6/20/2021
Today from Hiiraan Online:  _
Wararka Maanta- Khamiis, Jun 10, 2021
Dowladda Soomaaliya oo beenisay in ciidamadii lagu tababaray Eritrea ay ka dagaalameen gudaha Ethiiopia


 

Khamiis, Juun, 10, 2021 (HOL) - Wasiirka warfaafinta dowladda Soomaaliya, Cusmaan Abukar Dubbe ayaa beeniyay wararka sheegaya in ciidamo Soomaaliyeed oo lagu tababarayay dalka Eritrea ay ka qeyb galeen dagaalada ka socda dalka Ethiopia.

Wasiirka warfaafinta oo qabtay oo shiraa’id oo ay dowladda kaga jawaabaysay mudaharaad ka dhacay Muqdisho, ayaa ku eedeeyay siyaasiyiinta mucaaradka in ay olole doorasho ka dhigteen in dhegaha shacabka lagusoo celceliyo warar aan waxba ka jirin.

“Ma ahan markii koowaad oo aynu maqalnay warkan, waa markii 9-aad ama tobnaad oo aan maqalno. Mar kaste oo la sheegana waxay noqotaa wax kama jiraan oo waa la ogaadaa in ay been tahay,” ayuu yiri Dubbe.

Wasiir Dubbe ayaa sheegay ciidamada Soomaaliya ugu maqan Eritrea in ay lamid yihiin ciidamada kale ee Turkiga ku maqan. Wuxuuna sheegay in aysan habo yaraatee waxba ka jirin in ciidamo Soomaaliyeed lagu qabsaday Tigree ama ay ku sugan yihiin magaalada Akzum.

Hadalka wasiir Dubbe ayaa kusoo beegmaya xilli magaalada Muqdisho uu maanta ka dhacay mudaharaad cabasho ah oo ay dhigeen waalidiinta ciidamada tababarka ugu maqan Eritrea.

Abdiweli M. Sheikh, Hiiraan Online

 











Click here
6/10/2021 9:00 AM EST
Khamiis, Juun, 10, 2021 (HOL) - Dowladda Kenya ayaa shaacisay iney dib u fasaxday duulimaadyadii tooska ahaa ee kala dhaxeeyay dowladda Soomaaliya.

6/10/2021 6:59 AM EST
Khamiis, Juun, 10, 2021 (HOL) - Mudaharaad loogasoo horjeedo dhalinyaro Soomaaliyeed oo dalka Eritrea tababar ciidan loogu qaaday kadibna laga qeyb galiyay dagaalada waqoooyiga Ethiopia ka socda ee lagula jiro ciidamada Tigrayga ayaa maanta ka dhacay Muqdisho.

6/10/2021 5:22 AM EST
Khamiis, Juun, 10, 2021 (HOL) - Shirkadda labaad ee ugu weyn ee soo saarta hilibka lo'da, hilibka doofaarka iyo digaagga ee dalka Mareykanka ayaa bixin doonta illaa $ 5.5 milyan si ay u xalliso dacwad ku saabsan in shirkaddu ay takooreyso shaqaalaha muslimiinta ah ee ka shaqeeya warshaddan oo ku taal waqooyiga Colorado.

6/10/2021 4:30 AM EST
Khamiis, Juun, 10, 2021 (HOL) - Dowladda Soomaaliya ayaa sheegtay in ciidamadeeda qalabka sida ay xireen hoggaamiye sare oo ka tirsan kooxda al-Shabaab kadib hawlgal ka dhacay gobolka Shabeellada Dhexe.

6/10/2021 2:07 AM EST
Khamiis, Juun, 10, 2021 (HOL) - Wiilashaan dhalinyarada ah ayaa siyaabo kala duwan xalay loogu dilay magaalada Muqdisho ee Caasimada Soomaaliya.

6/10/2021 1:58 AM EST
Khamiis, Juun, 10, 2021 (HOL) - Madaxweynahii hore ee Soomaaliya Xasan Sheekh Maxamuud ayaa si adag uga hadlay dhalinyaradii dowladda Fedaraalka Soomaaliya tababarka ciidan ugu qaaday qadan Eretariya, ee la sheegay in laga qeyb galiyay dagaalo cusla oo ka dhacay gobolka Tigreeyga ee dalkaasi Itoobiya.