7/28/2021
Today from Hiiraan Online:  _
Wararka Maanta- Isniin, July 19, 2021
Masuuliyiin ka tirsan Hirshabeelle oo si adag uga jawaabay war kasoo baxay Midowga Musharaxiinta


 

Isniin, Luulyo, 19, 2021 (HOL) - Guddoomiyaha maamulka gobolka Hiiraan Cali Jeyte Cismaan ayaa si adag uga jawaab celiyay war qoraal ah oo kasoo baxay Golaha Midowga Musharaxiinta Madaxweynaha Soomaaliya.

Guddoomiye Jeyte ayaa sheegay iney been abuur tahay warka kasoo baxay Midowga Musharaxiinta ee ahaa inaysan amaan aheyn magaalada Baledweyne.

"Waa wax laga xumaado oo laga naxo waxa kasoo yeeray nimanka sheeganaya Midowga Musharaxiinta waana gaf iyo meel ka dhac loogu gafay shacabka reer Baledweyne in la yiraahdo doorasho kama dhici karto Baledweyne" ayuu yiri guddoomiye Jeyte.

Waxaa sidoo kale masuuliyiintii ka hadashay qoraalka kasoo baxay Midowga Musharaxiinta ka mid ahaa guddoomiye ku xigeenka koowaad ee Baarlamaanka Hirshabeelle Siraaji Sheekh Isxaaq iyo guddoomiyaha degmada Baledweyne Cismaan Dhuuboow kuwaas oo sheegay in Baledweyne amaan tahay doorashadana ay ka dhici doonto.

Guddoomiyaha degmada Baledweyne Cismaan Dhuuboow ayaa sheegay in Midowga Musharaxiinta ay yihiin qaswadayaal meelaha taagan qaskii aay wadeena ay lasoo galeen Baledweyne.

Gabagabadii guddoomiye ku xigeenka koowaad ee Baarlamaanka Hirshabeelle Siraaji Sheekh isxaaq ayaa isna sheegay in hadalka kasoo baxay Midowga Musharaxiinta uu ahaa mid gaf ku ah shacabka reer Hiiraan.

"Hadalka kasoo yeeray Midowga Musharaxiinta waa mid gef ku ah shacabka reer Baledweyne waana iney raali galin ka bixiyaan Midowga Musharaxiinta" ayuu yiri Guddoomiye Siraaji.

Jamaal Cali Cabdi, Hiiraan Online
[email protected]











Click here
7/19/2021 2:34 PM EST
Isniin, Luulyo, 19, 2021 (HOL) - Shirkaddaha diyaaaradaha ee Blue Sky iyo Halla Airline ayaa wax laga xumaado ku tilmaamay xanibaad maamulka Koonfur galbeed uu kusoo rogay duulimaadyadooda isaga kala gooshi jiray magaalooyinka Muqdisho iyo Baydhabo.

7/19/2021 8:26 AM EST
Isniin, Luulyo, 19, 2021 (HOL) - Maamulka gobolka Hiiraan ayaa soo saaray amaro cusub oo ku saabsan dhinaca amniga magaalada Baledweyne ee xarunta gobolka Hiiraan.

7/19/2021 7:08 AM EST
Isniin, Luulyo, 19, 2021 (HOL) - Madaxweynaha Somaliland Muuse Biixi Cabdi, ayaa wareegto madaxweyne cafis ugu fidiyay 279 maxbuus oo ah maxabiista danbiyada fudud galay farxada munaasibada Ciidal Odxada awgeed.

7/19/2021 5:38 AM EST
Isniin, Luulyo, 19, 2021 (HOL) - Waxa xabsiga dhexe ee magaalada Gabilay laga siidaayay 35 hablood oo magaalada Gabilay ugu xidhnaa in ay calanka Soomaaliya lasoo baxeen munaasibadii 26 Juun.

7/19/2021 3:30 AM EST
Isniin, Luulyo, 19, 2021 (HOL) - Wararka ka imaanaya deegaanka Kaban ee Waqooyiga magaalada Kismaayo ee gobolka Jubbada Hoose ayaa sheegaya in halkaasi ciidamo ka tirsan Kumaandooska Soomaaliya ka fuliyeen howlgalo qorsheysan oo lagu burburiyay Saldhig halkaasi ku lahayeen Al-shabaab.

7/19/2021 3:08 AM EST
Isniin, Luulyo, 19, 2021 (HOL) - Madaxweynaha dowlad deegaanka Itoobiya Mustafe Muxamed Cagjar ayaa ka hadlay ujeedada uu maamulkiisa ciidamo ugu diray waqooyiga Itoobiya, halkaas oo uu ka socda guluf dagaal oo ka dhan ah jabhadda Tigreega

7/19/2021 3:00 AM EST
Isniin, Luulyo, 19, 2021 (HOL) - Iyadoo maalinta berito ah ay ku beegan tahay maalinta koowaad ee Ciida Carafo ayaa wasaaradda Diinta iyo Awqaafta Xukuumadda fedaraalka Soomaaliya ay soo saartay amaro ku saabsan Xoolaha lagu qalo xaafadaha inta lagu guda jiro gudashada waajibaadka Ciida Carafo.

7/19/2021 2:04 AM EST
Isniin, Luulyo, 19, 2021 (HOL) - Madaxweynaha dowlad deegaanka Soomaalida Itoobiya Mustafa Maxumed Cagjar ayaa si rasmi ah u sagootiyay cutub ka tirsan ciidanka sida gaarka ah u tababaran ee loo yaqaano Liyuu Boolis.

7/19/2021 1:14 AM EST
Isniin, Luulyo, 19, 2021 (HOL) - Kadib kulan saacado badan qaatay oo ay ku yeesheen magaalada Muqdisho xubahana golaha midowga Musharaxiinta madaxweynaha Soomaaliya, waxay walaac xoogan kaga muujiyeen qaabka ay u socdaan howlaha doorashooyinka dalka.