3/9/2021
Today from Hiiraan Online:  _
Wararka Maanta- Jimco, Jan 22, 2021
Ganacsade Cabdi Xoosh Ashkir oo ku geeriyooday magaalada Muqdisho


 

Jimco, Janaayo, 22, 2021 (HOL) - Waxaa magaalada Muqdisho ku geeriyooday maanta alle ha u naxariisteen Ganacsade Cabdi Xoosh Ashkir oo ka mid ahaa ganacsatada siweyn looga garanayo gayiga Soomaaliya.

Waxaa ku dhashay Baadiyaha degmada Caabudwaaq ee gobolka Galguduud, waxaana uu u soo wareegay magaalada Muqdisho isaga oo Lix sano jira ah sida uu ku sheegay wareysi hadda ka hor lala yeeshay.

Ganacsade Cabdi Xoosh ayaa isaga oo yar ka bilaabay magaalada Muqdisho  ganacsi aan sidaa u buur-neyn sida iibinta Roodhiga iyo Mooska, isaga oo markii danbe u wareegay dhinaca ciidanka xoogga dalka Soomaaliyeed [Militariga]  oo uu ka mid ahaa ku dhawaad 22 sano waxaana uu tababar u taggay dalka Rushka.

Militariga kaddib waxaa uu u wareegay dalka Saudi Arabia halkaasoo uu ka bilaabay socdaalkiisii ganacsiga, isaga oo ka soo sheeqeeyay dalal badan oo calaamka ah oo howlo ganacsi uu u taggay, hasse ahaatee waxaa uu markii danbe ganacsigiisa u soo wareejiyay magaalada Muqdisho uu ka hergaliyay ganacsiyo kala duwan, mashaariic,  iyo dhismayaal caan ah oo ilaa iyo hadda ku suntay magaca ''Xoosh''

Xilligii 1970meeyadii  Cabdi Xoosh wuxuu bilaabay ganacsi ballaaran oo la xiriira dhoofinta kheyraadka badda iyo  guryaha hantida maguurtada ah, waxaa uu ganacsiga ku howlanaa ku dhawaad muddo 38 sano ah uu ku jiray jawi ganacsi  gudaha dalka iyo dibada intaba.

Cabdiraxmaan Diini, Hiiraan Online
[email protected]    















Click here
1/22/2021 10:09 AM EST
Jimco, Janaayo, 22, 2021 (HOL) - Wasiirka Wasaarradda Gargaarka Xukuumadda Soomaaliya Khadiijo Maxamed Diiriye si cad u sheegtay in madaxweyne Farmaajo yahay madaxweynaha kaliya ee isaga oo aan muddo xileedkiisa dhameysan ay caddahay in mar kale dib loo dooranayo.

1/22/2021 6:52 AM EST
Jimco, Janaayo, 22 2021 (HOL) - Waxaa soconaya dadaallo la doonayo in xal kama danbeys ah looga gaaro muranka doorashada iyadoo mudo xilkeedka dowladda hadda jirta ay ka harsan tahay wax ka yar 20 cisho.

1/22/2021 12:41 AM EST
Jimco, Janaayo, 22, 2021 (HOL) - Dowladda Itoobiya ayaa waxba kama jiraan ku tilmaamtay in ciidamo Soomaali ah ka barbar dagaalameen ciidanka difaaca Qaranka Itoobiya ee dagaalka la galay xoogagga Tigrayga.

1/22/2021 12:03 AM EST
Jimco, Janaayo, 22, 2021 (HOL) - Dowaladda Vietnam ayaa sheegtay in ay taageerayso geedi socodka dimuqraadiyada Soomaaliya, gaar ahaan doorashooyinka soo socda in ay ku dhacaan si nabad ah oo heshiis ay ku yihiin dhammaan dhinacyada Soomaaliya.