12/6/2021
Today from Hiiraan Online:  _
Wararka Maanta- Isniin, Oct 11, 2021
Guddiga ganacsatada Kenya oo ka digay in Soomaalida ku dhaqan Nairobi u dabaal degaan go'aanka maxkamadda ICJ ku dhawaaqayso
 

Isniin, October, 11, 2021 (HOL) - Guddiga ganacsatada Soomaaliyeed ee xaafadda Islii ee magaalada Nairobi, ayaa digniin kasoo saaray in Soomaalida ku dhaqan Nairobi ay u dabaal dagaan go’aanka kiiska badda ee berrito ay ku dhawaaqayso maxkamadda caddaalada.

Cumar Ibraahim Xuseen, oo ah xoghayaha guddiga ganacsatada, ayaa sheegay in ay taageersan yihiin mowqifka dowladda Kenya ka qaadatay go’aanka maxkamadda kasoo bixidoona maalinta berri ah.

Xoghayaha guddiga ganacatadu wuxuu sheegay in aanay jirin cabsi ganacsatadu ka muujinayaan falcelinta ka dhalata go’aanka maxkamadda.

Balse wuxuu sheegay in rabshado ka dhalan karaan haddii Soomaalidu ku sugan Nairobi ay dabaal deg sameeyaan, iyagoo ka falcelinaya go'aanka maxkamadda ICJ.

“Dalkan aan joogno waa Kenya, waxaan ku leennahay xuquuq, dhaqaale badan ayaa nooga jira. Marka waa in aan is-ilaalino, oo aan ka hortagno wax alle wixii dhibaato ummadda u soo jiidaya,” ayuu yiri Cumar Ibraahim.   

Berri, maxkamadda ICJ, ayaa si rasmi ah ugu dhawaaqi doonta xukunka dacwadda badda ee Soomaaliya iyo Kenya, waxaaana loo badinayaa in Soomaaliya ay ku guulaysato kiiska badda.

Waxay ahaan doontaa guul taariikhi ah oo laga gaaray dadaalkii loogu jiray badbaadinta qeyb kamid ah badda Soomaaliya, oo ay xoog ku haysatay Kenya.

 

Abdiweli M. Sheikh, Hiiraan Online












Click here
10/11/2021 8:35 AM EST
Isniin, October, 11, 2021 (HOL) - Xubno ka socday guddiga doorashooyinka heer Fedaraal iyo heer dowlad goboleed ayaa maanta magaalada Baledweyne kulan kula qaatay Madaxweyne ku xigeenka maamulka Hirshabeelle Yuusuf Axmed Hagar Dabageed.

10/11/2021 8:15 AM EST
Isniin, October, 11, 2021 (HOL) - Madaxweynaha Somaliland Muuse Biixi Cabdi, ayaa sheegay in uu difaacayo xoriyada iyo ganacsiga ay hablaha reer Somaliland leeyihiin, isagoo dad aanu carabaabin ku eedeeyay in ay doonayaan in ay burburiyaan ganacsiga haweenka.

10/11/2021 5:30 AM EST
Isniin, October, 11, 2021 (HOL) - Golaha Midowga Musharaxiinta Madaxweynaha Soomaaliya ayaa war qoraal ah oo ay soo saareen waxay ku sheegeen iney walwal aad u weyn ka qabaan dib u dhaca doorshada iyo tafaraaruqa siyaasadeed ee ka jira dalka oo ay sheegeen in xaalad hubaanti la'aan dhanka doorashooyinka uu dalka galay.

10/11/2021 4:11 AM EST
Isniin, October, 11, 2021 (HOL) - Hogaamiyaha xisbiga wadajir, Cabdiraxmaan Cabdishakuur Warsame, ayaa sheegay in ay u qalmaan in loo taago Taallooyin lagu xasuusandoono kaalinta xukuumadii uu katirsanaa ay ka qaadatay badbaadinta badda Soomaaliya.

10/11/2021 3:13 AM EST
Isniin, October, 11, 2021 (HOL) - Golaha Nabadda iyo Ammaanka ee Midowga Afrika ayaa taageeray hawlgalka wadajirka ah ee Qaramada Midoobay ee hoos imaanaya Cutubka VII ee howlgalka nabad -ilaalinta Soomaaliya, sanadka soo socda.

10/11/2021 2:51 AM EST
Isniin, October, 11, 2021 (HOL) - Guddoomiyaha maamulka Gobolka Hiiraan Cali Jeyte Cismaan ayaa xalay aqalka madaxtooyada gobolka Hiiraan waxa uu casho sharaf iyo soo dhaweyn uu ugu sameeyay xubnaha ka socday guddiyada doorashada Fedaraalka iyo Hirshabeelle.