3/29/2024
Today from Hiiraan Online:  _
Wararka Maanta- Arbaco, July 14, 2021
Guddiga dib u heshiisiinta gobolka Gedo oo gaaray magaalada Garbahaareey
 

Arbaco, Luulyo, 14, 2021 (HOL) - Guddiga dib u heshiisiinta gobolka Gedo ee uu magacaabay raysal wasaaraha Soomaaliya Maxamed Xuseen Rooble, ayaa gaaray magaalada Garbahaareey ee magaalo madaxda gobolka Gedo.

Guddigan oo ah wasiirro ka socda afar dowlad goboleed, ayaa halkaas u tagay sidii ay u bilaabi lahaayeen howlaha dib u heshiisiinta gobolka Gedo

Wasiirka Arimaha Gudaha ee Hirshabelle ayaa guddoomiye u ah guddigan, waxayna shaqadooda ugu horaysa ka bilaabi doonaan in ay kulamo la qaataan qeybaha kala duwan ee bulshada.

Guddiga dib u heshiisiinta wuxuu ka masuul yahay abuuridda jawi xasilooni amni iyo mid siyaasadeed oo ay ku qabsoomi karto doorasho wada oggol ah oo ka dhacda Magaalada Garbahaarey iyagoo si dhaw ula shaqeynaya Ra’iisul Wasaaraha Soomaaliya.

Waxyaabaha laga sugayo waxaa kamid ah in ay soo jeediyaan min labo Xubnood oo ah jagada Gudoomiyaha iyo ku xigeenka degmada Garbahaareey iyagoo latashanaya Bulshada qaybaheeda kala duwan.

Guddigan waxaa la faray in ay qorshaha xasilinta Gobolka Gedo guud ahaan iyo tan jawiga qabsoomidda doorashada Garbahaarey kusoo dhameystiraan muddo 30 maalmood gudahood ah.

Abdiweli M. Sheikh, Hiiraan Online












Click here
7/14/2021 3:44 PM EST
Arbaco, Luulyo, 14, 2021 (HOL) - Wareegto kasoo baxday Xafiiska wasiirka arrimaha gudaha iyo dowladaha hoose ee maamul goboleedka Hirshabeelle ayaa xilka qaadis waxaa lagu sameeyay guddoomiyahii degmada Buula burte Feysal Haajir Aadan.

7/14/2021 1:20 PM EST
Arbaco, Luulyo, 14, 2021 (HOL) - Dhakhaatiir reer Somaliland ah, oo madaarka Muqdisho taransit ku ahaa, ayaa baasbooradi laga jeex jeexay, isla markaana la xidhay kadibna Hargaysa loo mastaafuriyay.

7/14/2021 11:41 AM EST
Arbaco, Luulyo, 14, 2021 (HOL) - Mareeyaha hay'ada duulista Somaliland Cumar Sayid Cabdilahi, ayaa sheegay in ay imtaxaan gali doonaan shaqaalaha loo qadanayo madaarka cusub ee Berbera.

7/14/2021 8:37 AM EST
Arbaco, Luulyo, 14, 2021 (HOL) - Bulshada Rayidka ah ee soomaaliya ayaa war-murtiyeed ka soo Saaray kulan ay isugu yimaadeen Garowe oo looga arrinsanayay sidii loo sameyn lahaa guddi heer qaran ah oo koor-joogtaynaya goobaha ay ka dhacayso doorashooyinka.

7/14/2021 7:51 AM EST
Arbaco, Luulyo, 14, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta gaaray degmada Ceel Barde ee gobolka Bakool,halkaa oo lagu soo dhaweeyay. Mas’uuliyiinta degmada,Odayaasha dhaqanka, wax-garadka iyo qeybaha bulshada ayaa qeyb ka ahaa dadweyne badan oo isugu soo baxay garoonka diyaaradaha ee ku yaal bartamaha magaalada.

7/14/2021 7:38 AM EST
Arbaco, Luulyo, 14, 2021 (HOL) - Wararkii ugu dambeeyay ee kasoo baxaya rabshadaha ka socda dalka Koofur Afrika ayaa sheegaya iney korortay tirada dadka ku dhintay bananbaxyada rabshadaha wata ay dhigayaan taageerayaasha madaxweynahii hore ee dalkaasi Jacob Zuma.

7/14/2021 7:30 AM EST
Arbaco, Luulyo, 14, 2021 (HOL) - Wararka ka imaanaya degmada Matabaan ee gobolka Hiiraan aya sheegaya in halkaasi uu ka socdo dagaal beeleed u dhaxeeya laba Maleeshiyo beeleed.

7/14/2021 1:58 AM EST
Arbaco, Luulyo, 14, 2021 (HOL) - Dowlada Fedaraalka Soomaaliya ayaa ka hadashay banaanbaxyo iyo rabshado xoogan oo ka socda dalka Koofur Afrika oo saameyn xoogan ku yeeshay nolasha iyo ganacsiga Soomaalida dalkaasi ku sugan.

7/14/2021 1:54 AM EST
Arbaco, Luulyo, 14, 2021 (HOL) - Gabadh lagu magacaabi jiray Hinda Cumar, ayaa inta la kufsaday kadibna lagu dilay magaalada Hargaysa, sida ay eheladeedu sheegeen.