Axad, Janaayo, 31, 2021 (HOL) - Wakiilka Qarramada Midoobey ee Soomaaliya James Swan ayaa soo dhaweeyay baaqii madaxweynaha dowladda Soomaaliya Maxamed Cabdullaahi Farmaajo ee shirka lagu waddo in uu ka furmo magaalada Dhuusa-Mareeb.
Wuxuu sheegay in shirka Dhuusa-mareeb looga baahan yahay in ay la yimaadaan ka qeybgal wax ku ool ah iyo dareen isu-tanaasul si loo gaaro heshiis wadajir ah si degdeg ahna lagu fuliyo noocii doorasho ee 17-kii Sebtember.
Maalinta berri ah ayaa shirkaasi lagu ballansan yahay inkastoo laga yaabo in uu dib ugu dhaco, hasse ahaatee waxaa muuqata in madaxda dowlad gobolleedyada u diyaarsan yihiin ka qeybgalka shirkan uu noqonaya mid lagu go'aamiyo xiliga doorashada iyo in heshiis laga gaaro qoddobada leysku hayo.
Cabdiraxmaan Diini, Hiiraan Online[email protected]