3/19/2024
Today from Hiiraan Online:  _
Wararka Maanta- Jimco, Jun 26, 2020
Madaxweyne Waare oo la kulmay Odoyaasha beelo walaalo ah oo ku dagaallamay xuduudda Gobolka Hiiraan uu la wadaago Itoobiya


Jimco, Juun 26, 2020 (HOL) - Madaxweynaha Maamulka Soomaaliyeed ee Hirshabeelle Maxamed Cabdi Waare ayaa waxa uu kulan la qaatay odoyaal iyo wax-garad kasoo kala jeedo beelo walaalo ah oo dhowaan ku dagaallamay xadka ay wadaagaan Gobolka Hiiraan ee Soomaaliya iyo Gobolka Shabeelle oo ah dhulka Soomaaliyeed ee Itoobiya raacsan.

Madaxweyne Waare ayaa Odoyaasha labada dhinac ugu baaqay in ay qaataan dowr togon oo ay qeyb uga noqonayaan daldaalka labada maamul ee Hirshabeele iyo dowladda Soomaalida Itoobiya ugu jiraan sidii loosoo ebyi lahaa dirirtaas.

Kulanka oo qaatay saacdo ayaa hoosta laga xariiqay in dhinac kasta uu isi saaro mas’uuliyad gooni ah oo nabadda lagusoo dabaalayo.

Maamulka Gobolka Hiiraan iyo Maamulka Gobolka Shabeelle ayaa waxay aad waqti badan ugu bixinayaan in la helo  nabad iyo is-dhex-gal labada shacab ah oo dhammaantood Soomaali ah.

Abdiaziz Ahmed Barrow, Hiiraan Online
[email protected]












Click here
6/26/2020 7:28 AM EST
Jimco, Juun 26, 2020 (HOL) - Kulankan oo looga gol lahaa sidii gaadiidka gargaarka degdega ah loogu iibin lahaa isbitaalka Laascaanood ayaa waxaa ka soo qayb galay inta badan ganacsatada, Shirkadaha, masuuliyiin iyo waxgaradba ayaa halkaasi lagaga dhawaaqay dhaqaale iyo gaadiidba.

6/26/2020 5:45 AM EST
Jimco, Juun 26, 2020 (HOL) - Deegaannada ay kamid ka yihiin Shaam, Yuumbis, Mubaarak iyo Tooratoorow oo dhammaan ka tirsan Gobolka Shabeellada hoose ee Koonfur galbeed Soomaaliya ayaa waxaa ka jira dhaq-dhaqaaq ay sameynayaan ciidamada dowladda faderaalka ah gaar ahaan kuwa kumaandooska ah ee DANAB.

6/26/2020 5:25 AM EST
Jimco, Juun 26, 2020 (HOL) - Ciidamada qalabka sida ee dowladda federaalka ah ee Soomaaliya ayaa waxay sheegeen in ay dileen sargaal sare oo ka tirsan Al-shabaab oo aan Soomaali aheyn, islamarkaana u qaabilsanaa dhinaca tababarka ciidamada , kadib dagaallo ka dhacay dhowr deegaan oo ka tirsan Gobolada dhexe sida uu baahiyahay raadiyaha Ciidamada dowladda ee SNA.

6/26/2020 4:56 AM EST
Jimco, Juun 26, 2020 (HOL) - Madaxweynaha Puntland Siciid Cabdullahi Deni, ayaa qasriga Madaxtooyada waqooyiga Gaalkacayo ku qaabilay Madaxweynaha Galmudug Axmed Cabdi Kaariye Qoorqoor iyo wafdi uu hoggaaminayo.