3/29/2024
Today from Hiiraan Online:  _
Wararka Maanta- Isniin, Oct 12, 2020
Madaxda Koonfur galbeed oo la kulmay wafdi ka socda dowladda Soomaaliya
 

Isniin, October 12, 2020 (HOL) - Madaxweynaha maamulka Koonfur galbeed ayaa waxa uu maanta magaalada Baydhaba uu kula kulmay mas’uuliyiin ka socotay wasaaradaha maaliyadda iyo qorsheynta Soomaaliya, waxaana sidoo kale shirkaasi joogay Guddoomiyaha Baarlamanka Koonfur Galbeed Cali Saciid Fiqi.

Kulanka ayaa waxaa la sheegay inuu ahaa mid looga hadlay arrimaha la xiriira maareynta abaaraha soo noq noqday ee Soomaaliya, waxa ayna xubnaha la kulmay madaxweyne Laftagareen ay u gaareen Baydhabo daah-furka shirka ka hadalka abaaraha .

Dhinacyada wada-hadlay ayaa isla soo qaaday sidii kor loogu qaadi lahaa wada shaqeynta islamarkaana la isku kaashan lahaa, sida ay sheegeen ilo ku dhow warfaafinta madaxtooyada Koonfur Galbeed.

Dhinaca kale, Guddoomiyaha Baarlamanka maamulka Koonfur Galbeed Amb. Cali Saciid Fiqi ayaa waxa uu ka qeyb-galay munaasaba lagu qabtay Baydhabo oo looga hadlayay {Daah-furka Barnaamijka soo kabashada xasaradaha”, oo ay soo qaban qaabisay wasaaradda qorsheynta ee maamulkaas. Iyadoo ujeedda shirkaas uu yahay sidii loo abuuri lahaa xaalad soo kabasho ah , islamarkaana maamulkaas uu hiigsan lahaa hor’umar.

Abdiaziz Ahmed Barrow, Hiiraan Online
[email protected]












Click here
10/12/2020 2:06 PM EST
Isniin, October 12, 2020 (HOL) - Shirkadda maamusha dekeddaha Turkiga ee Albayrak iyo dowladda federaalka ah ee Soomaaliya ayaa kala saxiixday heshiis shirkadda siinaya in ay muddo 14 sano ah sii maamusho Dekedda Muqdisho.

10/12/2020 10:51 AM EST
Isniin, October 12, 2020 (HOL) - Taliyaha qeybta 27-aad ee ciidamadda xooga dalka Soomaaliyeed Janeraal Axmed Maxamed Maxamuud Tareedishe iyo taliyaha guutada 5-aad Korneel Maxamuud Xasan Ibraahin Baakaay ayaa maanta kulan looga hadlayay amaanka guud ee degmada Buula burte la qaatay masuuliyiin ka tirsan maamulka degmada.

10/12/2020 10:39 AM EST
Isniin, October 12, 2020 (HOL) - Sida uu sheegay wasiirka beeraha iyo waraabka ee dowladda Soomaaliya Saciid Xuseen Ciid ayaa waxa uu sheegay in deegaanno badan oo ku yaalla Galmudug uu iminka dhibaato ba’an ku hayo mowjado Ayax oo dib u kacay, kuwaas oo baabi’inaya dhammaan dalagga beeraha iyo daaqsinka deegaanka.

10/12/2020 10:37 AM EST
Isniin, October 12, 2020 (HOL) - Madaxweynaha dowladda Soomaaliya Maxamed Cabdullaahi Farmaajo oo soo saaray war qoraal ah ayaa waxa uu bulshada Soomaaliyeed ugu hambalyeeyay maalinta calanka dalka ee ku beegsan 12-ka, October. Waxa uuna guud ahaan shacabka ugu baaqay in la ilaaliyo qarannimada iyo kala dembeynta waddanka.

10/12/2020 7:13 AM EST
Isniin, October 12, 2020 (HOL) - Guddi ka tirsan Qaramada Midoobay ayaa sheegay, in kooxda alshabab ay malaayiin doolar ka hesho canshuuraha ayna dhaqaalahaas ku kaydsadaan bangiyada maxalliga ah, sida laga soo xigtay warbixin cusub oo kasoo baxday Golaha Amniga ee Qaramada Midoobay.

10/12/2020 7:08 AM EST
Isniin, October 12, 2020 (HOL) - Maxkamadda Darajada Koowaad ee Ciidamada Qalabka Sida ayaa xabsi daa’in ku xukuntay labo nin oo katirsan ururka Alshabaab, kuwaas oo lagu kala magacaabo Xasan Cabdi Aadan Nuur iyo Cumar Xuseen Abshir Jaabir.