4/11/2021
Today from Hiiraan Online:  _
Wararka Maanta- Arbaco, Apr 7 , 2021
Dowladda Fedaraalka oo saxiixday heshiis tallaal kale lagu keenayo Soomaaliya


 

Arbaco, April, 07, 2021 (HOL) - Safiirka dowladda Soomaaliya u fadhiya wadanka Shiinaha ayaa heshiis tallaalka looga hortagayo cudurka COVID-19 la saxiixday shirkadda Sinopharm ee dalka Shiinaha.

Tallaalkan looga hortagaayo xanuunka COVID-19 ayaa la sheegay inuu gaarayo 200 kun oo talaal ah kaasoo dhawaan la keeni doono dalka Soomaaliya.

Danjire Cawaale Cali kulane ayaa sheegay inuu aad ugu faraxsan yahay heshiiska uu la saxiixday dowladda Shiinaha ee ku aadan keenista Tallaalka ka hortaga COVID-19.

Danjire Cawaale ayaa uga mahadceliyay dowladda Shiinaha sida hagar la'aanta ah ee uu sheegay iney u garab taagan yihiin dowladda Soomaaliya, waxuuna si gaar ah uga mahadceliyay talaalka aay Shiinaha ugu deeqday dalka Soomaaliya.

Heshiiskan cusub ee dhanka tallaalka aay kala saxiixdeen dowladdaha Soomaaliya iyo Shiinaha ayaa imaanaya iyado horay gudaha Soomaaliya aay dhawaan usoo gareen talaalka looga hortagayo cudurka safmarka ah ee CIVID-19.

Jamaal Cali Cabdi, Hiiraan Online
[email protected]












Click here
4/7/2021 2:25 PM EST
Arbaco, April, 6, 2021 (HOL) - Mulkilaha shirkada WorldRemit DR. Ismaaciil Ibraahim Axmed, oo Hargaysa ka daahfuray hay’ad layidha Sahamiye foundation, ayaa ku dhawaqay in uu 500 oo milyan ku maal galinayo waxbarashada Somaliland iyo adeegyo kale.

4/7/2021 12:14 PM EST
Arbaco, April, 07, 2021 (HOL) - Puntland iyo Jubbaland ayaa sheegay in aysan ka warqabin meel uu ku fashilmay shirkii dowladda federalka iyo dowladda goboleedyada.

4/7/2021 11:00 AM EST
Arbaco, April, 7, 2021 (HOL) - Xisbiga mucaarad ka ah ee Waddani, ayaa xogeeyaha warfaafinta ee xisbiga Waddani u magacabay guddomiyihii hore ee ururka suxufiyiinta Somaliland ee SOLJA Maxamuud Cabdi Jamac (Xuuto).

4/7/2021 9:30 AM EST
Arbaco, April, 07, 2021 (HOL) - Dowladda federalka Soomaaliya ayaa ku eedeeysay Puntland iyo Jubbaland in aysan rabin in dalka ay ka dhaco doorashado asaaskeeda yahay heshiiskii 17-kii September iyo is fahankii 16-kii Febraayo.

4/7/2021 7:54 AM EST
Arbaco, April, 07, 2021 (HOL) - Isku dhacyada xuduudaha ee u dhexeeya gobollada Canfarta iyo Soomaalida ee Itoobiya ayaa waxaa ku geeriyooday ugu yaraan 100 qof oo u badan dhinacyadii dagaalamayay.

4/7/2021 7:23 AM EST
Arbaco, April, 07, 2021 (HOL) - Madaxweynaha Galmduug Axmed Cabdi Kaariye Qoorqoor ayaa sheegay maamulka Galmudug inuu Alshabaab ka difaaco maamulo uu sheegay haddii aysan ka xigi lahayn in ay qatartoodu gaari lahayd.

4/7/2021 4:43 AM EST
Arbaco, April, 07, 2021 (HOL) - Waxaa goordhaw dib uga bilaawday Teendhada Afisyooni ee magaalada Muqdisho shirka u dhaxeeya madaxda Fedaraalka, kuwa dowlad goboleedyada iyo gobolka Banaadir.

4/7/2021 4:01 AM EST
Arbaco, April, 07, 2021 (HOL) - Guddoomiyaha Gobolka Banaadir ahna duqa magaalada Muqdisho Cumar Maxamed Maxamuud Filish ayaa sheegay in saameyn dhaqaale uu ku yeeshay cudurka Covid-19 maamulka gobolka Banaadir , iyadoo hoos uu u dhacay dhaqaalihii u soo xaroon jiray.

4/7/2021 1:07 AM EST
Arbaco, April,, 07, 2021 (HOL) - Maanta oo Arbaco ah ayaa lagu wadaa in magaalada Muqdisho gaar ahaan teendhada Afisiyooni uu dib uga furmo shirka madaxda DF, Dowlad gobolleedyada iyo Gobolka Banaadir.