10/23/2021
Today from Hiiraan Online:  _
Wararka Maanta- Talaado, Oct 12, 2021
Nairobi : Banaanbaxyo laga digay iney ka dhacaan Xaafadda Soomaalida
 

Talaado, October, 12, 2021 (HOL) - Sheekh Maxamed Ibraahim Shakuul oo kamid ah culimada Soomaaliyeed ee dalka Kenya, kana mid ah xubnaha guddiga ganacsatada ee Xaafadda Islii ayaa ka digay in mudaharaadyo iska soo horjeeda ay ka dhacaan xaafadda Soomaalida ee islii, kadib Go'aanka dhinaca badda ee la filayo inuu maanta kasoo baxo Maxkmadda Cadaaladda Aduunka ee ICJ.

Sheekh Shakuul oo la hadlayay HOL ayaa sheegay iney heleen xogo la xiriira iney dibadbaxyo abaabulayaan dhalinyaro soomaaliyeed kuwaas oo u kala qeybsan labo kooxood, oo qaarkood taageersanyihiin Soomaaliya halka kuwa kalana ay la safanyihiin dowladda Kenya.

“Dareenka Cabsida ah waxa uu dhashay kaddib markii ay soo baxeen warar sheegaya in daraf kamid ah Soomaalida Islii joogta in ay u dabbaaldegayaan haddii dacwadda Badda Soomaaliya loo xukumo halka ay jiraan dad kale oo kasoo horjeeda” ayuu yiri Sheekh Maxamed Shakuul.

Shiikh Shakuul Wuxuu muujiyay walaaca la xiriira in mudaharaadyadaasi ay kusoo hoos dhuuman karaan Kooxo tuugo ah Ama boqolaalka qof ee ku dhaqan xaafadda isku raranka ah ee Mathere oo u dhow xaafadda Soomaalida ee islii.

“Xaqiiqdii waa in laga feejignaadaa falcelin weliba oo ka dhalan karta go’aanta Maxkamadda iyada oo laga fikirayo nafta iyo hantida taal, Xaafadda isku raranta ah ee saaran islii waxaa ku sugan burcad ka faaiideysan karta khalalaase weliba oo dhaca, sido kale waxey ku xadgudbi karaan haweenkeene, ama waxey gubayaan guryaha, xittaa ciidanka ayaa dadka boobi kara oo aanan ku kalsooneen” ayuu hadalkiisa sii raaciyay Sheekh Maxamed Ibraahim Shakuul.

Culimada Soomaaliyeed ee ku nool Xaafadda islii ee Magaalada Nairobi ayaa ilaa xalay kawaday Masaajidda iyo Warbaahinta wacyaglin la xiriirta sidii looga hortagi lahaa Banaanbaxyo isku badali kara rabshado kuwaas oo ay sameeyaan dhalinyarada soomaalida, kadib go'aanka Taarikhiga ah ee la filayo iney maanta gaarto Maxkamadda ICJ.

Maxkamadda ayaa qoraal ay shalay ku baahisay barteeda Twitter-ka ku sheegtay in muddada loo qabtay dhegeysiga dacwadda aysan waxba iska beddelin, islamarkaana lagu dhawaaqi doono go'aanka maxkamadda talaadada maanta ah.

Soomaaliya ayaa dacwo ka dhan ah Sheegashada Kenya ee qayb kamid ah Biyaha Soomaaliya u gudbisay Maxkamadda Caalamiga ee Cadaaladda ICJ August 2014-kii, Kenya waxa ay isaga hartay wareeggii ugu dambeeyay, 8-dii October 2021 waxa ay ku dhawaaqday in aysan u hoggaansami doonin go’aanka Maxkamadda ay gaarto.

Yusuf Abdi Shire, Hiiraan Online
[email protected]












Click here
10/12/2021 6:11 PM EST
Talaado, October, 12, 2021 (HOL) - Gudida doorashooyinka Itoobiya ayaa war saxaafadeed ay soo saareen ku shaaciyay natiijada rasmiga ee doorashadii dhawaan ka dhacday dawlad degaanka Soomaalida.

10/12/2021 2:03 PM EST
Talaado, October, 12, 2021 (HOL) - Madaxweynaha dowladda federalka Soomaaliya Maxamed Cabdullaahi Farmaajo ayaa caawa jeediyey khudbad ku saabsan guusha taariikhiga ah ee go'aanka Kiiska Badda Soomaaliya.

10/12/2021 10:37 AM EST
Talaado, October, 12, 2021 (HOL) - Maxkamada Cadaaladda Aduunka ee ICJ ayaa goordhaw si rasmi ah ugu xukmisay dalka Soomaaliya lahaanshaha dhul badeed ay dowladda Kenya murum galisay.

10/12/2021 10:33 AM EST
Talaado, October, 12, 2021 (HOL) - Xaliimo Aw Cumar Faarax (Xaliimo Biritish) oo kamid ah qurbajooga Somaliland, ayaa lacag dhan $20,000 oo ay xalay balan qaaday ku wareejisay xildhibaan Barkhad Jaamac Batuun, kadib, markii wasiirka gargaarka ee Soomaaliya Khadiija Maxamed Diiriye ay kala noqotay lacag ay hore ugu balan qaaday Batuun, si uu baabuur u siisto.

10/12/2021 8:09 AM EST
Talaado, October, 12, 2021 (HOL) - Bayaan kasoo baxay wasaaradda arrimaha dibadda Soomaaliya, ayaa lagu diiday hindisaha hawlgalka wadajirka ah ee Qaramada Midoobay iyo midowga Afrika ee la doonayo in laga hirgaliyo Soomaaliya sannadka soo socda 2022.

10/12/2021 7:56 AM EST
Talaado, October, 12, 2021 (HOL) - Wararka ka imaanaya degmada Deyniile ee gobolka Banaadir ayaa sheegaya in qarax miino nooca dhulka lagu aaso ah lagu khaarajiyay Taliyahii Nabadsugida degmada Deyniile Cabdishakuur Raage xili oo ku sugnaa duuleedka degmadaasi.

10/12/2021 5:26 AM EST
Talaado, October, 12, 2021 (HOL) - Dowladda Soomaaliya ayaa maanta rajo aad u weyn ka muujinaysa in ay ku guulaysan doonto dacwadda kiiska badda oo galabta lagu wado in maxkamadda ICJ ay si rasmi ah ugu dhawaaqdo, sida uu qorshuhu yahay.

10/12/2021 4:03 AM EST
Talaado, October, 12, 2021 (HOL) - Hal askari oo katirsan ciiddanka Puntland ayaa ku dhintay, dhowr kalena way ku dhaacmeen iska hor imaad xalay ka dhacay magaalada Garowe, oo dhexmaray ciiddanka amniga iyo rag ka ganacsada maandooriyaha.

10/12/2021 2:42 AM EST
Talaado, October, 12, 2021 (HOL) - Kooxo hubeysan oo burcad Koofur Afrikaan ah ayaa Xalay muwaadin Soomaaliyeed ku dilay goobtiisa ganacsi oo ku tiilay magaalada Quenstown ee gobolka Eastern Cape ee dalkaasi Koofur Afrika.

10/12/2021 1:33 AM EST
Talaado, October, 12, 2021 (HOL) - Waxaa maanta oo Talaado ah lagu wadaa in Maxkamada Cadaaladda Aduunka ee ICJ iney ku dhawaaqdo go'aanka kiiska dacwada Badda ee u dhaxeeysay dowladaha Soomaaliya iyo Kenya.