Wararka Maanta: Isniin, July 27, 2020-Saacado badan kadib Internet-kii koonfurta Soomaaliya oo dib usoo laabtay

Saacado badan kadib Internet-kii koonfurta Soomaaliya oo dib usoo laabtay

Isniin, Luulyo 27, 2020 (HOL) - Ku dhowaad 24 saac oo uu hawada ka maqnaa Internet-ka bartamaha iyo koonfurta Soomaaliya oo ay ku jirto Caasimadda Muqdisho ayaa lagu guuleystay in dib loo soo celiyo.

Internet-ka ayaa u maqnaa cilad farsamo xaggeeda ah, sida mas'uuliyiin ka tirsan wasaaradda is-gaarsiinta iyo teknoolajiyada ay HOL u xaqiijiyeen.

Ciladda ayaa aheyd dhibaato gaartay Cable-ka badda yaalla ee Internet-ka koonfurta Soomaaliya siiya, sida uu sheegay wasiirka wasaaradda is-gaarsiinta Soomaaliya Eng. Cabdi Canshuur.

Dhinaca kale, wuxuu sheegay iney jiraan qorshaha dhowr Cable oo kale oo xoojin doona halka Cable ee koonfurta iyo bartamaha Soomaaliya.

Maqnaashiyaha Internet-ka koonfurta Soomaaliya ayaa waxa uu saameyn ku yeeshay dhaqaalaha iyo wax-barashada dalka.

Abdiaziz Ahmed Barrow, Hiiraan Online
[email protected]