10/21/2020
Today from Hiiraan Online:  _
Wararka Maanta- Isniin, Sept 14, 2020
Gudoomiye ku xigeenka koowaad ee barlamaanka Soomaaliya oo wasakh ku tilmaamay sharciga Galmada


 

Isniin, September 14, 2020 (HOL) -Guddoomiye ku xigeenka koowaad ee barlamaanka Soomaaliya, Cabdiweli Ibraahim Muudeey ayaa wasakh ku tilmaamay sharciga galmada ee horyaala barlamaanka Soomaaliya.

Sharcigaan oo maanta kalfadhiga barlamaanka looga hadlay ayaa guddoomiye ku xigeenku si caro leh ugu tilmaamay inuu yahay sharci sheydaan oo ay dabada ka riixayaan xildhibaano doonaya in la meel mariyo.

“Sharciga gaalada ninkii ku qanacsan, ha aado iyaga. Anaga waxaan nahay dad muslim ah, mana keenayno sharci gaalo halkan. Ma qancinayno gaalada,” ayuu yiri gudoomiye ku xigeenka koowaad ee barlamaanka.

Gudoomiye Muudeey wuxuu sheegay in aan barlamaanka la horkeeni karin sharci diinta looga baxayo oo hay’adduhu kasoo shaqeeyaan in laga dhaqan galiyo Soomaaliya, isagoo sheegay in barlamaanku ka hortagayo wixii diinta halis ku ah.

Sharcigaan muranka badan uu ka taagan yahay, waxaa uu kasoo gudbay xukuumada federalka Soomaaliya, balse qaladaad badan oo dhinaca diinta ah, ayaa loo hakiyay, si barlamaanku uu dib u sixid ugu sameeyo.

Waxaa xusid mudan in Qaramada Midoobay iyo hay’addaha caalamiga ah ay sharcigaan laftoodu ka horyimaadeen, iyagoo barlamaanka ugu baaqay inay joojiyaan ama lagu bedel sharci kale oo barlamaanka la horeegyay 2018.

Abdiweli M. Sheikh, Hiiraan Online
[email protected]












Click here
9/14/2020 12:17 PM EST
Isniin, September 14, 2020 (HOL) - Guddoonka Baarlamanka aqalka hoose ee Soomaaliya ayaa loo gudbiyay soo jeedin ku saabsan in mudanayaasha Golaha ay ka doodaan ficilkii dilka ahaa ee loo geystay Allaha U Naxariistee Xamdi Maxamed Faarax oo 19 jir aheyd.

9/14/2020 12:07 PM EST
Isniin, September 14, 2020 (HOL) - Dawladda Itoobiya ayaa maanta soo bandhigtay lacago cusub oo dhawaan dalkaasi laga hirgalinayo.

9/14/2020 11:23 AM EST
Isniin, September 14, 2020 (HOL) - Wiil toban sano jir ah ayaa lagu kufsaday magaalada Muqdisho sida ay sheegtay hooyada dhashay oo la hadashay talefishinka Dalsan.

9/14/2020 8:12 AM EST
Isniin, September 14, 2020 (HOL) - Waxaa maanta Maxkamadda ciidamada qalabka sida ee Soomaaliya kasoo hor muuqday nin ku eedeysan in uu la shaqeynayay Al-shabaab, islamarkaana dacwad oogista ay ku sheegeen inuu maleegayay qorshe lagu dhibaateynayay ciidamada dowladda ee ka howl-gala Beled Xaawo.

9/14/2020 7:19 AM EST
Isniin, September 14, 2020 (HOL) -Ururka Caafimaadka Adduunka ayaa shaaciyay inay kordheen kiisaska coronavirus-ka adduunka maalintii Axadda, iyadoo wadarta guud ay korortay 307,930’ 24 saacadood gudahood.

9/14/2020 6:13 AM EST
Isniin, September 14, 2020 (HOL) - Xildhibaan Cabdi Cali Xasan oo kamid ah mudanayaasha Baarlamanka Soomaaliya ayaa ka hadlay shirka maalintii labaad ka soconaya magaalada Muqdisho ee u dhexeeya madaxda dowlad Goboleedyada, maamulka Gobolka Banaadir iyo madaxda dowladda dhexe.

9/14/2020 4:29 AM EST
Isniin, September 14, 2020 (HOL) - Faahfaahino dheeraad ah ayaa kasoo baxaya dil xalay kooxo hubeysan ay u geysteen nin la sheegay inuu ka mid ahaa hogaamiyaasha kooxda Macawiisleyda kaaso lagu magacabo Xuseen Fiidow oo loo yaqiinay (Xuseen Dhurwaay).

9/14/2020 3:59 AM EST
Isniin, September 14, 2020 (HOL) - Ciidamada amaanka Koonfur Galbeed ayaa sheegay inay toogasho ku dileen sarkaal ka tirsan Al-Shabaab oo lagu magacaabi jiray Ibraahim Macallim Cabdi “Ibraahim Ganey” oo caan ka ahaa gobolka.