7/28/2021
Today from Hiiraan Online:  _
Wararka Maanta- Khamiis, July 15, 2021
Jubbaland oo xukun dil ah ku fulisay nin kufsaday gabadh saddex jir oo kadibna geeriyootay


 

Khamiis, Luulyo, 15, 2021 (HOL) - Maamulka Jubbaland ayaa xukun dil ah ku fuliyay Xusseen Aadan Cali, oo kufsi u geystay Gacalo Ismaaciil Cabdullaahi oo ahayd gabadh saddex jir ah oo markii dambe u geeriyootay dhaawac kasoo gaaray kufsi loo geystay.

Xuseen Aadan Cali, ayaa gabadha uu kufsaday wuxuuu u ahaa adeerkeed, waxaana u dhaxday hooyadeed.

Xukunkan oo ahaa mid qisaas ah ayaa ka dhacay magaalada Dhoobley, waxaana kiiskaan xukumay culimada, iyagoo raacayay xukunka shareecadda islaamka waxa uu ka qabo falkaan.

Odayaasha labada dhinac ayaa soo dhoweeyay xukunkan lagu fuliyay dambiilaha falkan geysta, si uu tusaale ugu noqdo cid walba oo falkaan foosha xun ku kacda.


   
Abdiweli M. Sheikh, Hiiraan Online











Click here
7/15/2021 11:58 AM EST
Khamiis, Luulyo, 15, 2021 (HOL) - Wasaarada ganacsiga Somaliland, ayaa ruqsadi kala noqotay shirkada Integrated Shipping Services, oo ah shirkad ka shaqaysa koontiinarada iyo maraakiibta.

7/15/2021 11:29 AM EST
Khamiis, Luulyo, 15, 2021 (HOL) - Maxammed Abiib oo ka tirsan golaha wakiilada Somaliland ee cusub, ayaa xukuumada ku eedeyay in dadka reer Borama ee la xidho, ay xabsiyo kale gayso.

7/15/2021 8:34 AM EST
Khamiis, Luulyo, 15, 2021 (HOL) - Wasiirka amniga Puntland Cabdisamad Maxamed Gallan ayaa sheegay in gacanta lagu dhigay dhammaan xarumihii kooxda Daacish ay ku lahaayeen gudaha Puntland, kadib markii ciidamada amnigu ay qaadeen howlgal socday muddo labo todobaad ah.

7/15/2021 8:26 AM EST
Khamiis, Luulyo, 15, 2021 (HOL) - 32 tartame ayaa ka qaybgelaya oo sadex ka mid ahi tahay dumar tartanka gabayada oo maanta ka furmay xarunta Jaamacada Bariga Afrika faraceeda Buuhoodle.

7/15/2021 7:16 AM EST
Khamiis, Luulyo, 15, 2021 (HOL) - Waxaa maanta lagu aasay qabuuraha Faafgumare oo ku yaala duuleedka magaalada Baledweyne, allah u naxariiste Macalin Cumar Macalin Muxumed oo ahaa macalin dugsi quraan oo u dhintay sun ay raashiin ugu dartay mid ka mid ah xaasaskiisa.

7/15/2021 7:05 AM EST
Khamiis, Luulyo, 15, 2021 (HOL) - Dr Adna Aadan Ismaaciil, ayaa sharci daro ku tilmaantay dhakhaatiir isbitaal keeda ka howl gala oo madaarka Aadan Cadde dib looga soo celiyay basboorka Somaliland oo ay ku safrayeen dartii.

7/15/2021 6:54 AM EST
Khamiis, Luulyo, 15, 2021 (HOL) - Guddoomiyaha maxkamadda sare ee Soomaaliya Baashe Yuusuf Axmed ayaa sheegay in maxkamada sare ee dalka ay gali doonto cabasho kaste oo lagasoo gudbiyo go'aanada ay qaataan guddiyada Doorashooyinka.

7/15/2021 3:28 AM EST
Khamiis, Luulyo, 15, 2021 (HOL) - Wararka naga soo gaaraya degmada Halgan ee gobolka Hiiraan ayaa sheegaya in weerar madaafiic ah lagu qaaday Saldhiga ciidamada Itoobiya ay ku leeyihiin degmadaasi.

7/15/2021 3:18 AM EST
Khamiis, Luulyo, 15, 2021 (HOL) - Shir ay isugu yimaadeen Wasaaradda Waxbarashadda Soomaaliya, Wasaaraddaha Waxbarshashadda dowlad goboleedyada iyo Maamulka Gobolka Banaadir, ayaa lagu soo geba-gabeeyay Magaaladda Garowe Caasimadda Puntland.

7/15/2021 1:58 AM EST
Khamiis, Luulyo, 15, 2021 (HOL) - Waxaa Xalay magaalada Baledweyne ee xarunta gobolka Hiiraan ka dhacay dhacdo naxdin leh oo si aad ah saaka looga hadal haayo magaalada Baledweyne kadib markii haweeney ninkeeda ay siisay raashiin sumeysan.