3/28/2024
Today from Hiiraan Online:  _
Wararka Maanta- Arbaco, July 21, 2021
General Saadaq John oo kasoo muuqday jiidaha dagaalka Bacaadweyn ee Galmudug
 

Arbaco, Luulyo, 21, 2021 (HOL) - Taliyihii hore ee ciiddanka booliiska gobolka Banaadir Saadaq Cumar Xasan {Saadaq John}, ayaa kasoo muuqday jiiddaha dagaalka ciiddamada Galmudug iyo kuwa xoogga dalka kula jiraan kooxda Alshabaab.

Kasoo muuqashadiisa furimaha dagaalka ayaa dhalisay su’aalo badan oo ku saabsan, in Saadaq John uu la heshiiyay dowladda federalka Soomaaliya, iyadoo la ogaa in bishii abril xilka looga qaaday kadib markii uu ka hor yimid muddo kororsigii barlamaanka.

Taliyaha ciiddamada lugta Soomaaliya, General Maxamed Tahliil Biixi, ayaa sheegay, in general Saadaq John uu qeyb ka yahay saraakiisha safka hore uga jira dagaalada Alshabaab looga xoraynayo Galmudug.

"Saadaq John saraakiisha aan hoggaaminayo ayuu kamid yahay, saddex madax oo aan u qeybinay ayuu qeyb joogaa [hogaaminayaa], saraakiishaas ayuuna kamid yahay. Ciidanka Federaalka kama tirsano, balse waa shakhsi dagaalka ku jira." ayuu yiri taliye Biixi.

Wasiirka amniga Galmudug Axmed Macalin Fiqi ayaa isagana bartiisa Facebook soo dhigay, in general Saadaq John ay heshiis ku yihiin dagaalka aagga Bacaadweyn ka socda ee lagula diririyo Alshabaab.

"La dirirka argagixisada ayaa mideeyey markii ay dhacday in siyaasaddu kala geysay, haddii meel la isku diido macnaheedu ma ahan inaan meelo kale la isku waafiqi karin. Gen. Maxamed Biixi iyo Gen. Saadaq John oo ku ballamay ciribtirka argagixisada, waxaa maanta naga maqnaa Gen. Cabdi Qeybdiid oo hawlo shaqo ugu jiray aag dagaal oo kale," ayuu yiri wasiir Fiqi.

General Saadaq John ayaa kasoo jeeda Galmudug, wuxuuna sanadkii 2017 noqday taiyaha nabad sugida gobolka Banaadir. Waxaana markii dambe loo bedelay taliyaha ciiddanka booliiska gobolka Banaadir.

Wuxuu kamid ahaa saraakiishii hoggaaminaysay ciidamadii badbaado qaran ee kasoo horjeestay muddo kororsigii barlamaanka uu sameeyay 12kii bishii abril. Go’aankaas muddo kororsiga oo markii dambe madaxweynuhu ka laabtay kadib markii rabshado hareeyeen.

Abdiweli M. Sheikh, Hiiraan Online












Click here
7/21/2021 2:00 PM EST
Arbaco, Luulyo, 21, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa ka guddoomay Guddiga Dib u heshiisiinta Gobolka Gedo nuqulka warbixintii ay ka soo diyaariyeen Gobolka Gedo, isagoo adkeeyey muhiimadda ay leedahay in degdeg loo dhaqan geliyo dhammaan qodobbada ay soo saareen Guddigu.

7/21/2021 9:55 AM EST
Arbaco, Luulyo, 21, 2021 (HOL) - Gabar 13 jir ah ayaa oo ku noolayd tuulada Jeerinle oo hoos tagta magaalada Gaalkacyo ayaa u geeriyootay dhiig bax kasoo gaaray markii lagu sameeyay gudniinka fircooniga ah, sida ay HOL u xaqiijiyeen qaar kamid ah ehelada qoyskeeda.

7/21/2021 8:36 AM EST
Arbaco, Luulyo, 21, 2021 (HOL) - Guddiga hirgalinta doorashooyinka heer Dowlad Goboleed Puntland, ayaa maanta qalab ay kamid yihiin sanaadiiqda codbixinta kala wareegay xafiiska UNSOM ee Garowe.

7/21/2021 6:33 AM EST
Arbaco, Luulyo, 21, 2021 (HOL) - Hal qof ayaa ku nafwaayay shan kalena way ku dhaawacmeen shil baabuur oo ka dhacay degmada Xamaas oo ku taala jidka u dhexeeya Hargaysa iyo Berbera.

7/21/2021 5:31 AM EST
Arbaco, Luulyo, 21, 2021 (HOL) - Taliyaha guud ee ciidamada dalka Itoobiya Birhanu Jula oo la hadlaayay Wakaalada wararka ee dowladda dalka Itoobiya ayaa sheegay inuu sugayo amarka madaxda ka sareeysa, si markale ciidamada dowladda dagaal ugu qaadaan gobolka Tigraay ee Waqooyiga dalka Itoobiya.

7/21/2021 5:09 AM EST
Arbaco, Luulyo, 21, 2021 (HOL) - Milatariga Mareykanka ayaa Talaadadii shalay qaaday duqeyn cirka ah oo ka dhan ah mintidiinta Alshabaab waana duqeyntii ugu horreysay oo noocan oo kale ah oo uu Maraykanku ka fuliyo Soomaaliya tan iyo markii uu madaxweyne Joe Biden la wareegay xafiiska bishii Janaayo.

7/21/2021 4:47 AM EST
Arbaco, Luulyo, 21, 2021 (HOL) - Diyaarad siday dad rikaab ah oo goordhaw ku dhacday garoonka diyaaradaha magaalada Ceelwaaq ee gobolka Gedo, kaasoo la sheegay inuu muddooyinkii dambe ahaa midaan shaqeyneen.

7/21/2021 2:52 AM EST
Arbaco, Luulyo, 21, 2021 (HOL) - Dowladda Soomaaliya ayaa sheegtay in kooxda Alshabab duqayn lagula beegsaday deegaanada Galmudug ee haatan ay ka socdaan dagaalada u dhexeeya ciidamada Galmudug iyo kuwa xoogga dalka oo dhinac ah iyo kooxda Alshabaab.

7/21/2021 2:04 AM EST
Arbaco, Luulyo, 21, 2021 (HOL) - Hoggaamiyaha Al-shabaab Axmed Cumar Abuu Cubeyd ayaa fariin cod ah oo uu soo duubay kaga hadlay arrimaha doorashooyinka dalka Soomaaliya.