10/21/2020
Today from Hiiraan Online:  _
Wararka Maanta- Axad, Sept 13, 2020
Ciidamada Danab oo howl-gallo ka sameeyay duleedka Kismaayo


 

Axad, September 13, 2020 (HOL) - Ciidamada kumaadooska dowladda Soomaaliya ayaa waxay sheegeen,  in iyaga oo kaashanaya xoogagga daraawiishta Jubaland ee JSF-ta ay howl-gal ka fuliyeen deegaanno dhowr ah oo ka tirsan maamulka Jubaland,  gaar ahaan Jubbada hoose.

Deegaannada Dhisheeg waamo iyo Maroodi Guboow oo kamid ah meelaha laga fuliyay howl-gallada ayaa waxay ciidamadu tilmaameen,  inay ku dileen xubno kamid ah Al-shabaab.

Taliyaha guutada 16-aad ee Kumaandoosta ciidamada Danab,  gaashaanle Ismaaciil Cabdimaalik Maalin ayaa waxa uu sheegay in sidoo kale howl-galkaan ay ku bur-buriyeen baro ciidan oo ay Al-shabaab lahaayeen.

Dhinaca kale, ma jiraan war kasoo baxay dhinaca Al-shabaab oo ku aaddan howl-galkan ay ciidamada dowladda guulaha ka sheegteen.

Al-shabaab ayaa dhowaan weerraro qaraxyo ah ka fuliyay deegaanno ka tirsan Jubaland oo ay Kismaayo kamid tahay.

Abdiaziz Ahmed Barrow, Hiiraan Online
[email protected]












Click here
9/13/2020 12:42 PM EST
Axad, September 13, 2020 (HOL) - Sharci-dajiyayaasha Gobolka Kaduna ee waddanka Nigeria ayaa ansixiyay in la dhufaano kuwa lagu helo kufsiga carruurta da'doodu ka yar tahay 14 sano.

9/13/2020 8:29 AM EST
Axad, September 13, 2020 (HOL) - Inta la xaqiijiyay waxaa ku geeriyootay 3 ruux , dhowr kalana way ku dhaawacantay, Kadib is-risaaseyn dhex-martay askar ka wada tirsan ciidamada daraawiishta Koonfur Galbeed ee ku sugan magaalada Wanlaweyn.

9/13/2020 6:53 AM EST
Axad, September 13, 2020 (HOL) - Madaxweynaha Soomaaliya Maxamed Cabdullaahi Farmaajo ayaa guddoomiyey furitaanka Shirka Wadatashiga Dowladda Federaalka Soomaaliya iyo Dowlad Goboleedyada oo maanta si rasmi ah uga furmay Xarunta Madaxtooyada Qaranka.

9/13/2020 3:54 AM EST
Axad, September 13, 2020 (HOL) - Sida ay ku warramayaan ill wareedyo lagu kalsoonaan karo waxaa maanta lagu wadaa in magaalada Muqdisho uu ka furmo shirkii wada-tashiga ahaa ee u dhexeeyay maamul goboleedyada dalka, gobolka Banaadir iyo dowladda Faderaalka ah.

9/13/2020 1:50 AM EST
Axad, September 13, 2020 (HOL) - Wasiirka waxbarashada Soomaaliya Cabdullaahi Goodax Barre, ayaa si kulul u cambaareeyay kufsigii iyo dilkii loo geystay Xamdi Maxamed Faarax oo kamid ahayd ardaydii sanadkaan ka qalin jabisay dugsiyada sare.

9/13/2020 1:48 AM EST
Axad, September 13, 2020 (HOL) - Ilhaan Cumar ayaa dhaleeceysay laanta Socdaalka iyo Kastamka Maraykanka sababa la xiriira suuragalnimada in masaafurin karaan muhaajiriinta si sharcidaro ku jooga Maraykanka oo dib loogu celiyo Soomaaliya.