7/28/2021
Today from Hiiraan Online:  _
Wararka Maanta- Arbaco, July 21, 2021
Amiirka Al-shabaab oo war kasoo saaray arrimaha doorashooyinka dalka Soomaaliya


 

Arbaco, Luulyo, 21, 2021 (HOL) - Hoggaamiyaha Al-shabaab Axmed Cumar Abuu Cubeyd ayaa fariin cod ah oo uu soo duubay kaga hadlay arrimaha doorashooyinka dalka Soomaaliya.

Amiirka ugu sareeya Al-Shabaab Axmed Abuu Cubeyd ayaa shaaciyay iney kasoo horjeedaan doorashooyinka dalka ka dhici doona, isagoona digniin u diray odayaasha doonaya iney wax kasoo dhisaan Baarlamaanka Cusub ee dalka.

" Ayaga hoggaamiyeyaasha ah, ma damaanad qaadi karaan amaankiina" ayaa ka mid ahaa codka duuban ee Amiirka Al-shabaab.

Hadalkan kasoo yeeray hoggaamiyaha Al-shabaab ayaa imaanaya xili dhawaan lagu wado in dalka Soomaaliya ay ka qabsoonto doorashada labada aqal ee Baarlamaanka Soomaaliya.

Dhamaadkii sanadkii 2019 ayay aheyd markii Shabaab isugu yeereen dhamaan ergadii soo dooratay Baarlamaanka hada waqtigiisa dhamaaday, dabadeedna cafis usoo fidiyeen iyagoona uga digay ineysan dib dambe ugu laaban arrimahaas oo kale.

Ka hor inta aysan cafiska u fidinta ergadii wax kasoo dhistay dowladda Farmaajo waxaa jirtay in Al-shabaab ay dileen odayaal badan oo ka mid ahaa ergadii wax kasoo dhistay dowladda hada waqtigeeda dhamaaday.

Gabagabadii hadalka hanjabaada ah ee kasoo baxay hoggaamiyaha Shabaab ayaa noqoneysa mid sii kordhisa cabsida ay qabaan ergada dooneysa iney wax kasoo dhisaan dowladda cusub ee loo diyaar garoobayo doorashadeeda.

Jamaal Cali Cabdi, Hiiraan Online
[email protected]











Click here
7/21/2021 2:00 PM EST
Arbaco, Luulyo, 21, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa ka guddoomay Guddiga Dib u heshiisiinta Gobolka Gedo nuqulka warbixintii ay ka soo diyaariyeen Gobolka Gedo, isagoo adkeeyey muhiimadda ay leedahay in degdeg loo dhaqan geliyo dhammaan qodobbada ay soo saareen Guddigu.

7/21/2021 11:49 AM EST
Arbaco, Luulyo, 21, 2021 (HOL) - Taliyihii hore ee ciiddanka booliiska gobolka Banaadir Saadaq Cumar Xasan {Saadaq John}, ayaa kasoo muuqday jiiddaha dagaalka ciiddamada Galmudug iyo kuwa xoogga dalka kula jiraan kooxda Alshabaab.

7/21/2021 9:55 AM EST
Arbaco, Luulyo, 21, 2021 (HOL) - Gabar 13 jir ah ayaa oo ku noolayd tuulada Jeerinle oo hoos tagta magaalada Gaalkacyo ayaa u geeriyootay dhiig bax kasoo gaaray markii lagu sameeyay gudniinka fircooniga ah, sida ay HOL u xaqiijiyeen qaar kamid ah ehelada qoyskeeda.

7/21/2021 8:36 AM EST
Arbaco, Luulyo, 21, 2021 (HOL) - Guddiga hirgalinta doorashooyinka heer Dowlad Goboleed Puntland, ayaa maanta qalab ay kamid yihiin sanaadiiqda codbixinta kala wareegay xafiiska UNSOM ee Garowe.

7/21/2021 6:33 AM EST
Arbaco, Luulyo, 21, 2021 (HOL) - Hal qof ayaa ku nafwaayay shan kalena way ku dhaawacmeen shil baabuur oo ka dhacay degmada Xamaas oo ku taala jidka u dhexeeya Hargaysa iyo Berbera.

7/21/2021 5:31 AM EST
Arbaco, Luulyo, 21, 2021 (HOL) - Taliyaha guud ee ciidamada dalka Itoobiya Birhanu Jula oo la hadlaayay Wakaalada wararka ee dowladda dalka Itoobiya ayaa sheegay inuu sugayo amarka madaxda ka sareeysa, si markale ciidamada dowladda dagaal ugu qaadaan gobolka Tigraay ee Waqooyiga dalka Itoobiya.

7/21/2021 5:09 AM EST
Arbaco, Luulyo, 21, 2021 (HOL) - Milatariga Mareykanka ayaa Talaadadii shalay qaaday duqeyn cirka ah oo ka dhan ah mintidiinta Alshabaab waana duqeyntii ugu horreysay oo noocan oo kale ah oo uu Maraykanku ka fuliyo Soomaaliya tan iyo markii uu madaxweyne Joe Biden la wareegay xafiiska bishii Janaayo.

7/21/2021 4:47 AM EST
Arbaco, Luulyo, 21, 2021 (HOL) - Diyaarad siday dad rikaab ah oo goordhaw ku dhacday garoonka diyaaradaha magaalada Ceelwaaq ee gobolka Gedo, kaasoo la sheegay inuu muddooyinkii dambe ahaa midaan shaqeyneen.

7/21/2021 2:52 AM EST
Arbaco, Luulyo, 21, 2021 (HOL) - Dowladda Soomaaliya ayaa sheegtay in kooxda Alshabab duqayn lagula beegsaday deegaanada Galmudug ee haatan ay ka socdaan dagaalada u dhexeeya ciidamada Galmudug iyo kuwa xoogga dalka oo dhinac ah iyo kooxda Alshabaab.