1/15/2021
Today from Hiiraan Online:  _
Wararka Maanta- Isniin, Jan 11, 2021
Jigjiga : Sare u kac ballaaran oo dhanka maciishada ah oo laga dareemayo magaalada Jigjiga


 

Isniin, Janaayo, 11, 2021 (HOL)- Waxaa maalmahan magaalada Jigjiga ee DDS laga dareemayay sare u kac qiimaha maciishada daruuriga ah, taas oo dadka degaanku aad uga walaaceen.

Haddaba mar aanu maanta dhex marnay suuqa magaalada Jigjiga ayaa waxaanu u kuurgalnay xaaladda suuqa iyo waliba qiimaha ay meheradaha qaarkood ku iibinayaan waxyaabaha nolosha aasaasiga u ah.

Bariiska oo kale 25kg wuxuu maanta marayay 980 Birr, Baastada Kartoonkii wuxuu marayay qiimihiisu 420 Birr. Makaroonaha 25kg 850 Birr, Daqiiqda 25kg 720 Birr, Sonkorta 25kg 840 Birr, Caanaha budada ah ee daasada ku yimaadda noocyadooda kala duwan waxay u dhaxeeyeen qiimahoodu 1050 ilaa 580 Birr, Saliidda 5Ltr nooca looyaqaano Vera waxay maanta maraysay qiimaheedu 420 Birr.

Iyadoo meheradaha raashinka iibiyaa ay ku kala duwanaayeen qiimayawga raashinka, haddana waxay kasinaayeen sare u kaca guud ahaan maciishada daruuriga ah.

Dhinaca kale waxaa isna sare u kac laga dareemayay dhanka kirada guryaha ee magaalada Jigjiga oo dadka kirada deggan aad uga cabanayaan.

Guud ahaan sare u kaca aan cagaha ku taagnayn ee maciishada ayay ganacsatada raashinka keenaa sabab uga dhigayaan dhanka dollarka oo sarrifkiisu uusan fadhin, oo maalinba ay wax ku darsamayaan.

Iyadoo dadka si guud ay arrintan maciishada u saamaynayso haddana waxay si gaar ah u taabanaysaa dadka danyarta ah iyo waliba kuwa mushahar bille ah, kuwaas oo waxay bisha soo qaataan iyo waxay kusoo adeeganayaan uu aad u kala fog yahay, waxayna dadka qaarkii markaad hoos ula sheekaysato kuu sheegayan in si kastoo maciishadu kor u kaco mushaharkii bisha uu halkiisii un taagan yahay.

Abdilahi Jawhar
Hiiraan Online












Click here
1/11/2021 10:14 AM EST
Isniin, Janaayo, 11, 2021 (HOL) - Wasiirkii hore ee Wasaaradda Waxbarashada Soomaaliya islamarkaana ah musharax u taaggan xilka madaxweyaha Soomaaliya Prof Cabdinuur Sheekh Maxamed ayaa dowladda ku eedeeyay caburin aan loo meeldayin oo shacabka iyo mucaaradkaba ay kula kaceyso.

1/11/2021 8:03 AM EST
Isniin, Janaayo, 11 2021 (HOL) - Puntland ayaa maanta xabsi kuyaala Garowe u dhaadhicisay weriye lagu magacaabo Kilwe Aadan Faarax oo muddo 15 cishe ah gacanta ugu jiray hay’addaha nabad sugida Puntland.

1/11/2021 7:27 AM EST
Isniin, Janaayo, 11, 2021 (HOL) - Ilaa saddex askari oo ka tirsanaa ciidanka dowladda Soomaaliya ayaa lagu dilay fiidnimadii Axadda weerar gaadmo ah oo ay ku qaadeen xoogagga Al-shabaab saldhig ay ku lahaayeen ciidanka dowladda gobolka Shabeellada Dhexe.

1/11/2021 6:11 AM EST
Isniin, Janaayo, 11 2021 (HOL) - Isimada Puntland ayaa baaq kasoo saaray khilaaf siyaasadeed ee ka taagan arrimaha muragaysan ee doorashada Soomaliya, kadib markii ay Garowe kulan kula yeesheen madaxweynaha Puntland, Siciid Deni.

1/11/2021 5:34 AM EST
Isniin, Janaayo, 11, 2021 (HOL) - Wasiiru dowlaha Arrimaha Dibadda iyo Iskaashiga Caalamiga ee Dowladda Soomaaliya ayaa kulan la yeeshay Wakiilka Xoghayaha Guud ee Qaramada Midoobey James Swan,

1/11/2021 2:47 AM EST
Isniin, Janaayo, 11, 2021 (HOL) - Saraakiisha Amniga magaalada Woqooyiga Itoobiya ku taal ee Mekelle ayaa walaac ka muujiyay amni darada ka jirta magaalada iyadoo mid ka mid ah saraakiishan uu sheegay in dumar lagu kufsaday toddobaadkan magaalada. xili magaalada ay ku jirto gacanta ciidanka federaalka Itoobiya.

1/11/2021 2:25 AM EST
Isniin, Janaayo, 11 2021 (HOL) -Dowladda Itoobiya tan iyo markii ay soo afjartay dagaalkii gobolka Waqooyiga ay kula gashay xoogagga Tigrayga, waxaa ay ku raad joogta sidii ay gacanta ugu soo dhiggi laheyd saraakiisha sar sare ee TPLF ee ku lugta lahaa qalalaasaha

1/11/2021 12:58 AM EST
Isniin, Janaayo, 11 2021 (HOL) -Madaxweynayaasha dowlad gobolleedka Galmudug, Koonfur Galbeed iyo Hirshabelle iyo xubnaha midowga Musharixiinta oo xalay kulan ku yeeshay magaalada Muqdisho ayaa si adag uga doodday go'aankii ay dhawaan xukuumaddu qaadatay ee ahaa qabashada doorasho aan loo dhameyn.