4/11/2021
Today from Hiiraan Online:  _
Wararka Maanta- Sabti, Feb 20, 2021
Faysal Cali Waraabe “Muqdisho waa magaaladiiniye Farmaajo iska xoreeya”



Sabti, Febraayo, 20, 2021 (HOL)- Guddoomiyaha xisbiga mucaarad ka ah ee UCID Faysal Cali Waraabe, ayaa u duceeyay dadkii ku waxyeelobay mudaharadkii shalay ka dhacay magaalada Muqdisho, sidookale wuxu dadka reer Muqdisho ugu baaqay in ay iska xoreeyaan madaxweyne Farmaajo, waa sida uu hadalka u dhigaye.

Guddoomiye Faysal oo ka hadlayay xaflad uu xisbigiisu musharixiin kusoo dhawaynayay, ayaa dadka reer Muqdisho ku booriyay in ay magaaladooda ka xoreeyaan madaxwayne Farmaajo.

“Halkan waxan doonaya in aan ka tacsiyadeeyo, dadkii reer Muqdisho ee shalay lagu xasuuqay bananbaxa, intii dhimatay Alle ha u naxariisto, inta dhaawacana Alle ha u sahlo, iyagana waxanu leenahay idinkaa waxa iskugu wacan oo taladiinii cadaw gacanta u galiyay baan leeyahay, imikana waxan leenahay, waar tashada reer Muqdishow, meel kale oo uu Farmajo xukumaa ma jirtee, waa Muqdisho, waa magaaladiiniye iska xoreeya baanu leenahay, hayska tagaanu leenahay walalayaal”. Ayuu yidhi guddoomiye Faysal.

Sidookale guddomiyaha ayaa dadka reer Somaliland u sheegay in hadii ay isjeclaan waayaan uu Alle ku salidi doono, waxa Muqdisho ka dhacaya oo kale.

“khilaafka reer Banaadir baa keenay Farmaajo, inaguna hadii aynu khilaafka iska dayn wayno, oo aynu isjeclaan wayno, waxa iyo wax ka xun ayuu Alle inagu salidi, Ilahay baynu ka magan galnay in uu mardanbe cadaw gacanta inoo galiyo, wixi ina soo maray waynu xasuusanaa, xunyohow xunku dhalay dii waynu xasuusanaa, wadooyinkii la xidhay waynu xasuusanaa, diyaaradii laynala dhacay waynu xasuusanaa, yaynaan iloobin taariikhdeena walaalayaal”. Ayuu hadalkiisa sii raaciyay guddoomiyuhu.

Cabdilahi Cabdiraxman SH. Maxamed, Hiiraan Online
[email protected] 











Click here
2/20/2021 1:42 PM EST
Sabti, Feberaayo, 20, 2021 (HOL) -Waxaa caawa ku geeriyooday isbitaalka Martiini ee magaalada Muqdisho alle ha u naxariistee Xaaji Daa'uud Cilmi Cariif. Xaajiga ayaa u geeriyooday cudurka COVID-19.

2/20/2021 11:54 AM EST
Sabti, Feberaayo, 20, 2021 (HOL) - Wasaaradda caafimaadka Soomaaliya ayaa shaacisay in 48 saac ee lasoo dhaafay cudurka Covid-19 laga helay 257 qof, halka ay sidoo kale u geeriyoodeen 15 qof oo ku jiray isbitaalka Martiini.

2/20/2021 10:15 AM EST
Sabti, Febraayo, 20, 2021 (HOL)- Maalinta dhalinyarada Somaliland ee UFO, oo ah maalintii ay dhalinyaro ciyaal iskuul iyo aqoonyahan ahaa, ay dhagax kula dagalameen taangiyadii dawladii milatariga ahayd ee Siyaad Barre 20/ Febraayo 1982, ayaa laga xusay magalada Hargaysa.

2/20/2021 8:36 AM EST
Sabti, Feberaayo, 20, 2021 (HOL) -Shaqaale caafimaad ayaa xaqiijiyay in ugu yaraan shan askari lagu dilay iska horimaadyadii maalintii shalay ka dhacay magaalada Muqdisho ku dhawaad 10 ruux oo rayid ahna ku dhaawacmeen.

2/20/2021 7:41 AM EST
Sabti, Feberaayo, 20, 2021 (HOL) - Wasiirka Gaadiidka iyo Duulista hawada Soomaaliya, Maxamed Salaad Oomaar ayaa sheegay in xaaladda garoonka diyaaradaha Muqdisho ay tahay mid wanaagsan duulimaadyaduna sidii caadiga ahayd ugasoo dagayaan.

2/20/2021 7:31 AM EST
Sabti, Feberaayo, 20, 2021 (HOL) - Maxkamada Gobolka Banaadir ayaa ku heshay shirkada Favori LLC ee maamusha Garoonka Diyaaradaha Muqdisho, ku tumasho xuquuq shaqaale, kadib markii sharci yaqaanada Xiriirka Ururada Shaqaalaha Soomaaliyeed ee (FESTU) ay kusoo eedeeyeen ku xadgudbida xuquuqda mid kamid ah shaqaalaha xoogsatada ah ee shirkadda u shaqeeya.

2/20/2021 4:34 AM EST
Sabti, Feberaayo, 20, 2021 (HOL) -Jubbaland ayaa sheegtay in ay qiimeyn ku sameyn doonto xaalada amaan ee magaalada Muqdisho ka hor ka qeybgalka shirka uu dhawaan ku baaqay madaxweynaha dowladda Soomaaliya Maxamed Cabdullaahi Farmaajo.

2/20/2021 1:44 AM EST
Sabti, Feberaayo, 20, 2021 (HOL) -War Qoraal ah oo ka soo baxay Midowga Musharixiinta Mucaaradka ayeey ku sheegeen in aysan joojin doonin dibadbaxyada ka dhanka dowladda uu hoggaamiyo Madaxweyne Maxamed Cabdullaahi Farmaajo.

2/20/2021 12:23 AM EST
Sabti, Feberaayo, 20, 2021 (HOL) -Urur gobolleedka IGAD ayaa cambaareeyay iska horimaadyadii maalintii shalay ka dhacay magaalada Muqdisho kaddib markii ay dowladdu is hortaagtay mudaaharaad ay qorsheynayeen in ay dhigaan midowga mushariixintu.