5/5/2021
Today from Hiiraan Online:  _
Wararka Maanta- Khamiis, Apr 29, 2021
Dalalka ciidamada ugu deeqay howlgalka Amisom oo soo dhoweeyay in madaxweyne Farmaajo uu ka laabto muddo kororsigii barlamaanka


 

Khamiis, April, 29, 2021 (HOL) - Guddiga Wadamada Ciidamada ku biiriyay Howlgalka Midowga Afrika ee Soomaaliya, ayaa soo dhaweeyay Hadalkii Madaxweyne Farmaajo ee ku saabsanaa inuu diyaar u yahay inuu ku laabto Aqalka Hoose ee Baarlamaanka si go'aannadii 12 Febraayo dib looga noqdo, iyo sidoo kale inuu ku laabto heshiiskii doorasho ee 17 Sebtember.

Kulanka guddigan ayaa walaac looga muujiyey xaaladda Soomaaliya ay hada ku jirto oo marba marka kasii dambeysa kasii daraysa, waxaana lagu celceliyey baaqyo ah in la qaado talaabooyin kalsooni leh iyo in dib loo bilaabo wada hadalo sal balaaran oo loo dhan yahay si loo helo is afgarad ku aadan wadada loo marayo doorashada.

Wadamada ku deeqay Ciidamada AMISOM ayaa ku celceliyay baahida loo qabo ficillada go'aan qaadashada ah ee AU iyo AMISOM si loo joogteeyo guulaha la taaban karo ee laga gaaray taageerada AMISOM, oo ay ku jiraan horumarka laga sameeyay kor u qaadista hannaanka dowladnimada, iyo gargaarka looga baahan yahay howlaha doorashooyinka.

Guddiga waxay carrabka ku adkeeyeen in AMISOM ay ka fogaato in ay ku milmaan siyaasadaha is diidan ee Soomaaliya, laakiin ay ahaato mid dhexdhexaad ka ah dhinacyada siyaasadda ku kala duwan.

Abdiweli M. Sheikh, Hiiraan Online













Click here
4/29/2021 5:58 PM EST
Khamiis, April, 29, 2021 (HOL) - Mid kamida libaaxyadii uu Hargaysa ku haystay siyaasi Cali Waran Cadde, oo ka baxsaday xeradisii ayaa dhaawac daran gaadhsiiyay haweenay Oromo ah.

4/29/2021 4:44 PM EST
Khamiis, April, 29, 2021 (HOL) - Dowladda Kenya ayaa sheegtay in ay dib u dhigtay go'aan ay horay u soo saartay oo ay ku sheegtay in ay ku xireyso xeryaha Qaxootiga Dadaab iyo Kaakuma oo ay ku jiraan qaxooti Soomaaliyeed.

4/29/2021 12:18 PM EST
Khamiis, April, 29, 2021 (HOL) - Wararka ka imaanaya magaalada Baraawe ee gobolka Sh/hoose ayaa sheegaya in halkaasi maanta lagu rasaaseey guddoomiyaha degmadaasi Cumar Sheekh Cabdi.

4/29/2021 9:05 AM EST
Khamiis, April, 29, 2021 (HOL) -Dowladda UK ayaa ku baaqday in muhiim tahay qabashada doorasho ku dhisan heshiis iyo wadar ogol iyadoo loo daneynayo ammaanka, xasilloonida iyo horumarka Soomaaliya

4/29/2021 9:01 AM EST
Khamiis, April, 29, 2021 (HOL) - Weriye Maxamed Cumar Yuusuf (Bolton) oo agaasime ku xigeen ka ah Radio Deegaan oo ku yaalla koonfurta Gaalkacyo ee Galmudug ayaa muddo ka badan toban cishe u xiran ciidanka Danab.

4/29/2021 8:38 AM EST
Khamiis, April, 29, 2021 (HOL) - Dowladda Maraykanka ayaa madaxweyne Farmaajo iyo barlamaanka Soomaaliya ka codsaday in ay si deg deg ah wax uga qabtaan baabi'inta hindise sharciyeedka jihaynta doorashooyinka ee la meel mariyay 12 bishaan Abril.

4/29/2021 7:11 AM EST
Khamiis, April, 29, 2021 (HOL) - Madaxweynihii hore ee Soomaaliya Sheekh shariif Sheekh Axmed oo maanta dalka dib ugu soo laabtay ayaa si adag uga hadlay xaalada siyaasadeed ee dalka iyo dhacdooyinkii ugu dambeeyay ee dagaaladii ka dhacay magaalada Muqdisho.

4/29/2021 1:49 AM EST
Khamiis, April, 29, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa xalay kulan la qaatay madaxda dowlad gobolleedyada Galmudug, Hirshabelle iyo xubno ka tirsan midowga Musharixiinta dalka.