5/6/2021
Today from Hiiraan Online:  _
Wararka Maanta- Axad, May 2 , 2021
Xarunta xuquuqal insaanka madaxabanaan ee Somaliland oo baaq kasoo saartay xadhiga musharixiinta mucaarad ka


 

Axad, May, 2, 2021 (HOL) - Xarunta xuquuqal insaanka madaxabanaan ee Somaliland, ayaa booliska ku eedeesay in ay si sharci daro ah u xidheen musharixiin ka tirsan xisbiyada mucaaradka iyo wariyayaal.

Warsaxafadeed ay xaruntu soo sartay ayaa lagu yidhi “xadhiga musharixiintu wuxu lid ku yahay dastuurka Somaliland iyo xeerka doorashooyinka”.

“Dastuurku waxa uu ogolyahay in muwaadinkasta uu is sharaxo oo uu xisbigu doono iska sharaxo, xeerka doorashooyinku waxa uu xasaanad siiyay musharixiinta oo lama xidhi karo hadii aanay danbi faraha kula jirin”.

“Caga-juglaynya iyo fara-galinta uu booliska Somaliland ku hayo doorashooyinka Somaliland, waxay caqabad ku yihiin mabaadiida asaasiga ah ee doorasho xor ah oo xalaala’.

Warsaxafadeedka ayaa dhinaca kale lagu sheegay in 4 tii bilood ee u danbayay 7 wariye xabsiga la dhigay, waxanay xaruntu sheegtay in xadhiga suxufiyiintu lidi ku yahay dastuurka Somaliland.

Xarunta xuquqal insaanka madaxa banana waxay xukuumada Somaliland ugu baaqaysa in ay xoriyadooda usoo celiso musharixiinta xidhan, isla markaana ay joojiso caga juglaynta ay ku hayso musharixiinta ayaa warsaxafadeedka lagu yidhi.

Waxa jira baaqyo kala duwan oo kasoo baxaya hay’adaha ku shaqada leh arrimaha xuquuqal insaanka iyo doorashooyinka oo xukuumada lagaga dalbanayo in ay xoriyadooda usoo celiso musharixiinta xidhan.

Cabdilaahi Cabdiraxmaan Maxamed, Hiiraan Online
[email protected]  












Click here
5/2/2021 3:37 PM EST
Axad, May 02, 2021 (HOL) - Hotelka Decale ee magaalada Muqdisho ayaa caawa shir ku yeeshay xubo ka tirsan midowga Musharixiinta iyo wafdi ka socda dowladda Qatar oo xalay soo gaaray Muqdisho.

5/2/2021 2:27 PM EST
Axad, May 02, 2021 (HOL) - Maxkamadda ciidamada Puntland ayaa maanta xukun dil ah ku ridey shan nin oo lagu helay in ay ahaayeen horjoogayaal katirsan Alshabaab, kuwaas oo qaabilsanaa amarada iyo qorsheynta dilalka iyo qaraxyada magaalada Galkacyo.

5/2/2021 2:13 PM EST
Axad, May, 2, 2021 (HOL) - Taliyaha booliska Somaliland, Maxamed Aadan Saqadhi, oo kawajabaya eedo losoo jediyay, ayaa yidhi “dadka booliiska eedaynayaa waa dad doonaya in ay sharciga gacmahooda ku qaatan maalinta doorashada”.

5/2/2021 11:00 AM EST
Axad, May 02, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble kulan waddatashi ah iskugu yeeray madaxda maamul goboleedyada iyo gobolka Banaadir 20-ka bishan May.

5/2/2021 9:41 AM EST
Axad, May, 02, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa kulan la qaatay ergey ka socda dowladda Qatar Dr. Mutlaq Al-Qahtani.oo xalay soo gaaray magaalada Muqdisho.

5/2/2021 9:31 AM EST
Axad, May, 2, 2021 (HOL) - Waalidiinta 6 arday oo loo haysto in ay abaabuleen rabshadihii dugsiga Nuradiin ee magaalada Hargaysa ka dhacay 3, Maarso, ayaa sheegay in loo diiday in ay caruurtooda xabsiga ku booqdaan.

5/2/2021 9:05 AM EST
Axad, May, 02, 2021 (HOL) - Waxaa xalay magaalada Muqdisho soo gaaray ergay gaar ah oo ka socda dowladda Qatar Dr. Mutlaq bin Majed al-Qahtani kaasoo kulamo kala duwan la qaadan doona madaxda dowladda Federaalka iyo madaxda Dowlad Gobolleedyada.

5/2/2021 7:53 AM EST
Axad, May 02, 2021 (HOL) - Jubbaland ayaa ku eedeeysay madaxweyne Farmaajo in uusan doonayn inuu arrimaha amniga ku wareejiyo raysal Wasaaraha Soomaaliya, Maxamed Xuseen Rooble oo xukuumadiisa loo igmaday inay la wareegto masuuliyadda doorashada iyo amniga.

5/2/2021 6:48 AM EST
Axad, May 02, 2021 (HOL) - Midowga Musharraxiinta ayaa soo dhoweeyay in RW Rooble uu si buuxda ula wareegay maamulka doorashooyinka qaranka iyo amniga dalka.

5/2/2021 2:58 AM EST
Axad, May, 2, 2021 (HOL) - Guddoomiyaha xisbiga mucaaradka ah ee UCID Eng. Faysal Cali Waraabe, ayaa taliyaha booliska Somaliland ku eedeeyay in uu musharixiinta ula dhaqmayo sidi argagixisada.

5/2/2021 1:45 AM EST
Axad, May 02, 2021 (HOL) - Bayaan ka soo baxay dowladda Mareykanka ayaa kagy sheegay in ay soo dhaweynayaan tallaabadii ay shalay qaadeen Madaxweyne Maxamed C/llaahi Farmaajo iyo Golaha Shacabka ee Baarlamanka Soomaaliya, taas oo si rasmi ah dib loogu noqday heshiiskii doorashada ee 17-kii September 2020.