweynaha dowladda federalka Soomaaliya Maxamed Cabdullaahi Farmaajo ayaa caawa jeediyey khudbad ku saabsan guusha taariikhiga ah ee go'aanka Kiiska Badda Soomaaliya.

10/12/2021 10:37 AM EST
Talaado, October, 12, 2021 (HOL) - Maxkamada Cadaaladda Aduunka ee ICJ ayaa goordhaw si rasmi ah ugu xukmisay dalka Soomaaliya lahaanshaha dhul badeed ay dowladda Kenya murum galisay.

10/12/2021 10:33 AM EST
Talaado, October, 12, 2021 (HOL) - Xaliimo Aw Cumar Faarax (Xaliimo Biritish) oo kamid ah qurbajooga Somaliland, ayaa lacag dhan $20,000 oo ay xalay balan qaaday ku wareejisay xildhibaan Barkhad Jaamac Batuun, kadib, markii wasiirka gargaarka ee Soomaaliya Khadiija Maxamed Diiriye ay kala noqotay lacag ay hore ugu balan qaaday Batuun, si uu baabuur u siisto.

10/12/2021 8:09 AM EST
Talaado, October, 12, 2021 (HOL) - Bayaan kasoo baxay wasaaradda arrimaha dibadda Soomaaliya, ayaa lagu diiday hindisaha hawlgalka wadajirka ah ee Qaramada Midoobay iyo midowga Afrika ee la doonayo in laga hirgaliyo Soomaaliya sannadka soo socda 2022.

10/12/2021 7:56 AM EST
Talaado, October, 12, 2021 (HOL) - Wararka ka imaanaya degmada Deyniile ee gobolka Banaadir ayaa sheegaya in qarax miino nooca dhulka lagu aaso ah lagu khaarajiyay Taliyahii Nabadsugida degmada Deyniile Cabdishakuur Raage xili oo ku sugnaa duuleedka degmadaasi.

10/12/2021 5:26 AM EST
Talaado, October, 12, 2021 (HOL) - Dowladda Soomaaliya ayaa maanta rajo aad u weyn ka muujinaysa in ay ku guulaysan doonto dacwadda kiiska badda oo galabta lagu wado in maxkamadda ICJ ay si rasmi ah ugu dhawaaqdo, sida uu qorshuhu yahay.

10/12/2021 4:03 AM EST
Talaado, October, 12, 2021 (HOL) - Hal askari oo katirsan ciiddanka Puntland ayaa ku dhintay, dhowr kalena way ku dhaacmeen iska hor imaad xalay ka dhacay magaalada Garowe, oo dhexmaray ciiddanka amniga iyo rag ka ganacsada maandooriyaha.

10/12/2021 3:27 AM EST
Talaado, October, 12, 2021 (HOL) - Sheekh Maxamed Ibraahim Shakuul oo kamid ah culimada Soomaaliyeed ee dalka Kenya, kana mid ah xubnaha guddiga ganacsatada ee Xaafadda Islii ayaa ka digay in mudaharaadyo iska soo horjeeda ay ka dhacaan xaafadda Soomaalida ee islii, kadib Go'aanka dhinaca badda ee la filayo inuu maanta kasoo baxo Maxkmadda Cadaaladda Aduunka ee ICJ.

10/12/2021 2:42 AM EST
Talaado, October, 12, 2021 (HOL) - Kooxo hubeysan oo burcad Koofur Afrikaan ah ayaa Xalay muwaadin Soomaaliyeed ku dilay goobtiisa ganacsi oo ku tiilay magaalada Quenstown ee gobolka Eastern Cape ee dalkaasi Koofur Afrika.

10/12/2021 1:33 AM EST
Talaado, October, 12, 2021 (HOL) - Waxaa maanta oo Talaado ah lagu wadaa in Maxkamada Cadaaladda Aduunka ee ICJ iney ku dhawaaqdo go'aanka kiiska dacwada Badda ee u dhaxeeysay dowladaha Soomaaliya iyo Kenya.