3/28/2024
Today from Hiiraan Online:  _
Wararka Maanta- Sabti, Oct 17, 2020
Qaramada Midoobay oo dib u bilowday daad guraynta muhaajiriinta ku xayiran Lbiya oo ay Soomaali badan ku jiraan
 

Sabti, October 17, 2020 (HOL) - Duulimaadyada Qaramada Midoobay ee daadgureynta muhaajiriinta ku xayiran Liibiya ayaa dib loo bilaabay ka dib markii loo hakiyay sababo la xiriira safmarka Covid19, sida ay sheegtay hay'adda qaxootiga ee Qaramada Midoobay.

In ka badan 150 qof oo ka kala yimid Eriteriya, Soomaaliya, Suudaan iyo Koonfurta Suudaan, oo ay ku jiraan 15 carruur ah oo ay da'doodu ka yar tahay 18 sano jir, ayaa u duulay Niger goor dambe oo Khamiistii ahayd halkaasoo ay hadda ku jiraan karantiil, sida ay sheegtay UNHCR.

UNHCR iyo hay'adda socdaalka ee UN-ka ee IOM labaduba waxay ku baaqeen in Liibiya, oo ay ragaadiyeen sanado badan dagaallo iyo fowdo, in loo aqoonsado inay tahay goob qatar ku ah nabad galyada muhaajiriinta.

Afhayeenka UNHCR ayaa ku sheegay warbixintiisa todobaadlaha ah in ku dhowaad dhamaan muhaajiriinta la daad gureeyay khamiistii ay la kulmeen tacadiyo aan loo meel dayin intii ay ku sugnaayeen Libya.

In ka badan 3,400 oo muhaajiriin ah iyo magangalyo-doonayaal ayaa wali ku jira xarumaha dadka lagu hayo ee qatarta ugu jira xadgudubyada, sida uu sheegay afhayeenku.

Abdiweli M. Sheikh, Hiiraan Online
[email protected]












Click here
10/17/2020 4:10 PM EST
Sabti, October 17, 2020 (HOL) - Dowladda Soomaaliya ayaa ogolaatay in Qaadka dalka Ethoipia uu si sharci ah kusoo gale karo dalka Soomaaliya, ayada oo wali dalka Kenya ay saarantahay xayiraaddii lagu soo rogay.

10/17/2020 1:37 PM EST
Sabti, October 17, 2020 (HOL) - Wararka ka imaanaya magaalada Jowhar ee xarunta maamulka Hirshabelle ayaa sheegaya in halkaasi maanta gaareen ciidamo ka tirsan Booliska sida gaarka ah u tababaran ee loo yaqaano Haramcad.

10/17/2020 8:45 AM EST
Sabti, October 17, 2020 (HOL) - Mashruucan ayaa isugu jira dhisme biyo xireen, dayactirka Jiinka iyo kanaalada wabiga, si loo yareeyo khatarta fatahaad ee wabiga Shabelle ku sameeyo magaalada Beledweyne iyo beeraleyda ku xeeran.

10/17/2020 8:41 AM EST
Sabti, October 17, 2020 (HOL) - Waxaa maanta magaalada Garowe ka dhacay xukun qisaas ah oo lagu fuliyay Faarax Cabdi Maxamed oo horey u dilay hooyadiis, sida uu sheegay xeer ilaaliye ku xigeenka Puntland Maxamed Xareed Faarax.

10/17/2020 8:38 AM EST
Sabti, October 17, 2020 (HOL) - Nabadoon Xuseen Xaaji Ibraahim oo ah guddoomiyaha beesha jareerweyne ee degaanada Puntland ayaa walaac xoogan ka muujiyay xarriga 12 dhalinyaro ah oo kasoo jeeda beeshaas, kuwaas oo muddo ku dhow 8 bilood ah u xiran kiiska dilkii gudoomiyihii gobolka Nugaal Cabdisalaan Xasan Xirsi (Gujir), oo qarax ismiidaamin ah lagu dilay 29 maarso ee sanadkan.

10/17/2020 12:54 AM EST
Sabti, October 17, 2020 (HOL) - Guddoomiyihii maxkamada racfaanka gobolka Mudug ee dowlad goboleedka Puntland, Maxmuud Cismaan Aadan ayaa ka badbaaday qarax loogu xiray gaarigiisa maalintii shalay.

10/17/2020 12:47 AM EST
Sabti, October 17, 2020 (HOL) - Dowladda Kenya ayaa ka hor timid tallaabada Mareykanka uu ciidamadiisa ugala baxayo Soomaaliya.