5/6/2021
Today from Hiiraan Online:  _
Wararka Maanta- Khamiis, Apr 29, 2021
Weriye Maxamed Cumar Yuusuf (Bolton) oo muddo ka badan toban cishe u xiran ciidanka Danab ee Galmudug


 

Khamiis, April, 29, 2021 (HOL) - Weriye Maxamed Cumar Yuusuf (Bolton) oo agaasime ku xigeen ka ah Radio Deegaan oo ku yaalla koonfurta Gaalkacyo ee Galmudug ayaa muddo ka badan toban cishe u xiran ciidanka Danab.

Weriyahan ayaa ilo xog ogaal waxay HOL, u sheegeen in xilli saq dhexe  ay gurigiisa kala baxeen ciidamo katirsan kuwa Danab. Lamana garanayo illaa iyo hadda sababta loo xiray weriyaha.

Xog aan helayno waxay sheegaysaa in weriyaha iyo dad kaloo badan  lagu xiray howlgal ciidan oo ka dhacay xaafado katirsan koonfurta magaalada Gaalkacyo, iyadoo howlgalkaas lagu baadi goobayay dad la xiriirinayo in Alshabaab xiriir la leeyihiin.

Maalmo kadib, laamaha amnigu waxay sii daayeen qaar kamid ah dadkii howlgalka lagu xiray oo dad shacab ah u badnaa, balse weriyaha kuma jirin dadka xoriyadooda loosoo celiyay.

Saxafiyiinta ka howlgala magaalada Gaalkacyo dhinaceeda koonfureed ayaa laamaha amniga ugu baaqay in weriyahan lasii daayo ama maxkamad la horkeeno haddii dambi lagu haysto.

Abdiweli M. Sheikh, Hiiraan Online











Click here
4/29/2021 5:58 PM EST
Khamiis, April, 29, 2021 (HOL) - Mid kamida libaaxyadii uu Hargaysa ku haystay siyaasi Cali Waran Cadde, oo ka baxsaday xeradisii ayaa dhaawac daran gaadhsiiyay haweenay Oromo ah.

4/29/2021 4:44 PM EST
Khamiis, April, 29, 2021 (HOL) - Dowladda Kenya ayaa sheegtay in ay dib u dhigtay go'aan ay horay u soo saartay oo ay ku sheegtay in ay ku xireyso xeryaha Qaxootiga Dadaab iyo Kaakuma oo ay ku jiraan qaxooti Soomaaliyeed.

4/29/2021 12:18 PM EST
Khamiis, April, 29, 2021 (HOL) - Wararka ka imaanaya magaalada Baraawe ee gobolka Sh/hoose ayaa sheegaya in halkaasi maanta lagu rasaaseey guddoomiyaha degmadaasi Cumar Sheekh Cabdi.

4/29/2021 9:05 AM EST
Khamiis, April, 29, 2021 (HOL) -Dowladda UK ayaa ku baaqday in muhiim tahay qabashada doorasho ku dhisan heshiis iyo wadar ogol iyadoo loo daneynayo ammaanka, xasilloonida iyo horumarka Soomaaliya

4/29/2021 8:38 AM EST
Khamiis, April, 29, 2021 (HOL) - Dowladda Maraykanka ayaa madaxweyne Farmaajo iyo barlamaanka Soomaaliya ka codsaday in ay si deg deg ah wax uga qabtaan baabi'inta hindise sharciyeedka jihaynta doorashooyinka ee la meel mariyay 12 bishaan Abril.

4/29/2021 8:26 AM EST
Khamiis, April, 29, 2021 (HOL) - Guddiga Wadamada Ciidamada ku biiriyay Howlgalka Midowga Afrika ee Soomaaliya, ayaa soo dhaweeyay Hadalkii Madaxweyne Farmaajo ee ku saabsanaa inuu diyaar u yahay inuu ku laabto Aqalka Hoose ee Baarlamaanka si go'aannadii 12 Febraayo dib looga noqdo, iyo sidoo kale inuu ku laabto heshiiskii doorasho ee 17 Sebtember.

4/29/2021 7:11 AM EST
Khamiis, April, 29, 2021 (HOL) - Madaxweynihii hore ee Soomaaliya Sheekh shariif Sheekh Axmed oo maanta dalka dib ugu soo laabtay ayaa si adag uga hadlay xaalada siyaasadeed ee dalka iyo dhacdooyinkii ugu dambeeyay ee dagaaladii ka dhacay magaalada Muqdisho.

4/29/2021 1:49 AM EST
Khamiis, April, 29, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa xalay kulan la qaatay madaxda dowlad gobolleedyada Galmudug, Hirshabelle iyo xubno ka tirsan midowga Musharixiinta dalka.