9/21/2021
Today from Hiiraan Online:  _
Wararka Maanta- Axad, July 11, 2021
Natiijada doorashooyinkii ka dhacay dalka Itoobiya oo la shaaciyay
 

Axad, Luulyo, 11, 2021 (HOL) - Raysal wasaaraha dalka Itoobiya Abiy Axmed ayaa guul weyn ka gaaray tartankii doorashooyinka dalka Itoobiya oo si rasmi ah loo shaaciyay natiijada doorashooyinkii dhacay.

Guddiga doorashooyinka dalka Itoobiya ayaa ku dhawaaqay natiijada doorashadii 21-kii bishii June ka dhacday gudaha dalka Itoobiya, islamarkaana sheegay in Xisbiga haya talada dalkaasi ee EPP iney 436 kursi oo ka mid ah kuraasta Baarlamaanka oo la shaaciyay ayay kaga guuleysteen 410 kursi.

Doorashooyinka ka dhacay dalka Itoobiya ayaa la sheegay ineysan wali ka dhicin ku dhawaad 100 deegaan doorasho sababo la xiriira amniga iyo arrimo kale.

Gobolka Tigraay ayaa ka mid ah meelaha aysan ka dhicin doorashada halkaasi oo ay ka jiraan dagaalo qaraar, waxaana jirta in deegaanada Soomaalida dib loo dhigay doorashadooda taasoo loo asteeyay 6-da bisha September ee sanadkan 2021

Doorashooyinka ka dhacay dalka Itoobiya bishii lasoo dhaafay ayaa ku soo beegmay xili deegaano badan oo ka tirsan dalkaasi Itoobiya ay ka socdeen dagaalo kulul oo muddo sideed bilood ah socday kuwaas oo u dhaxeeyay Militariga dalka Itoobiya iyo Falaagada Tigraayga.

Jamaal Cali Cabdi, Hiiraan Online
[email protected]












Click here
7/11/2021 6:36 PM EST
Axad, Luulyo, 11, 2021 (HOL) - Ciyaar adag oo garoonka Wembley ee ku yaallo waqooyiga magaalada London ku dhex martay wadamada Taliyaaniga iyo Ingiriiska, ayaa guushu waxay ku raacday dalka Taliyaaniga oo markoodii labaad ku guuleystay koobka horyaalada Yurub ee loo yaqaano UEFA Euro.

7/11/2021 2:33 PM EST
Axad , Luulyo, 11, 2021 (HOL) - Guddoomiyaha xisbiga UCID Faysal Cali Waraabe, ayaa casuumad u sameeyay dhalinyarada hindistay halku dhaga "kani waa kaygii.

7/11/2021 2:17 PM EST
Axad , Luulyo, 11, 2021 (HOL) - Madaxweynaha Somaliland Muuse Biixi Cabdi, ayaa tababar usoo xidhay 500 oo dhalinyaro ah oo ka baxay tababarka shaqo qaran.

7/11/2021 12:19 PM EST
Axad, Luulyo, 11, 2021 (HOL) - Hoggaamiyaha golaha Kacdoonka Hiiraan Jenaraal Abuukar Xaaji Warsame Xuud ayaa ka jawaab celiyay hadal dhawaan uu jeediyay madaxweyne ku xigeenka Hirshabeelle Yuusuf Axmed Hagar Dabageed kaasoo ahaa inaan doorasho ka dhici karin Baledweyne hadii uusan imaan madaxweynaha Hirshabeelle.

7/11/2021 12:05 PM EST
Axad, Luulyo, 11, 2021 (HOL) - Agaasimaha Guud ee wasaaradda Caafimaadka oo ay weheliyaan Gudoomiyaha Gobolka Sool iyo duqa degmada ayaa dhagax dhigay xarun lagu dabiibo dadka dhimirka ka dhaawacan.

7/11/2021 9:08 AM EST
Axad , Luulyo, 11, 2021 (HOL) - Jaalliyada Oromada ee ku dhaqan Somaliland, oo ka cabanaya magac dil iyo raaf joogto ah.

7/11/2021 8:46 AM EST
Axad, Luulyo, 11, 2021 (HOL) - Madaxweynaha Soomaaliya Maxamed Cabdullaahi Farmaajo ayaa u hambalyeeyay Ra'iisul Wasaaraha Itoobiya Abiy Axmed oo ku guulaystay aqlabiyad wayn oo uu ka helay doorashooyinka dalkaasi, sida ay sheegeen guddiga doorashooyinka dalkaasi.

7/11/2021 8:18 AM EST
Axad, Luulyo, 11, 2021 (HOL) - Raysal wasaaraha Soomaaliya iyo wafdi uu hoggaaminaayo ayaa goordhaw dib ugu soo laabtay magaalada Muqdisho ee Caasimada Soomaaliya.

7/11/2021 7:25 AM EST
Axad, Luulyo, 11, 2021 (HOL) - Mudaaharaadyo waa weyn oo rabshado wata ayaa ka bilaawday magaalada Johannesburg iyo deegaanada ku teedsan ee dalkaasi Koofur Afrika.

7/11/2021 2:10 AM EST
Axad, Luulyo, 11, 2021 (HOL) - Ciyaaryahanka caanka ah ee u ciyaaro kooxda Barcelona ee ka dhisan wadanka Spain, una dhashay Argentina ee Lionel Messi ayaa markisii ugu horeysay xulka wadankiisa kula guuleystay koob caalami ah kadib 16 sano oo uu u ciyaarayay.

7/11/2021 1:59 AM EST
Axad, Luulyo, 11, 2021 (HOL) - Waxaa markale soo ifbaxay khilaaf siyaasadeedka oo u dhaxeeya guddoomiyaha Aqalka Sare Cabdi Xaanshi Cabdullaahi iyo Raysal wasaare ku xigeenka Soomaaliya Mahdi Maxamed Guuleed Khadar, kadib markii xubnaha kala taageersana labada masuul ay si gooni gooni ah u kal doorteen guddoomiye iyo guddoomiye ku xigeen matalaya guddiga doorashada gobolada Waqooyi ee Soomaaliland.

7/11/2021 1:53 AM EST
Axad, Luulyo, 11, 2021 (HOL) - Puntland ayaa sheegtay dad dhawaanahaan ka cabanayay dhalinyaro lagu xukumay dil toogasho ah oo ku eedeysan falal isugu jira dil iyo qaraxyo, in ay soo adeegsadeen Alshabaab.

7/11/2021 1:39 AM EST
Axad, Luulyo, 11, 2021 (HOL) - Xulka qaranka Argentina ayaa ku guuleysatay koobka wadamada ku yaallo Koonfurta Ameerika ee loo yaqaano Copa America, 28 sano ah ka dib markii daqiiqadii 22-naad ee qeybtii hore ee ciyaarta, gool u dhaliyay Angel Di Maria uu siiyay natiijada 1-0 ah iney kaga badiyaan Xulka Brazil oo gurigooda lagu dheelaayay.

7/11/2021 1:18 AM EST
Axad, Luulyo, 11, 2021 (HOL) - Maleyshiyo hubaysan oo aan haybtooda la garanayn ayaa xalay saqdii dhexe dad Shacab ah ku laayay duleedka deegaanka Saax-qurun oo dhacda galbeedka magaalada Gaalkacyo ee Gobolka Mudug.