3/28/2024
Today from Hiiraan Online:  _
Wararka Maanta- Arbaco, Jan 20, 2021
Midowga Yurub oo daah furay mashruuc ballaaran oo ku saabsan kobcinta kalluumaysiga Soomaaliya
 

Arbaco, Janaayo, 20, 2021 (HOL) - Munaasabad lagu daahfurayay mashruuc Midowga Yurub uu maalgeliyay oo ku saabsan Kalluumeysiga iyo xoolaha ayaa saaka ka dhacay Hotel Decale ee magaalada Muqdisho.

Mashruucan oo ay fulineyso Hay’adda Cuntada iyo Beeraha ee Qaramada Midoobay (FAO) uuna ku kacayo dhaqaale gaaraya 14.7 milyan oo yuuro ah ayaa waxaa si rasmi ah u daah furay Wasaaradda Qorsheynta, Maalgashiga iyo Horumarinta Dhaqaalaha oo kaashaneysa Wasaaradda Kalluumeysiga iyo Wasaaradda Xanaanada Xoolaha.
 
Nicolás Berlanga Martínez, Safiirka Midowga Yurub ee Soomaaliya ayaa sheegay mashruucaan inay ujeedadiisu tahay dib u soo nooleynta iyo ballaarinta dhaqaalaha Soomaaliya iyo kobcinta fursadaha hab nololeedka, abuurista shaqooyin iyo taageerida kobaca loo dhan yahay.
 
"Mashruucu waa mid muhiimad weyn leh maxaa yeelay wuxuu wax ka qabanayaa baahida loo qabo hirgalinta hanaan dhameystiran oo isku dhafan oo lagu wajahayo horumarka Soomaaliya wuxuuna gacan ka geysanayaa xasilloonida isagoo taageeraya 4 geeddi-socod oo muhiim ah, sida xasilinta, maamulka, kobaca dhaqaalaha iyo ilaalinta bulshada,” ayuu yiri Safiirka Midowga Yurub.
 
Waa mashruuc soconaya seddex sano, wuxuu qeyb ka yahay barnaamijka horumarinta dhaqaalaha maxalliga oo ay maalgeliso Midowga Yurub iyadoo ujeedka laga leeyahay ay tahay kordhinta xasiloonida Soomaaliya iyadoo kor loo qaadayo awoodda dowladda iyo kordhinta helitaanka adeegyada aasaasiga ah, dhiirrigelinta dib-u-heshiisiinta maxalliga ah iyo nabad-dhisidda, abuurista fursadaha dhaqaale iyo ilaalinta bulshada kuwa ugu nugul.

Abdiweli M. Sheikh, Hiiraan Online
[email protected]














Click here
1/20/2021 11:37 AM EST
Arbaco, Janaayo, 20, 2021 (HOL) - Guddiga Arrimada Dibadda Golaha Baarlamaanka Soomaaliya ayaa qoraal ku saabsan ciidamadii tababarka loo geeyay dalka Eritrea waxaa ay u gudbiyeen madaxweynaha Soomaaliya, Maxamed Cabdullaahi Farmaajo.

1/20/2021 8:45 AM EST
Arbaco, Janaayo, 20, 2021 (HOL) - Golaha midowga murashixiinta madaxweynaha Soomaaliya, ayaa maanta ugu baaqay madaxweyne Farmaajo inuu si dhab ah uga hadlo xaaladda ay ku sugan yihiin dhalinyarada Soomaaliyeed ee tababarka loogu qaaday Eritrea iyo wararka sheegaya in qaar kamid ah ay ku dhinteen dagaalada Ethiopia ka socday.

1/20/2021 8:06 AM EST
Arbaco, Janaayo, 20, 2021 (HOL) - Madaxweynaha dowlad goboleedka Jubaland Axmed Madoobe ayaa kulan kula qaatay hab maqal iyo muuqaal ah Wakiilada beesha Caalamka u jooga Soomaaliya, sida lagu sheegay qoraal kasoo baxay madaxtooyada Jubbaland.

1/20/2021 6:02 AM EST
Arbaco, Janaayo, 20 2021 (HOL) - Faah faahin dheeraad ah ayaa ka soo baxay qarax magaalada Muqdisho lagula eegtay gaariga guddoomiyaha degmada Yaaqshiid ee gobolka Banaadir Axmed Cabdullaahi Cariif.

1/20/2021 5:45 AM EST
Arbaco, Janaayo, 20, 2021 (HOL) - Cali Jeyte Cismaan guddoomiyaha maamulka gobolka Hiiraan ayaa si adag uga hadlay dilal la xariira aanoyin qabiil oo maalmahii lasoo dhaafay kusoo badanayay wadada xariirisa magaalooyinka Matabaan iyo Guriceel oo ka kala tirsan gobolada Hiiraan iyo Galgaduud.

1/20/2021 5:30 AM EST
Arbaco, Janaayo, 20 2021 (HOL) - Taliye ku xigeenkii hore ee Sirdoonka Soomaaliya ayaa ku baaqay baaritaan madax-bannaan oo lagu sameeyo warka ku saabsan in dhalinyarro Soomaaliyeed laga qeybgaliyay dagaalkii Waqooyiga Itoobiya intooda badanna halkaa lagu dilay.

1/20/2021 4:13 AM EST
Arbaco, Janaayo, 20, 2021 (HOL) - Dowladda Federaalka Soomaaliya ayaa ka hadashay duqeyn ciidanka Mareykanka ay ka fuliyeen saacadihii la soo dhaafay deegaanno ka tirsan gobolka Shabeellaha Hoose.

1/20/2021 3:46 AM EST
Arbaco, Janaayo, 20, 2021 (HOL) - Ururada siyaasada Puntland ayaa walaac xoogan ka muujiyay kalsoonida hay’addaha garsoorka Puntland iyo dhaqmid la’aanta dastuurka, xilli ay Puntland isku diyaarinayso in ay u guurto nidaamka xisbiyada badan ee dimuqraadiyada ku salaysan.

1/20/2021 12:18 AM EST
Arbaco, Janaayo, 20, 2021 (HOL) - Maanta ayaa lagu wadaa in uu xafiiska si rasmi ah ula wareego madaxweynaha cusub ee dalka Mareykanka Joseph Robinette Biden Jr.

1/20/2021 12:08 AM EST
Arbaco, Janaayo, 20, 2021 (HOL) - Kaddib howlgal ay sameeyeen ciidamada dowladda Soomaaliya ayaa lagu waramayaa in ay kula wareegeen deegaanno muhiim ah oo ka tirsan gobolka Jubbada hoose kuwaa oo markii hore gacanta ugu jira xoogagga Ururka Al-shabaab