4/11/2021
Today from Hiiraan Online:  _
Wararka Maanta- Jimco, Apr 2 , 2021
Dowladda federalka Soomaaliya oo ka hadashay diyaarad laga celiyay magaalada Garacad


 

Jimco, April, 02, 2021 (HOL) - Wasiirka gaadiidka iyo duulista hawada Soomaaliya, Maxamed Salaad Oomaar ayaa markii ugu horraysay ka hadlay wararka ku saabsan in dowladda federalka ay xanibtay diyaarad ka degi lahayd deegaan xeebeedka Garacad ee gobolka Mudug.

Wasiir Oomaar ayaa sheegay in sababo amni awgeed ay diyaaradaasi uga dagi weyday Garacad ayna dowladdu ku qasbanayd in qaadato tallaabooyin lagu ilaalinayo bedqabka duulimaadka.

Wasiirku wuxuu sheegay in aysan waxba kala socon wafdi la socday diyaarada, balse ay tixgaliyeen markii ay heleen macluumaad ku saabsan in aan la isku halayn karin ammaanka garoonka Garacad.

"Waxaa marqaati ka ah shirkadda iyo rakaabka la socday in ay dareemeen amni ahaan in aysan diyaaradu ka degi karin garoonka Garacad, waana idin la wadaagi karnaa sawirro garoonka lagasoo qaaday," ayuu yiri wasiir Oomaar.

Maamulka Puntland ayaa maalmo ka hor ku eedeeyay dowladda federalka in ay dano siyaasadeed uga faaidaysteen la wareegida maamulka hawada Soomaaliya.

Abdiweli M. Sheikh, Hiiraan Online











Click here
4/2/2021 3:39 PM EST
Jimco, April, 02, 2021 (HOL) -Bulshada ku dhaqan magaalada Kismaayo ayaa aad u hadal haya dhimashada dadka waaweyn oo maalmihii u danbeeyay isa soo tareeysay, taasoo loo aaneeynayo in uu sabab u yahay cudurka dilaaga ah ee Covid19.

4/2/2021 10:14 AM EST
Jimco, April, 02, 2021 (HOL) - Madaxweynaha maamulka dowlad deegaanka Soomalida Mustafe Cagjar ayaa ugu baaqay madaxda maamulada Galmudug iyo Hirshabeelle iney ka qeyb qaataan ilaalinta xaduudaha aay wadagaan oo uu sheegay in habac sanaan ka jirto.

4/2/2021 9:25 AM EST
Jimco, April, 02, 2021 (HOL) - Inta la xaqiijiyay ilaa 36 ruux ayaa ku dhimatay tiro intaas ka badana waay ku dhaawacmeen shilkan Tareen ee ka dhacay Taiwan sida aay ku waramayaan Warbaahinta dalkaasi.

4/2/2021 9:11 AM EST
Jimco, April, 02, 2021 (HOL) - Madaxweynaha dowladda Mareykanka Joe Biden ayaa muddo hal sano ah ku kordhiyay cunaqabateynta dhaqaale ee saaran Soomaaliya.

4/2/2021 8:09 AM EST
Jimco, April, 02, 2021 (HOL) - Dowladda Soomaaliya ayaa maanta shaacisay in dib loo furay qaadashada Baasaboorka Soomaaliga oo horay loo joojiyay sababo la xariiray cudurka COVID-19.

4/2/2021 5:20 AM EST
Jimco, April, 02, 2021 (HOL) - Puntland ayaa shaacisay in ay ka qeyb galayso shirka madaxda dowladda federalka Soomaaliya iyo dowladdaha xubnaha ka ah, kaasoo la shaaciyay inuu dhacayo maalinta berrito ah oo ku beegan saddexda Abril.

4/2/2021 2:14 AM EST
Jimco, April, 02, 2021 (HOL) - 805 askari oo ka mid ah ciidanka booliska ee degaanka Soomaalida ayaa ka qalin jabiyay kulliyadda tababarada booliska ee degaanka.

4/2/2021 1:21 AM EST
Jimco, April, 02, 2021 (HOL) - Kaddib dadaallo maalmiihii ugu danbeeyayba ay waddeen wakiilada beesha caalamka ee Soomaaliya ayaa lagu guuleystay in maalinta berri ah kulan hor dhac ka yeeshaan mashkaladaha ku xeeran doorashada madaxda DF, dowlad gobolleedyada iyo gobolka Banaadir.