9/21/2021
Today from Hiiraan Online:  _
Wararka Maanta- Talaado, July 13, 2021
Gabdhahii ugu badnaa oo ka tirsan Booliiska Haramcad oo tababar loogu qaaday dalka Turkiga


Talaado, Luulyo, 13, 2021 (HOL) - Taliyaha ciidamada Booliiska Soomaaliyeed Sareeye Gaas Cabdi Xasan Maxamed Xijaar ayaa shalay galinkii dambe garoonka Aadan Cadde ee magaalada Muqdisho ka sagootiyay 49 gabdhood oo tababar loogu qaaday dalka Turkiga, kuwaas oo ka tirsan ciidamada Booliiska Haramcad.

Taliye Xijaar ayaa sheegay in gabdhahaan ay soo qaadan doonaan tababar heerkiisu sareeyo, si loo xoojiyo dhismaha iyo tayeynta ciidamada Booliiska Soomaaliyeed.

"Waxaan galabta garoonka Aadan Cadde ka sagootiyay 49 gabdhood oo ka tirsan ciidanka Booliiska gaarka ah ee Haramcad oo u dhoofay dalka Turkiga, si aay usoo qaataan tababar tayo leh oo heerkiisu sareeyo, si ay ugu biiraan dadaalada loigu jiro dhismaha iyo tayeynta ciidanka Booliiska Soomaaliyeed" ayuu yiri Taliyaha Booliiska Soomaaliyeed Cabdi Xasan Maxamed Xijaar.

Taliye ku xigeenka Booliiska Soomaaliyeed Zakiya Xuseen Axmed ayaa qeyb ka aheyd sagootinta gabdhaha shalay u dhoofay tababar ay kusoo qaadan doonaan dalka Turkiga, iyada oo kula dardaarantay iney ineey maanka ku hayaan iney yihiin koox qaran oo ka tirsan Haramcad.

“Hadaa ka kala imaateen qabiilo ama guryo kala duwan, maanta dhamaantiin waxaa tihiin koox ka wada tirsan Haramcad, qarankiina garab u noqda, gabdhaha Soomaaliyeed waxay la kulmaan dhibaatooyin badan, maanta waxay u baahan yihiin gabdho ciidan ah oo xuquuqdooda u difaaca” ayay tiri Zakiya Xuseen taliye ku xigeenka Booliiska Soomaaliyeed.

Waa tiradii ugu badneyd ee gabdho Soomaaliyeed oo ka mid noqonaya Booliiska Soomaaliya oo tababar loogu qaado dalka Turkiga.

Jamaal Cali Cabdi, Hiiraan Online
[email protected]












Click here
7/13/2021 9:55 AM EST
Talaado, Luulyo, 13, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa kulan la qaatay Guddiga amniga doorashooyinka, kuwaas oo isugu jira Taliyeyaasha Booliiska heer Fedaraal iyo heer dowlad goboleed, Gobolka Banaadir iyo Taliska AMISOM.

7/13/2021 9:48 AM EST
Talaado, Luulyo, 13, 2021 (HOL) - Ciidamada AMISOM ee ku sugan jasiiada Kudhaa ayaa burburiyey labo gaari waxayna dileen 11 dagaalame oo katirsan kooxda Shabaab, kadib markii ay qaadeen howlgalo cirka iyo dhulka.

7/13/2021 6:52 AM EST
Talaado, Luulyo, 13, 2021 (HOL) - Ciidanka booliiska Somaliland, ayaa ku guulaystay in ay qabtaan khamri lagu soo qariyay baabuur qaad siday.

7/13/2021 3:18 AM EST
Talaado, Luulyo, 13, 2021 (HOL) - Barlamaanka Puntland ayaa ku kala qeybsamay wax bedel lagu sameeyay xeer hoosaadka golaha wakiiladda Puntland, taasoo keentay inuu ka dhasho buuq iyo jahwareer golaha dhexdiisa ah.

7/13/2021 2:31 AM EST
Talaado, Luulyo, 13, 2021 (HOL) - Ugu yaraan 10 qaxooti Soomaali ah oo ku noolaa xeryaha qaxootiga dalka Uganda, ayaa gaajo iyo safmarka Covid19 u geeriyooday, labadii toddobaad ee ugu dambeysay.

7/13/2021 1:57 AM EST
Talaado, Luulyo, 13, 2021 (HOL) - Golaha amniga maamul goboleedka Jubbaland ayaa kulan deg deg ah ka yeeshay arrimaha amiga deegaanada Jubbaland, waxaana kulanka shir gudoominaayay madaxweynaha Jubbaland Axmed Maxamed Islaam.

7/13/2021 1:28 AM EST
Talaado, Luulyo, 13, 2021 (HOL) - Rabshadaha ka socda dalka Koofur Afrika ayaa sababay dilal iyo dhac baahsan oo loo geysanayo muwaadiniinta Soomaaliyeed ee ku nool dalkaasi Koofur Afrika.