4/11/2021
Today from Hiiraan Online:  _
Wararka Maanta- Axad, Apr 4 , 2021
DR. Gaboose oo sheegay in uu ka fadhiisanayo siyaasada iyo dhakhtarnimadaba


 

Axad, April, 4, 2021 (HOL) - DR. Maxamed Cabdi Gaboose ayaa shir jaraa’id oo uu maanta Hargaysa ku qabtay ku shaaciyay in uu ka fadhiistay dhakhtarnimadi iyo siyaasadiba.

DR. Gaboose ayaa sheegay in inta noloshiisa ka dhiman uu ku bixin doono, barashada diinta Islaamka, ka shaqaynta arrimaha samafalka iyo in uu wakhti la qaato qoyskiisa.

“faq dheer iyo xogo badan oo aanu is waydaarsanay aniga iyo naftaydu kadib, waxan ku qancay in wixi hada ka danbeeya, aan usoo jeesto, hawlaha sama falka, barashada diinta Islaamka iyo ka warqabka caruurtayda” ayuu yidhi DR. Gaboose.

Gaboose ayaa sheegay in uu dhisay isbitaal weyn oo ay ka hawlgalaan xeel dheerayaal caafimaad sida darteedna uu ka nasan doono hawlihii caafimaadka.

Digtoorka ayaa dhinaca kale sababta uu siyaasada uga fadhiisanayo ku sababeeyay in da’diisu ay sii waynaatay isla markaana uu daciifnimo dareemayo.  

Waxanu sheegay in madama oo Somaliland tahay dowlad curdin ah ay u baahantahay hogaamiye da yar oo firfircoon isla markaana aanu hogaamin karayn nin wayn oo daalay.

Sidokale digtoorka ayaa sheegay in qaabka ay u shaqeeyaan hayadaha dowliga ah ee Somaliland ay ka niyad jabisay in uu sii wato hankiisi siyaasadeed.

“Waxan goob-joog ka noqday hay’adihii isdheeli tiri lahaa ee qaranka oo dhamanta ay gacanta ku hayso kolba cida talada haysa” ayuu yidhi digtoorku.

“Waxan xaqiiqsaday in nidaamkani aanu wax badan ka gadisnayn kii ridistiisa aan ayda usoo galay” ayuu hadalkiisa sii raaciyay DR. Gaboose.

Digtoorka ayaa sheegay in wixii maal ah ee uu tabcay uu ku wareejinayo ubadkiisa.

Gaboose ayaa hadalkiisa kusoo gaba gabeeyay in uu soo bandhigi doono buug uu ka qoray dhacdooyinkii kala duwana ee uu usoo taagnaa intii uu noolaa.

Cabdiraxman Sh. Maxamed, Hiiraan Online
[email protected] 











Click here
4/4/2021 11:16 AM EST
Axad, April, 04, 2021 (HOL) - Wakiilka QM u qaabilsan Soomaaliya, James Swan, ayaa cambaareeyay weeraradii shalay lagu qaaday fariisimaha Ciidanka Xoogga Dalka Soomaaliyeed ay ku leeyihiin magaalooyinka Bariire iyo Awdheegle ee gobolka Shabeellaha Hoose.

4/4/2021 8:30 AM EST
Axad, April, 04, 2021 (HOL) -Dowladda Itoobiya ayaa sheegtay in ciidamada dalka Eritrea bilaabeen in ay isaga baxaan gobolka Tigrayga kuwaa oo ka bar bar dagaalamayay ciidamada Itoobiya ee dagaalka la galay xoogagga TPF ee lagala wareegay gobolka.

4/4/2021 6:52 AM EST
Axad, April, 04, 2021 (HOL) - Ciidamada dowladda Federaalka Soomaaliya ayaa si rasmi ah ula wareegey gacan ku heynta Deegaanada koonfureed ee Dhuusamareeb sida Sinadhaqo iyo labi-dulle oo saldhig u ahaa kooxda Alshabaab.

4/4/2021 6:45 AM EST
Axad, April, 04, 2021 (HOL) - Waxaa goordhaw markale dib u bilaawday shirka u dhaxeeya madaxda dowladda Fedaraalka iyo kuwa maamul goboleedyada iyo gobolka Banaadir oo maalintii shalay ahayd uga furmay Xarunta Afisyooni.

4/4/2021 2:38 AM EST
Axad, April, 04, 2021 (HOL) - Madaxweynahii hore ee Soomaaliya Sheekh Shariif Sheekh Axmed ahna guddoomiyaha Midowga Musharaxiinta Madaxweynaha Soomaaliyaa ayaa si adag uga hadlay qaraxii ismiidaaminta ahaa ee xalay ka dhacay maqaayad lagu shaah cabo oo ku taala degmada Shangaani ee magaalada Muqdisho.

4/4/2021 12:42 AM EST
Axad, April, 04, 2021 (HOL) War Qoraal ah oo ka soo baxay Dowladda Turkiga ayaa lagu sheegay in ay siweyn uga murugeysan yihiin weerarradii ugu danbeeyay ee ka dhacay dalka Soomaaliya, gaar ahaan Qaraxii Ismiidaaminta ahaa ee xalay iyo weerarkii Al-shabaab ay ka geysteen gobolka Shabeellaha Hoose.