12/2/2020
Today from Hiiraan Online:  _
Wararka Maanta- Isniin, Oct 12, 2020
Ayaxa dhibaato badan ku hayo Gobollada dhexe ee Soomaaliya


 

Isniin, October 12, 2020 (HOL) - Sida uu sheegay wasiirka beeraha iyo waraabka ee dowladda Soomaaliya Saciid Xuseen Ciid ayaa waxa uu sheegay in deegaanno badan oo ku yaalla Galmudug uu iminka dhibaato ba’an ku hayo mowjado Ayax oo dib u kacay, kuwaas oo baabi’inaya dhammaan dalagga beeraha iyo daaqsinka deegaanka.

Meelaha hadda aadka uu Ayaxa u dhibaateeyay waxaa kamid ah magaalooyinka Cadaado, Gaalkacyo iyo Cabduwaaq, waxa uuna kasoo gudbay dhinaca deegaanno ka tirsan Puntland.

Wasiirka wasaaradda beeraha iyo waraabka Soomaaliya Saciid useen Ciid ayaa waxa uu BBC-da u sheegay in dowladda Soomaaliya oo kaashaneysa hay’adda beeraha iyo waraabka Qaramada midoobe ee FAO, iney buufiyeen deegaanno badan oo ku yaalla Soomaaliya, balse weli Ayaxa uu dhibaato xooggan ku hayo deegaanka .

“Halkii meel uu fadhiisto wuxuu baabi’inayaa wax la’eg intii ay cuni lahaayeen 35 kun oo ruux’”ayuu sheegay wasiirka beeraha Soomaaliya.

Ayaxa ayaa kasoo gudbay xeebaha waddanka Yemen, waxa uuna hadda dhibaato badan ku hayaa deegaanka.

Abdiaziz Ahmed Barrow, Hiiraan Online
[email protected]












Click here
10/12/2020 2:06 PM EST
Isniin, October 12, 2020 (HOL) - Shirkadda maamusha dekeddaha Turkiga ee Albayrak iyo dowladda federaalka ah ee Soomaaliya ayaa kala saxiixday heshiis shirkadda siinaya in ay muddo 14 sano ah sii maamusho Dekedda Muqdisho.

10/12/2020 10:51 AM EST
Isniin, October 12, 2020 (HOL) - Taliyaha qeybta 27-aad ee ciidamadda xooga dalka Soomaaliyeed Janeraal Axmed Maxamed Maxamuud Tareedishe iyo taliyaha guutada 5-aad Korneel Maxamuud Xasan Ibraahin Baakaay ayaa maanta kulan looga hadlayay amaanka guud ee degmada Buula burte la qaatay masuuliyiin ka tirsan maamulka degmada.

10/12/2020 10:37 AM EST
Isniin, October 12, 2020 (HOL) - Madaxweynaha dowladda Soomaaliya Maxamed Cabdullaahi Farmaajo oo soo saaray war qoraal ah ayaa waxa uu bulshada Soomaaliyeed ugu hambalyeeyay maalinta calanka dalka ee ku beegsan 12-ka, October. Waxa uuna guud ahaan shacabka ugu baaqay in la ilaaliyo qarannimada iyo kala dembeynta waddanka.

10/12/2020 10:36 AM EST
Isniin, October 12, 2020 (HOL) - Madaxweynaha maamulka Koonfur galbeed ayaa waxa uu maanta magaalada Baydhaba uu kula kulmay mas’uuliyiin ka socotay wasaaradaha maaliyadda iyo qorsheynta Soomaaliya, waxaana sidoo kale shirkaasi joogay Guddoomiyaha Baarlamanka Koonfur Galbeed Cali Saciid Fiqi.

10/12/2020 7:13 AM EST
Isniin, October 12, 2020 (HOL) - Guddi ka tirsan Qaramada Midoobay ayaa sheegay, in kooxda alshabab ay malaayiin doolar ka hesho canshuuraha ayna dhaqaalahaas ku kaydsadaan bangiyada maxalliga ah, sida laga soo xigtay warbixin cusub oo kasoo baxday Golaha Amniga ee Qaramada Midoobay.

10/12/2020 7:08 AM EST
Isniin, October 12, 2020 (HOL) - Maxkamadda Darajada Koowaad ee Ciidamada Qalabka Sida ayaa xabsi daa’in ku xukuntay labo nin oo katirsan ururka Alshabaab, kuwaas oo lagu kala magacaabo Xasan Cabdi Aadan Nuur iyo Cumar Xuseen Abshir Jaabir.