Isniin, Janaayo, 25 2021 (HOL) - Wararka naga soo gaaraya degmada Beled-Xaawo ee gobolka Gedo ayaa sheegaya in shan carruur ah ay ku dhinteen madfac ku dhacay gurigooda.
Waxaa sidoo kale madfacan ku dhaawacmay hooyadii guriga, Aabaha dhalay carruurta geeriyootay oo lagu magacaabo Cabdiwali Turmaag Maxamed ayaa la sheegay in xiligaa guriga ka maqnaa islamarkaana uu ka badbaaday,
Dagaalka degmada Beled-Xaawo ayaa marka laga tago rasaasta ay isku adeegsanayaan dhinacyada dagaalamaya sidoo kale waxaa barbar socda madaafiic lagu garaacayo magaalada oo lagu eedeeyay in ay adeegsanayaan ciidamada uu hoggaaminayo Cabdirashiid Janan.
Dagaalka degmada Beled-Xaawo ayaa dadka sidoo kale ku dhintay waxaa ka mid ahaa taliye ku-xigeenkii saldhiga degmada iyo qaar ka mid ah ilaaladiisa.
Dagaalka ayaa wali ka soconaya qeybo ka mid ah degmada oo ay isaga carareen inta badan dadkii shacabka ahaa ee ku noolaa.
Cabdiraxmaan Diini, Hiiraan Online[email protected]