7/28/2021
Today from Hiiraan Online:  _
Wararka Maanta- Sabti, July 17, 2021
Dowlad deegaanka Soomaalida Itoobiya oo ka hadashay iney ciidamo u dirayaan dagaalka Tigreega


 

Sabti, Luulyo, 17, 2021 (HOL) - Maamulka dowlad deegaanka Soomaalida Itoobiya ayaa sheegay in suuragal tahay iney ciidamo u diraan dowladda dhexe ee dalka si ay uga qeyb qaataan dagaalka u dhaxeeya dowladda iyo Falaagada TPLF.

Wasiirka Warfaafinta dowlad deegaanka Soomaalida Cali Badal Muxumed oo la hadlayay Idaacada VOA-da ayaa sheegay in maamulka dowlad deegaanka uu qeyb ka yahay dowladda Fedaraalka dalka Itoobiya, islamarkaana ay taageero u fidinayaan dagaalka ay dowladda dhexe kula jirto Jabhada TPLF.

"Dowladda dhexe ee dalka hadii ay taageero inooga baahato wan garab istaageyna waana suurtagal inaan ciidamo u dirno, balse horay uma jirin wax ciidan ah oo aan u dirnay ka qeybqaadashada dagaalka dowladda iyo TPLF" ayuu yiri Wasiir Cali Badal.

Wasiirka Warfaafinta dowlad deegaanka Soomaalida Itoobiya ayaa sidoo kale sheegay iney ka go'an tahay maamulka deegaanka ka qeyb qaadashada sugida amniga deegaanada kale ee dalka Itoobiya, islamarmaana aysan ogolaan doonin in qalqal la galiyo amaanka deegaankan iyo dalkaba.

Hadalkan kasoo yeeray maamulka dowlad deegaanka Soomaalida Itoobiya ayaa inaanaya, iyadoo dowladda dhexe ee dalka Itoobiya ay dagaal aanan wali dhamaan muddo 8 bilood ah kula jirta Jabahada TPLF oo ka dagaalanta gobolka Waqooyi ee Tigreeyga.

Jamaal Cali Cabdi, Hiiraan Online
[email protected]











Click here
7/17/2021 9:14 AM EST
Sabti, Luulyo, 17, 2021 (HOL) - Xildhibaan Yaasiin Maxamuud Xiir (Faratoon), oo isbahaysiga xildhibaanada UCID iyo Kulmiye u sharaxeen jagada shirgudoonka wakiilada Somaliland, ayaa balan qaaday in uu sinaan ku hogaamin doono golaha.

7/17/2021 7:47 AM EST
Sabti, Luulyo, 17, 2021 (HOL) - Xildhibaan Cabdinaasir Yuusuf Cismaan (Qodax), ayaa waraysi uu MM TV siiyay ku sheegay in xisbiga UCID aanu ka qaadi karin xubinimada xisbiga.

7/17/2021 7:36 AM EST
Sabti, Luulyo, 17, 2021 (HOL) - Guddoomiyaha aqalka sare ee Soomaaliya ayaa ku eedeeyay raysal wasaare Rooble in aanu masuuliyad iska saarin xallinta khilaafka ka taagan doorashada xildhibaanada labada aqal ee Somaliland.

7/17/2021 7:26 AM EST
Sabti, Luulyo, 17, 2021 (HOL) - Gudiga maamulaysa tartanka gabayada oo maalmihii la soo dhaafay ka socdey magaalada Buuhoodle ayaa lagu dhawaaqay sedexda xubnood ee ku guulaystey kaalmaha u horeeya.

7/17/2021 7:21 AM EST
Sabti, Luulyo, 17, 2021 (HOL) - Xisbiga UCID ayaa xubinimadii iyo xilkiiba ka qaaday Cabdinaasir Yuusuf Cismaan (Qodax), oo ahaa xogeeye ku xigeenkii xisbiga UCID kadib markii isaga iyo xildhibaanu uu hogaaminaya isbahaysi la samaysten xisbiga Kulmiye.

7/17/2021 6:48 AM EST
Sabti, Luulyo, 17, 2021 (HOL) - Inta la ogyahay 9 xildhibaan oo ka tirsan xisbiga UCID, ayaa isbahaysi siyaasadeed kula midoobay xisbiga Kulmiye.

7/17/2021 6:45 AM EST
Sabti, Luulyo, 17, 2021 (HOL) - Shan muwaadin oo Soomaali ah oo loo haystay burcad badeednimo ayaa Jimcihii shalay la siidaayay kadib markii maxkamada sare ee Seychelles ay ogaatay in aysan jirin cadeyn ku filan oo ay ku taageerto eedaha loo soo jeediyay.

7/17/2021 6:43 AM EST
Sabti, Luulyo, 17, 2021 (HOL) - Waxa hotelka Maansoor ee magaalada Hargaysa lagu soo bandhigay buuga Hawaale Warran oo uu qoray abwaan Maxammed Ibraahin Warsame (Hadraawi).

7/17/2021 6:34 AM EST
Sabti, Luulyo, 17, 2021 (HOL) - Guddoonka Golaha wakiilada Dowladda Jubbaland, ayaa maanta magacaabay xubnaha guddiga Baarlamaanka ee qabashada doorashada Aqalka sare ee Jubbaland.

7/17/2021 1:28 AM EST
Sabti, Luulyo, 17, 2021 (HOL) - Ciidamada Xoogga Dalka Soomaaliya ayaa howlgalo ka dhan ah Al-shabaab ka sameeyay tuulooyin dhowr ah oo hoos yimaada degmada Janaale ee gobolka Sh/hoose.

7/17/2021 1:25 AM EST
Sabti, Luulyo, 17, 2021 (HOL) - Raysal wasaaraha dowladda Soomaaliya Maxamed Xuseen Rooble ayaa soo dhaweeyay Jadwalka hanaanka doorashooyinka labada aqal ee Baarlamaanka Soomaaliya ee ay soo saareen guddiga doorashooyinka heer Fedaraal ee FEIT.