3/28/2024
Today from Hiiraan Online:  _
Wararka Maanta- Axad, Nov 21, 2021
Raysal wasaare Rooble: Weriye Cabdicasiis Afrika wuxuu ahaa saxafi howlkar ah iyo halyey qaran oo dalkiisa iyo dadkiisa ugusoo shaqeeyay si geesinimo ah
 

Axad, November, 21, 2021 (HOL) - Dowladda Soomaaliya ayaa maanta aas qaran u sameysay allaha u naxariistee agaasimihii Radio Muqdisho, Cabdicasiis Maxamuud Guuleed Afrika, kaas oo xalay lagu dilay weerar ismiidaamin ah oo uu geystay qof naftii hallige ah oo katirsanaa Alshabaab.

Raysal wasaaraha Soomaaliya iyo mas’uuliyiin kale ayaa salaada Janaasada kula tukaday masjidka Shuhadaa ee madaxtooyada meydka allaha u naxariistee Cabdicaziiz Maxamuud Guuleed Afrika.

Marxuumka ayaa lagu aasay qabuure ku yaalla Isbitaalka Ciidanka Xoogga ee Magaalada Muqdisho.

Ra’iisul wasaare Rooble ayaa sheegay weriye Cabdicasiis inuu ahaa saxafi howlkar ah iyo halyey qaran oo dalkiisa, dadkiisa iyo diintiisaba ugu soo shaqeeyay si geesinimo iyo hagar la’aan ah.

“Allaha u naxariisto Agaasimihii Radio Muqdisho Cabdicasiis Maxamuud Guuleed Afrika oo ku geeriyooday qarax argagixisadu la beegsadeen. Waxaan geeridiisa uga tacsiyeynayaa qoyskiisa, bahweynta saxaafadda iyo guud ahaan ummadda Soomaaliyeed, ayuu yiri raysal wasaare Rooble.

Alshabaab ayaa sheegatay masuuliyadda dilka weriye Afrika, iyagoo sheegay in ay ugu aargudeen Xasan Xanafi oo ahaa weriye katirsanaa Alshabaab, kaasoo masuul ka ahaa dilal loo geystay saxafiyiin badan.

Dowladda Soomaaliya ayaa Xasan Xanafi xukun dil ah ku fulisay bishii abril ee sannadkii 2016, kadib markii isagoo baxsad ah lagu qabtay dalka Kenya, iyadoo markii dambena dowladda lagusoo wareejiyay.

Wariye Cabdicasiis Afrika waxa uu ahaa weriyihii wareystay Xasan Xanafi kanasoo saaray macluumaad badan oo ku saabsan Alshabaab iyo sida ay u maleegeen weriyayaashii lagu dilay magaalada Muqdisho.

Abdiweli M. Sheikh, Hiiraan Online












Click here
11/21/2021 12:14 PM EST
Axad, November, 21, 2021 (HOL) - Hanti-dhowaraha Guud ee Soomaaliya Dr. Maxamed Maxamuud Cali Afgooye ayaa soo saaray warbixin sannadeedka ku saabsan baaritaanka maaliyadda laamaha dawladda Soomaaliya.

11/21/2021 12:00 PM EST
Axad, November, 21, 2021 (HOL) - Guddigii baarayey kiiska Ikraan Tahliil Faarax, oo ah gabar ka tirsan NISA oo la la’yahay tan iyo June 26 2021, ayaa caawa soo saaray natiijo horudhac oo ay sheegeen inay kasoo baxday baaritaankooda.

11/21/2021 10:15 AM EST
Axad, November, 21, 2021 (HOL) - Wasiirka Dhalinyada iyo ciyaaraha Somaliland Cabdirashiid Xaaji Ducaale Qambi, ayaa askar ciidanka Somaliland ka goostay oo sheegay in ay Buuhoodle Somaliland ka xoraynayaan uga digay in ay qas galiyaan gobolkaas.

11/21/2021 10:02 AM EST
Axad, November, 21, 2021 (HOL) - Musharaxa xisbiga Waddani Cabdiraxmaan Maxamed Cabdillaahi Cirro, oo ka jawaabay eedayntii uu madaxweyne Biixi u jeediyay shalay, ayaa sheegay in madaxweynaha looga fadhiyay in uu ka hadlo siyaasada iyo xaalada guud ee Somaliland halkii uu isaga weerari lahaa.

11/21/2021 7:03 AM EST
Axad, November, 21, 2021 (HOL) - Maxkamadda ciiddamada qalabka sida ee maamulka Puntland ayaa maanta xukun dil ah ku riday labo nin oo katirsan ururka Alshabaab oo ka qeyb qaatay weerarkii bishii march ee sanadkan lagu qaaday xabsiga magaalada Boosaaso.

11/21/2021 5:46 AM EST
Axad, November, 21, 2021 (HOL) - Ugu yaraan 3 qof ayaa gaajo ugu dhintay tiro kale oo aan la xaqiijin way is dal-daleen kadib markii ay xoolahoodii ku waayeen abaarta ka jirta gobolka Gedo ee dowlad goboleedka Jubbaland.

11/21/2021 4:11 AM EST
Axad, November, 21, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa magacaabay guddi heer Wasiirro ah oo u xilsaaran gurmadka dadka la il-daran abaaraha ku dhuftay meelo badan ee waddanka ah.

11/21/2021 1:37 AM EST
Axad, November, 21, 2021 (HOL) - Wasiirkii hore ee arrimaha dibadda Soomaaliya, Maxamed Cabdirisaaq Maxamuud, ayaa sheegay in ay fajac ku noqotay xil ka qaadistii xalay lagu sameeyay, xilli uu sheegay inuu madaxweynaha iyo raysal wasaaraha ka sugayay in ay wax ka qabtaan tabashooyin uu u gudbiyay.

11/21/2021 1:29 AM EST
Axad, November, 21, 2021 (HOL) - Warar dheeraad ayaa kasoo baxaya dagaal culus oo xalay ku dhexmaray degmada Dhoobleey ee gobolka Jubbada Hoose ciidamo ka tirsan dagaalamayaasha Al-shabaab iyo kuwa Nabadsugida maamulka Jubbaland.