3/28/2024
Today from Hiiraan Online:  _
Wararka Maanta- Axad, Feb 21, 2021
Kenya oo qareeno caalami ah u kiraysatay dacwadda badda ee Soomaaliya u gudbisay ICJ

Axad, Feberaayo, 21, 2021 (HOL) - Dowladda Kenya ayaa qareeno caalami ah u magacaabatay in ay ku matalaan dacwadda badda ee ay dowladda Soomaaliya u gudbisay maxkamadda caalamiga ah ee cadaalada ee ICJ.

Sean David Murphy oo ah aqoonyahan ku taqsusay cilmiga sharciga ahna Professor katirsan Jaamacadda George Washington ee Washington, DC, ayaa kamid ah Xaakimiin ay dowladda Kenya u kireystay si ay u difaacaan dacwada badda ee ay Soomaaliya gudbisay.

Dhammaan siddeed qareen oo ay Kenya u magacowday dacwadda Huge, waxaa Kenyan ka ah Prof Phoebe Okowa, oo ah bare sharciga Caalamiga ka dhiga Jaamacadda Queen Mary ee London.

Kooxdan ayaa badashay qareenada kala ah Karim Khan, Payam Akhavan (American), Makena Muchiri (Kenya), Vaughan Lowe QC (British), Alan Boyle (British), Mathias Forteau (French) iyo Amy Sanders (British).

Dowladda Soomaaliya weli ma shaacin qareenada u matalaya dacwada ay ka gudbisay dowladda Kenya, taasoo loo farriisanayo bisha soo socota bartamaheeda.

Maxkamada ICJ, ayaa dhawaan diiday codsi Kenya uga yimid oo ah in dib loo dhigo dhegaysiga dacwada oo marar kala duwan dib u dhacday.

Abdiweli M. Sheikh, Hiiraan Online
[email protected]












Click here
2/21/2021 2:39 PM EST
Axad, Feberaayo, 21, 2021 (HOL) - Wasaaradda Caafimaadka Xukuumadda Soomaaliya ayaa shaacisay kiisaskii ugu dambeyay ee Caabuqa Cudurka Covid-19 ee guud ahaan dalka.

2/21/2021 12:54 PM EST
Axad, Feberaayo, 21, 2021 (HOL) - Madaxtooyada Soomaaliya ayaa goordhaw qoraal kasoo saartay shirkii maanta u furmay madaxda dowladda Fedaraalka iyo kuwa dowlad goboleedyada iyo gobolka Banaadir oo aay goobjoog ka ahayeen Wakiilo ka socda Beesha Caalamka oo uu hoggaaminayay ergayga qaramada midoobay ee Soomaaliya James Swan waxaana kulanka looga hadlayay arrimaha doorashooyinka Soomaaliya.

2/21/2021 9:35 AM EST
Axad, Febraayo, 21, 2021 (HOL)- madaxweynaha Somaliland Muuse Biixi Cabdi, oo maanta xadhiga ka jaray dhisme cusub oo loo dhisay wasarada beeraha ee Somaliland, ayaa sheegay in wax soo saarku yahay lafdhabarta dal kasta oo horumara isla markaana cidii aan cunto ku filan lasoo bixin ay dawladaha kale u talinayaan.

2/21/2021 9:05 AM EST
Axad, Feberaayo, 21, 2021 (HOL) - Dowlad goboleedka Jubbaland ayaa sharuud ku xirtay ka qeybgalka shirka wadatashiga arrimaha doorashooyinka oo lagu wado inuu magaalada Muqdisho ku dhex maro dowladda federalka, dowlad goboleedyada iyo gobolka Banaadir.

2/21/2021 7:36 AM EST
Axad, Febraayo, 21, 2021 (HOL)- Hoodo Gareys oo ah saxafiyad ka howl gasha muuq baahiyaha Horyaal, ayaa sheegtay, in ciidamada booliska Somaliland ay u gaysteen jidh dil iyada iyo hooyadeed, xili ay doonayeen in ay warqad dhaawac muujin ah gabadh dhaawaca uga soo qaadan saldhiga booliska ee xaafada Qudhac dheer ee magalada Hargaysa maalintii Jimcaha ee 19 kii bishan Febraayo.

2/21/2021 7:10 AM EST
Axad, Feberaayo, 21, 2021 (HOL) - Wasaaradda arrimaha dibadda Maraykanka ayaa sheegtay in uusan jirin waddan loo oggol yahay inuu u adeegsado covid-19 si uu marmarsiiyo kaga dhigto inuu ku xadgudbo xuquuqda aadanaha iyo xorriyaadka aasaasiga ah.

2/21/2021 6:52 AM EST
Axad, Feberaayo, 21, 2021 (HOL) - Madaxtooyada Soomaaliya waxaa ka bilaawday kulamo looga hadlayo khilaafka doorashada oo ay ka qeybgalayaan madaxda heer federaal, qaar ka mid ah madaxda dowlad gobolleedyada iyo gobolka Banaadir.

2/21/2021 6:36 AM EST
Axad, Febraayo, 21, 2021 (HOL)- Wasiirka wasaarada xanaanada xoolaha ee Somaliland Siciid Sulub Maxamed, ayaa xisbiyada siyaasada ee Somaliland ku eedeeyay in ay bulshada qabaa’il ukala saarayaan, iyagoo musharixiinta ku xidhaya in ay qabaa’iladooda soo kaxaystaan si ay xisbi uga mid noqdaan.

2/21/2021 5:06 AM EST
Axad, Feberaayo, 21, 2021 (HOL) - Waxaa goor dhaw la xaqiijiyay geerida alle ha u naxariisteen Fannaanadii weyneyd Faadumo Cali Nakruumo oo cudurka Covid 19 ugu geeriyootay isbitaalka Martiine ee magaalada Muqdisho.

2/21/2021 4:37 AM EST
Axad, Feberaayo, 21, 2021 (HOL) - Wararka haatan naga soo gaaraya Madaxtooyada Soomaaliya ayaa sheegaya in halkaasi uu kulan uga socdo madaxweyne Maxamed Cabdullaahi Farmaajo, Raysal wasaaraha Xukuumadda Soomaaliya ,guddoomiyaha gobolka Banaadir iyo madaxweynayaasha maamulada K/galbeed, Galmudug, Hirshabeelle iyo Wakiilo ka socda Beesha Caalamka.

2/21/2021 3:36 AM EST
Axad, Feberaayo, 21, 2021 (HOL) - Hoggaamiyaha xisbiga Wadajir ahna musharax madaxweyne Cabdira maan Cabdishakuur ayaa qoraal dheer uu soo dhigay bartiisa Facebook kaga hadlay arrimo xasaasi ah oo la xiriira xaalada dalka.

2/21/2021 2:43 AM EST
Axad, Feberaayo, 21, 2021 (HOL) - Wasiirka Wasaarradda Warfaafinta xukuumadda Soomaaliya Cismaan Abuukar Dubbe ayaa si kulul uga hadlay qoraalkii ka soo baxay dowladda Iskutaga Imaaraadka Carabta oo Dowladda Soomaaliya ee xiligan jirta ku tilmaamtay KMG.

2/21/2021 12:22 AM EST
Axad, Feberaayo, 21, 2021 (HOL) -Dowladda Soomaaliya ayaa wax laga xumaado ku tilmaamtay qoraal ka soo baxay qaar ka mid ah dalalka caalamka oo looga hadlayay xaalada Soomaaliya ee xiligan kuwaa oo ay ku tilmaamtay in ay yihiin qoraalo marin habaabin ah