1/24/2021
Today from Hiiraan Online:  _
Wararka Maanta- Talaado, Jan 12, 2021
Muuse Biixi '' Gef ayeey nagu tahay in shaqsiyaad shaqo taggay lagu tilmaamo xildhibaanno Somaliland ah


 

Talaado Janaayo,12, 2021 (HOL) - Madaxweynaha Soomaaliland Muuse Biixi Cabdi ayaa si adag uga soo horjeestay doorashada xildhibaannada Soomaaliland ku matala dowladda dhexe oo lagu waddo in doorashadoodu ku dhacdo gobolka Banaadir.

Muuse Biixi ayaa marka hore Soomaaliya u rajeeyay kheyr iyo barwaaqo, hasse ahaatee waxaa uu sheegay in looga baahan yahay sida uu hadalka u dhigay muxaafid iyo mucaarad intaba in ay iska daayaan ku celcelinta erayga ah [xildhibaannada Soomaaliland] oo ah ayuu yiri gef iyo qalad weyn oo laga galiyo  Soomaaliland oo sida uu hadalka u dhigay 30 sano ka hor ka go'day Soomaaliya inteeda kale.

''Midowga mucaaridka ah ee muqdisho jooga iyo madaxweynahooda iyo gobolladooda mid baan u dirayaa ,marka aad leedihii xildhibaanno Soomaaliland ah ayaa waxaa lagu doranayaa Xamar ....Miyeeydaan Alle ka yaabeey... sow taasi gef cad ma'aha'' ayuu yiri Muuse Biixi 

Madaxweynaha Soomaaliland ayaa ku tilmaamay mas'uuliyiinta gobollada Waqooyi ee ku sugan magaalada Muqdisho kuwo shaqo taggay oo ah Jaaliyad Soomaaliland  ah''  War dad soo shaqo taggay oo la mid ah Jaaliyadaha dalalka kale jooga ee Soomaaliland ee Beecmushtarka ku heysta miyaad xildhibaanno iyo mas'uuliyiin ku tilmaameysaan waliba kuwooda ugu waaweyn oo aan garaneyno marka ay halkaa lacagaha ka soo uruursadaan Hargeysa ayeey ku guryo ka dhistaan'' ayuu hadalkiisa sii raaciyay.

Wuxuu ugu baaqay dowladda Soomaaliya in ay ixtiraamto daris wanaaga iyo wada-noolasha ka dhaxeeya sida uu hadalka u dhigay Labada dal oo uu la jeedo Soomaaliya iyo Soomaaliland, isaga oo intaa raaciyay in magaalada Hargeysa ku sugan yihiin Jaaliyad Soomaaliyeed oo ganacsi ku heysata si la mid ah ayuu yiri kuwa gobollada Waqooyi ee ku sugan Xamar.

Ugu danbeyntii waxaa uu fariin u dirray mas'uuliyiinta ka soo jeeda gobollada Waqooyi ee ka tirsan Dowladda Soomaaliya oo uu ugu baaqay in aysan qaadan kalmadaha noocaa oo kale ah.

Cabdiraxmaan Diini, Hiiraan Online
[email protected]    
























Click here
1/12/2021 4:13 PM EST
Talaado Janaayo,12, 2021 (HOL) - Madaxwyenaha Puntland Siciid Deni ayaa kala diray golihii deegaanka degmada Gaalkacyo, sida lagu sheegay wareegto caawa kasoo baxday madaxtooyada Puntland.

1/12/2021 2:24 PM EST
Talaado, Janaayo, 12. 2021 (HOL)- Qoraal dheer oo ka soo baxay beesha caalamka ayaa looga hadlay walaaca guud oo ay ka qabaan Ismari-waaga wali ka taaggan geedi socodka doorashada Soomaaliya

1/12/2021 1:34 PM EST
Talaado Janaayo, 12, 2021 (HOL) - Goob ku taal koonfurta magaalada Laascaanood ayaa caawa fiidkii qarax ka dhacay kaas oo la sheegay in uu ahaa bam gacmeed.

1/12/2021 11:39 AM EST
Talaado, Janaayo, 12, 2021 (HOL) -Ra'iisal Wasaaraha Xukuumadda Soomaaliya Maxamed Xusseen Rooble ayaa sheegay in aan lala socodsiin go'aanka Wasiirka Ganacsiga Soomaaliya Khaliif Cabdi Cumar uu ku kala diray maamulkii Rungta Ganacsiga iyo Warshadaha Soomaaliya.

1/12/2021 9:33 AM EST
Talaado, Janaayo, 12, 2021 (HOL) -Dowladda Soomaaliya ayaa gabi ahaanba ka qaaday saanbaagyada carrada laga buuxiyo oo ay isticmaalaan ciidamada AMISOM xarunta CID ee KM4 oo ciriiri badan ay ku qabeen gaadiidka dadweynaha.

1/12/2021 7:58 AM EST
Talaado Janaayo,12, 2021 (HOL) - Golaha Midowga musharixiinta Madaxweynaha Soomaaliya ayaa beesha caalamka u gudbiyay qoraal ay walaac ay kaga muujinayaan cawaaqib xumo ay sheegeen in ay ka dhalan karto habka ay dowladda federalka ku wado nidaamka doorashooyinka dalka.

1/12/2021 4:58 AM EST
Talaado Janaayo,12, 2021 (HOL) - Dowladda Soomaaliya ayaa markii ugu horeysay ka hadashay ciidamo hubeysan oo muqaalkooda lagu baahiyay baraha Bulshada kuwaas oo la sheegayay in loo diyaariyay ka hortaga doorasho aan wada ogol aheyn oo ka dhacda Dalka.

1/12/2021 4:38 AM EST
Talaado Janaayo, 12, 2021 (HOL) - Madaxweynaha Dowlad Gobolleedka Galmudug Axmed Cabdi Kaariye QoorQoor ayaa isaga oo wareysi siiyay laanta Afka Soomaaliga ee BBC da sheegay in dalka aysan ka dhici doonin doorasho hal dhinac ah.

1/12/2021 3:53 AM EST
Talaado, Janaayo, 12, 2021 (HOL) - Madaxweynaha maamulka Koonfur Galbeed Cabdicasiis Xassan Maxamed Lafta-gareen ayaa dib ugu laabtay magaalada Baydhabo kaddib kulan uu uga qeybgalay magaalada Muqdisho.

1/12/2021 2:43 AM EST
Talaado Janaayo,12, 2021 (HOL) - Sarkaal katirsanaa Al-shabaab oo lagu magacaabo Cabdulfatah Abu bakar Abdi oo loo yaqaano Mousa al Muhajir oo ay wehliyaan 20 kamid ah dagaalyahanadiisa, ayaa wararku sheegayaan inuu ku biirayo ISIS.

1/12/2021 2:40 AM EST
Talaado Janaayo,12, 2021 (HOL) - Qaramada Midoobay ayaa ka digtay xaaladaha siyaasadeed ee ka jira dalka Uganda xilli walaac laga muujinayo suurtagalnimada in la helo doorashooyin baarlamaan iyo madaxtinimo oo xor iyo xalaal ah dabayaaqada toddobaadkan.

1/12/2021 12:20 AM EST
Talaado, Janaayo, 12 2021 (HOL) - Wararka ka imanaya gobolka Jubbada Hoose ayaa sheegaya in qarax lala eegtay gaari ay la socdeen ciidamo Kenyaan ah oo marayay deegaanka lagu magacaabo Husungoow.