7/28/2021
Today from Hiiraan Online:  _
Wararka Maanta- Jimco, July 16, 2021
Gabadh katirsanayd saraakiisha nabad sugida Soomaaliya oo muddo labo todobaad ka badan lagu la’yahay nolol iyo geeri


 

Jimco, Luulyo, 16, 2021 (HOL) - Ikraan Tahliil Faarax oo ahayd gabadh 23 jir ah oo ka tirsanayd hay’adda nabad sugida iyo sirdoonka qaranka ee NISA, horayna u ahayd agaasimaha xafiiska duqii Muqdisho Eng Yariisow, ayaa lagu la’yahay nolol iyo geeri kadib markii gurigeeda ay ka baxday muddo labo todobaad ka hor.

Markii ugu war dambaysay waxay ahayd habeen siddeedii fiidnimo ah, kadib markii ay gurigeeda oo ay ku yaallay aagga hay’adda nabad sugida, ka raacday gaari nuuca raaxada oo ay la socdeen shakhsiyaad ay garanaysay.

Tan iyo waqtigaas, dib uguma soo laaban gurigeeda, wax war ahna xaaladdeeda lagama hayo,  taasoo abuurtay shaki ku saabsan in la afduubtay.

Taliyiii hore ee hay’adda NISA, Cabdullaahi Maxamed Cali Sambalooshe, oo aqoon fiican u leh gabadhan, ayaa sheegay in uu tuhunsan yahay in hay’adda nabad sugida ay ku lug leedahay kiiska maqnaanshaha gabadha.

Sambalooshe wuxuu sheegay inuu xog ku hayo in ay gabadhu gacanta ku haysay diiwaanka dhalinyaradii loo qaaday dalka Eritrea islamarkaana ujeedada loo afduubtay ay noqon karto in la baabi’iyo xogo xasaasiya oo ay gacanta ku hayso Ikraan. Taasoo aan la doonayn in ay bannaanka usoo baxdo.

“Dadka qaar waxay igu dhaheen, waxay haysay diiwaan galintii ciidamadii loo qaaday Eritrea. Waxay haysay xogta ciidanka halkaas aaday. Waxay kaloo marqaati ka noqon kartay waxyaabo kale oo xasaasiya oo soo bixi karay” ayuu yiri Sambalooshe.

Sambalooshe wuuxu sheegay  gabadha meesha laga watay in ay tahay goob ammaankeeda aad loo ilaaliyo islamarkaana gaari kaste oo halkaas gala uu yahay mid la garanayo sidoo kalena ay kaamerooyin ku xiran yihiin, wuxuuna sheegay aamusnaanta NISA in ay muujinayso in kiiskan ay ogtahay.

Qoyska Ikraan ayaa dowladda ka dalbaday in gabadhooda meel loogu sheego, waxayna cabasho ug udbiyeen maxkamadda ciidamada qalabka sida ee Soomaaliya, waxaana socda baaritaan lagu ogaanayo halka gabadhu ku maqan tahay.

    
Abdiweli M. Sheikh, Hiiraan Online











Click here
7/16/2021 12:55 PM EST
Jimco, Luulyo, 16, 2021 (HOL) - Guddiga hirgalinta doorashooyinka ayaa war-saxaafadeed ka soo baxay lagu sheegay Shaacinta Jadwalka Guud ee Doorashada Baarlamaanka Labada Aqal ee Jamhuuriyadda Federaalka Soomaaliya (JFS) 2020/2021.

7/16/2021 11:02 AM EST
Jimco, Luulyo, 16, 2021 (HOL) - Ergayga Somaliland u qaabilsan wada-hadalada Somaliland iyo Soomaaliya Adna Aadan Ismaciil, ayaa sheegtay in dowlada Soomaaliya ay Somaliland burburinayso.

7/16/2021 8:57 AM EST
Jimco, Luulyo, 16, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa sheegay degmada Ceel-Barde oo ku taal xadka Soomaaliya iyo Itoobiya ee Koonfurgalbeed, inay muhiimad ballaaran u leedahay Soomaaliya, halkaa oo uu ku suganyahay maalintii saddexaad.

7/16/2021 8:29 AM EST
Jimco, Luulyo, 16, 2021 (HOL) - 4 qof ayaa ku nafwaayay qaar kalena way ku dhawacmeen shil baabuur oo ka dhacay agaagaarka degmada Dacar-budhuq, oo u dhaxaysa Hargaysa iyo Berbera.

7/16/2021 4:45 AM EST
Jimco, Luulyo, 16, 2021 (HOL) - Guddiga hirgalinta doorashooyinka Jubbaland, ayaa maanta war-saxaafadeed qabtay ay ku sharraxayaan halka ay wax marayaan iyo shaqooyinkii u qabsoomay muddadii uu guddigu jiray.

7/16/2021 2:24 AM EST
Jimco, Luulyo, 16, 2021 (HOL) - Wararka ka imaanaya deegaanka Bacaadweyne ee gobolka Mudug ayaa sheegaya in koontarool halkaasi ku yaala oo ku sugnayeen ciidamo ka tirsan maamulka Galmudug ay fashiliyeen weerar qarax oo Ismiidaamin ahaa.

7/16/2021 2:22 AM EST
Jimco, Luulyo, 16, 2021 (HOL) - Madaxweynaha dowlad deegaanka Soomaalida Itoobiya Mustafa Muxumed Cagjar ayaa war qoraal ah oo uu soo dhigay bartiisa Facebook waxuu si qoto dheer kaga hadlay dagaalka u dhaxeeya dowladda Itoobiya iyo falaagada TPLF.