3/29/2024
Today from Hiiraan Online:  _
Wararka Maanta- Khamiis, Jun 10, 2021
Waalidiinta carruurtooda uga maqan tahay Eritrea oo dhigay Mudaharaad xooggan
 

Khamiis, Juun, 10, 2021 (HOL) - Mudaharaad loogasoo horjeedo dhalinyaro Soomaaliyeed oo dalka Eritrea tababar ciidan loogu qaaday kadibna laga qeyb galiyay dagaalada waqoooyiga Ethiopia ka socda ee lagula jiro ciidamada Tigrayga ayaa maanta ka dhacay Muqdisho.

Waalidiinta dhalay dhalinyaradan ayaa ku eedeeyay dowladda Soomaliya in ay Itoobiya heshiis kula gashay in ay ka qeyb qaataan dagaalada ka socda dalkeeda ee loogasoo horjeedo jabhadda TPLF.

Mudaharaadkan ayaa ka dhashay warbixin kasoo baxday qaramada Midoobay oo lagu xaqiijinayay jiritaanka in ciidamo Soomaaliyeed oo tababar ku qaatay Eritrea ay ka dagaalameen Ethiopia.

Waalidiinta oo dareen carro leh uu ka muuqday ayaa dowladda si degdeg ah uga dalbaday in carruurtooda loosoo celiyo, waxayna tilmaameen in la qiyaanay oo ilmahooda been loo sheegay.

Dowladda Soomaaliya ayaa lagu wadaa in ay saacadaha soo socda jawaab ka bixiso warbixinta UN-ka kasoo baxday islamarkaana ay waalidiinta siiso jawaab rasmi ah oo ku saabsan xaaladda ilmahooda.

                                                                                                                                                                
Abdiweli M. Sheikh, Hiiraan Online












Click here
6/10/2021 9:00 AM EST
Khamiis, Juun, 10, 2021 (HOL) - Dowladda Kenya ayaa shaacisay iney dib u fasaxday duulimaadyadii tooska ahaa ee kala dhaxeeyay dowladda Soomaaliya.

6/10/2021 7:44 AM EST
Khamiis, Juun, 10, 2021 (HOL) - Wasiirka warfaafinta dowladda Soomaaliya, Cusmaan Abukar Dubbe ayaa beeniyay wararka sheegaya in ciidamo Soomaaliyeed oo lagu tababarayay dalka Eritrea ay ka qeyb galeen dagaalada ka socda dalka Ethiopia.

6/10/2021 5:22 AM EST
Khamiis, Juun, 10, 2021 (HOL) - Shirkadda labaad ee ugu weyn ee soo saarta hilibka lo'da, hilibka doofaarka iyo digaagga ee dalka Mareykanka ayaa bixin doonta illaa $ 5.5 milyan si ay u xalliso dacwad ku saabsan in shirkaddu ay takooreyso shaqaalaha muslimiinta ah ee ka shaqeeya warshaddan oo ku taal waqooyiga Colorado.

6/10/2021 4:30 AM EST
Khamiis, Juun, 10, 2021 (HOL) - Dowladda Soomaaliya ayaa sheegtay in ciidamadeeda qalabka sida ay xireen hoggaamiye sare oo ka tirsan kooxda al-Shabaab kadib hawlgal ka dhacay gobolka Shabeellada Dhexe.

6/10/2021 2:07 AM EST
Khamiis, Juun, 10, 2021 (HOL) - Wiilashaan dhalinyarada ah ayaa siyaabo kala duwan xalay loogu dilay magaalada Muqdisho ee Caasimada Soomaaliya.

6/10/2021 1:58 AM EST
Khamiis, Juun, 10, 2021 (HOL) - Madaxweynahii hore ee Soomaaliya Xasan Sheekh Maxamuud ayaa si adag uga hadlay dhalinyaradii dowladda Fedaraalka Soomaaliya tababarka ciidan ugu qaaday qadan Eretariya, ee la sheegay in laga qeyb galiyay dagaalo cusla oo ka dhacay gobolka Tigreeyga ee dalkaasi Itoobiya.