3/28/2024
Today from Hiiraan Online:  _
Wararka Maanta- Axad, July 11, 2021
Kooxda kubbada Cagta Qaranka Argentina oo 28 sano kadib ku guuleysatay COPA AMERICA
 

Axad, Luulyo, 11, 2021 (HOL) - Xulka qaranka Argentina ayaa ku guuleysatay koobka wadamada ku yaallo Koonfurta Ameerika ee loo yaqaano Copa America, 28 sano ah ka dib markii daqiiqadii 22-naad ee qeybtii hore ee ciyaarta, gool u dhaliyay Angel Di Maria uu siiyay natiijada 1-0 ah iney kaga badiyaan Xulka Brazil oo gurigooda lagu dheelaayay.

Ciyaarta oo aheyd mid adag, una dhaxeysay laba dal oo xifaaltan kubadda cagta ah uu u dhaxayso, ayaa waxay ka dhacday garoonka Maracana ee ku yaallo caasimada wadanka Brazil ee Rio de Janeiro oo sannadkaan marti galisay tartankaas.

Guushii Argentina ay gaartay waxay sidoo kale guul gaar ah u ahayd weeraryahanka kooxda Barcelona - Lionel Messi, kaasoo hantiyay koobkisii ugu horeeyay abid isagoo xiran funaanada buluuga iyo caddaanka ah ee qarankiisa Argentina oo muddo 16 sano ah uu u ciyaarayay.

Messi wuxuu sidoo kale ciyaartaas ay iskaga hor yimaadeen laacibka reer Brazil ee Neymar oo mar ay kooxda Barcelona u wada ciyaari jireen.

Tartanka Copa America ee sanadkaan oo markii hore qorshuhu uu ahaa in sanadkii aynu soo dhaafnay ee 2020 uu ka dhaco dalalka Argentina iyo Colombia, ayaa xiriirka Kubadda Cagta Koonfurta Ameerika ee magacooda loo soo gaabiyo CONMEBOL waxay dib u dhigeen sannad kadib markii cudurka COVID-19 uu saameeyay dalalkaas.

Brazil ayaa nasiib ku heeshay iney marti galiso koobka sannadkaan kadib markii wadanka Colombia ay ka dhaceen mudaaharaadyo looga soo horjeedo madaxweynaha dalkaas Ivan Duque Marquez. Sidoo kalana Argentina uu ku faafay cudurka Covid-19.

Dhanka kale, Argentina ayaa guushaan waxay ka dhigeyso iney 15 mar ku guuleystay Copa America, waxayna gaartay wadanka Uruguay oo horay u hogaaminaayay, 15 marna ku guuleystay koobkaan.

Argentina xilligii ugu dambeyay ee ay ku guuleystay Copa America wuxuu ahaa sannadkii 1993-dii, wakhtigaasoo lagu qabtay wadanka Ecuador, sidoo kalana lagu casuumay inay ka qeyb galaan tartankaas labo wadan oo ka baxsan dalalka ku yaallo koonfurta America kuwaasoo kala ahaa, Mexico iyo Mareykanka. Ciyaartii ugu dambeysayna Argentina waxay 2-1 kaga badisay wadanka Mexico oo koobka ay xilligaas ka qaaday.

Najah Mohamed Ali, Hiiraan Online
[email protected]













Click here
7/11/2021 6:36 PM EST
Axad, Luulyo, 11, 2021 (HOL) - Ciyaar adag oo garoonka Wembley ee ku yaallo waqooyiga magaalada London ku dhex martay wadamada Taliyaaniga iyo Ingiriiska, ayaa guushu waxay ku raacday dalka Taliyaaniga oo markoodii labaad ku guuleystay koobka horyaalada Yurub ee loo yaqaano UEFA Euro.

7/11/2021 2:33 PM EST
Axad , Luulyo, 11, 2021 (HOL) - Guddoomiyaha xisbiga UCID Faysal Cali Waraabe, ayaa casuumad u sameeyay dhalinyarada hindistay halku dhaga "kani waa kaygii.

7/11/2021 2:17 PM EST
Axad , Luulyo, 11, 2021 (HOL) - Madaxweynaha Somaliland Muuse Biixi Cabdi, ayaa tababar usoo xidhay 500 oo dhalinyaro ah oo ka baxay tababarka shaqo qaran.

