7/28/2021
Today from Hiiraan Online:  _
Wararka Maanta- Jimco, July 16, 2021
Weerar Ismiidaamin oo lagu fashiliyay deegaanka Bacaadweyne ee gobolka Mudug


 

Jimco, Luulyo, 16, 2021 (HOL) - Wararka ka imaanaya deegaanka Bacaadweyne ee gobolka Mudug ayaa sheegaya in koontarool halkaasi ku yaala oo ku sugnayeen ciidamo ka tirsan maamulka Galmudug ay fashiliyeen weerar qarax oo Ismiidaamin ahaa.

Ciidanka ku sugnaa barta koontarool ee laga soo galo deegaanka Bacaadweyne ayaa la sheegay iney toogasho ku dileen wadahii gaariga ku rarnaa waxyabaaha qarxa ee doonayay inuu fuliyo weerarka Ismiidaaminta ahaa.

Gaariga qaraxa ay fashiliyeen ciidanka ayaa la sheegay inuu siday waxyaabo qarxa oo aad u cuslaa waxaana la sheegay in marka wadahii gaariga la toogtay kadibna uu gaarigana qarxay, waxaana la sheegay in gaariga noociisu uu ahaa land Cruiser.

Majiro wax khasaare ah oo laga soo wariyay halkaasi marka laga soo tago ruuxii waday gaariga oo toogashada lagu dilay.

Deegaanka Bacaadweyne waxaa todobaadyo dhaw ka dhacay dagaalo u dhaxeeyay ciidamada Galmudug iyo kuwa dowladda oo iskaashaya iyo Al-shabaab iyo waliba qaraxyo Ismiidaamin ah oo ay gesyteen dagaalamayaasha Shabaab kadib markii dhawaan dib looga qabsaday deegeenka Bacaadweyne oo shabaabka mudo badan gacantooda ku jirtay.

Jamaal Cali Cabdi, Hiiraan Online
[email protected]











Click here
7/16/2021 12:55 PM EST
Jimco, Luulyo, 16, 2021 (HOL) - Guddiga hirgalinta doorashooyinka ayaa war-saxaafadeed ka soo baxay lagu sheegay Shaacinta Jadwalka Guud ee Doorashada Baarlamaanka Labada Aqal ee Jamhuuriyadda Federaalka Soomaaliya (JFS) 2020/2021.

7/16/2021 11:02 AM EST
Jimco, Luulyo, 16, 2021 (HOL) - Ergayga Somaliland u qaabilsan wada-hadalada Somaliland iyo Soomaaliya Adna Aadan Ismaciil, ayaa sheegtay in dowlada Soomaaliya ay Somaliland burburinayso.

7/16/2021 8:57 AM EST
Jimco, Luulyo, 16, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa sheegay degmada Ceel-Barde oo ku taal xadka Soomaaliya iyo Itoobiya ee Koonfurgalbeed, inay muhiimad ballaaran u leedahay Soomaaliya, halkaa oo uu ku suganyahay maalintii saddexaad.

7/16/2021 8:29 AM EST
Jimco, Luulyo, 16, 2021 (HOL) - 4 qof ayaa ku nafwaayay qaar kalena way ku dhawacmeen shil baabuur oo ka dhacay agaagaarka degmada Dacar-budhuq, oo u dhaxaysa Hargaysa iyo Berbera.

7/16/2021 4:45 AM EST
Jimco, Luulyo, 16, 2021 (HOL) - Guddiga hirgalinta doorashooyinka Jubbaland, ayaa maanta war-saxaafadeed qabtay ay ku sharraxayaan halka ay wax marayaan iyo shaqooyinkii u qabsoomay muddadii uu guddigu jiray.

7/16/2021 4:32 AM EST
Jimco, Luulyo, 16, 2021 (HOL) - Ikraan Tahliil Faarax oo ahayd gabadh 23 jir ah oo ka tirsanayd hay’adda nabad sugida iyo sirdoonka qaranka ee NISA, horayna u ahayd agaasimaha xafiiska duqii Muqdisho Eng Yariisow, ayaa lagu la’yahay nolol iyo geeri kadib markii gurigeeda ay ka baxday muddo labo todobaad ka hor.

7/16/2021 2:22 AM EST
Jimco, Luulyo, 16, 2021 (HOL) - Madaxweynaha dowlad deegaanka Soomaalida Itoobiya Mustafa Muxumed Cagjar ayaa war qoraal ah oo uu soo dhigay bartiisa Facebook waxuu si qoto dheer kaga hadlay dagaalka u dhaxeeya dowladda Itoobiya iyo falaagada TPLF.