3/29/2024
Today from Hiiraan Online:  _
Wararka Maanta- Talaado, Oct 13, 2020
Weerar khasaaro geystay oo ka dhacay inta u dhaxeysa Muqdisho iyo Jowhar
 

Talaado, October 13, 2020 (HOL) - Inta la xaqiijiyay 2 qof oo shacab ayaa ku geeriyootay tiro kalana way ku dhaawacmeen kadib markii rag hubeysan ay rasaas ooda kaga qadeen gaari rakaab ah ay saarnayeen.

Dhimashada iyo dhaawaca dadkan shacabka ah ayaa timid kadib markii rag hubeysan wadada u galeen gaarigaan oo noociisu ahaa Hoomeey kaaso kasoo baxay magaalada Muqdisho.

Weerarka ayaa ka dhacay nawaaxiga deegaanka Garsaale oo u dhaxeya magaaloyinka Balcad iyo Jowhar waxaana goobta isaga baxsaday raggii hubeysanaa ee gariga rasaasta ku furay.

Wararkii ugu dambeyay ee kusoo dhacay Shabakadda HOL ayaa sheegaya in goobtii gaariga lagu rasaaseyay ay gaareen ciidamo ka tirsan Militariga Soomaaliya kuwaas oo hadda wadda howlgalo lagu baadi goobayo ragii weerarkaasi geystay, lamana oga ilaa hada sababta rasmiga ah ee ka dambeysa weerarka lagu qaaday gaariga rakaabka ah ay saarnayeen dadka shacabka ah ee qaarna dhintay qaarna dhaawaca ah.

Jamaal Cali Cabdi, Hiiraan Online
[email protected]












Click here
10/13/2020 9:25 AM EST
Talaado, October 13, 2020 (HOL) -Deeqow Caliyow Kuusoow oo katirsanaa Alshabab ayaa maanta lagu xukumay xukun dil toogasho ah oo uu ku mutaystay kaalintii uu ka qaatay weerarkii sanadkii hore lagu qaaday hotel Cascasey ee magaalada Kismaayo, halkaas oo lagu dilay 26 qof oo u badnaa shacab.

10/13/2020 7:06 AM EST
Talaado, October 13, 2020 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa guddoomiyey shir looga hadlayay habsami-u-socodka hannaanka doorashooyinka iyo dhameystirka dib-u-eegista dastuurka.

10/13/2020 4:19 AM EST
Talaado, October 13, 2020 (HOL) - Baaritaankii labaad oo lagu sameeyay maydkii AUN Cali Khaliif Galaydh, ka hor inta aan la aasin ayaa la shaaciyay inuu qabo cudurka Covdi19, taasoo meesha ka saartay shaki horey loo qabay.

10/13/2020 1:20 AM EST
Talaado, October 13, 2020 (HOL) - Madaxweynaha Soomaaliya Maxamed Cabdullaahi Farmaajo ayaa kulan tacsi ah la qaatay ehelada iyo qoyska Ra’iisul Wasaarihii Hore ee dalka Marxuum Cali Khaliif Galeydh ee ka soo qeyb galay Aaskii-qaran ee loogu sameeyey Muqdisho.

10/13/2020 1:16 AM EST
Talaado, October 13, 2020 (HOL) - Musharrixiinta doorashada baarlamaanka Uganda ayaa la faray inay illaa Khamiista bixiyaan khidmadda lacageed ee murashaxnimadooda oo dhan $800, sida uu sheegay Guddiga Doorashooyinka.