7/11/2021 12:19 PM EST
Axad, Luulyo, 11, 2021 (HOL) - Hoggaamiyaha golaha Kacdoonka Hiiraan Jenaraal Abuukar Xaaji Warsame Xuud ayaa ka jawaab celiyay hadal dhawaan uu jeediyay madaxweyne ku xigeenka Hirshabeelle Yuusuf Axmed Hagar Dabageed kaasoo ahaa inaan doorasho ka dhici karin Baledweyne hadii uusan imaan madaxweynaha Hirshabeelle.

7/11/2021 12:05 PM EST
Axad, Luulyo, 11, 2021 (HOL) - Agaasimaha Guud ee wasaaradda Caafimaadka oo ay weheliyaan Gudoomiyaha Gobolka Sool iyo duqa degmada ayaa dhagax dhigay xarun lagu dabiibo dadka dhimirka ka dhaawacan.

7/11/2021 9:08 AM EST
Axad , Luulyo, 11, 2021 (HOL) - Jaalliyada Oromada ee ku dhaqan Somaliland, oo ka cabanaya magac dil iyo raaf joogto ah.

7/11/2021 8:46 AM EST
Axad, Luulyo, 11, 2021 (HOL) - Madaxweynaha Soomaaliya Maxamed Cabdullaahi Farmaajo ayaa u hambalyeeyay Ra'iisul Wasaaraha Itoobiya Abiy Axmed oo ku guulaystay aqlabiyad wayn oo uu ka helay doorashooyinka dalkaasi, sida ay sheegeen guddiga doorashooyinka dalkaasi.

7/11/2021 8:18 AM EST
Axad, Luulyo, 11, 2021 (HOL) - Raysal wasaaraha Soomaaliya iyo wafdi uu hoggaaminaayo ayaa goordhaw dib ugu soo laabtay magaalada Muqdisho ee Caasimada Soomaaliya.

7/11/2021 7:25 AM EST
Axad, Luulyo, 11, 2021 (HOL) - Mudaaharaadyo waa weyn oo rabshado wata ayaa ka bilaawday magaalada Johannesburg iyo deegaanada ku teedsan ee dalkaasi Koofur Afrika.

7/11/2021 6:05 AM EST
Axad, Luulyo, 11, 2021 (HOL) - Raysal wasaaraha dalka Itoobiya Abiy Axmed ayaa guul weyn ka gaaray tartankii doorashooyinka dalka Itoobiya oo si rasmi ah loo shaaciyay natiijada doorashooyinkii dhacay.

7/11/2021 2:10 AM EST
Axad, Luulyo, 11, 2021 (HOL) - Ciyaaryahanka caanka ah ee u ciyaaro kooxda Barcelona ee ka dhisan wadanka Spain, una dhashay Argentina ee Lionel Messi ayaa markisii ugu horeysay xulka wadankiisa kula guuleystay koob caalami ah kadib 16 sano oo uu u ciyaarayay.

7/11/2021 1:59 AM EST
Axad, Luulyo, 11, 2021 (HOL) - Waxaa markale soo ifbaxay khilaaf siyaasadeedka oo u dhaxeeya guddoomiyaha Aqalka Sare Cabdi Xaanshi Cabdullaahi iyo Raysal wasaare ku xigeenka Soomaaliya Mahdi Maxamed Guuleed Khadar, kadib markii xubnaha kala taageersana labada masuul ay si gooni gooni ah u kal doorteen guddoomiye iyo guddoomiye ku xigeen matalaya guddiga doorashada gobolada Waqooyi ee Soomaaliland.

7/11/2021 1:53 AM EST
Axad, Luulyo, 11, 2021 (HOL) - Puntland ayaa sheegtay dad dhawaanahaan ka cabanayay dhalinyaro lagu xukumay dil toogasho ah oo ku eedeysan falal isugu jira dil iyo qaraxyo, in ay soo adeegsadeen Alshabaab.

7/11/2021 1:18 AM EST
Axad, Luulyo, 11, 2021 (HOL) - Maleyshiyo hubaysan oo aan haybtooda la garanayn ayaa xalay saqdii dhexe dad Shacab ah ku laayay duleedka deegaanka Saax-qurun oo dhacda galbeedka magaalada Gaalkacyo ee Gobolka Mudug.