9/20/2020
Today from Hiiraan Online:  _
Wararka Maanta- Axad, July 26, 2020
Dowladda Maraykanka oo si adag uga hadashay xil ka qaadistii raysal wasaare Kheyre


 

Axad, Luulyo 26, 2020 (HOL) - Safaaradda Mareykanka ayaa walaac xoogan ka muujisay ficilladii Aqalka Hoose ee baarlamaanka ay meesha uga saareen kalsoonidii ay ku qabeen Ra'iisul Wasaare Cali Xasan Khayre iyo dowladdiisa, taasoo sii kordhisay xiisada siyaasadeed isla markaana wiiqeysa hanaankii wadahadalka ee u dhexeeyay Dowladda Federaalka Soomaaliya, Dowladaha xubinta ka ah Federaalka iyo daneeyayaasha kale ee muhiimka ah.

Safaaradda waxay tallaabadaan ku tilmaamtay dib u dhac ku yimid ajandaha dib u habeynta ee ay Soomaaliya ku dooneysay taageerada Mareykanka. Deganaanshaha Soomaaliya, xasilloonida, iyo barwaaqada.

Safaaradda Mareykanka waxay sii wadaysaa inay carrabka ku adkeyso in dariiqa kaliya ee loo marayo doorashooyin federaali ah oo la hirgaliyo ay tahay wada tashi ballaaran iyo wada hadal wax ku ool ah oo dhexmara daneeyayaasha.

“Dowladda Mareykanka waxay ku boorineysaa Dowladda Federaalka Soomaaliya, Dowladaha xubinta ka ah federaalka, baarlamaanka, iyo dhinacyada kale in ay sii wadaan wada shaqeynta si loo meel mariyo heshiiskii lagu gaaray Dhuusamareeb,” ayaa lagu yidh warkan.

Safaaradda Mareykanka ayaa ugu baaqday dhammaan hoggaamiyeyaasha Soomaaliyeed, hay'adaha, iyo daneeyayaasha inay ka shaqeeyaan danaha ugu wanaagsan ee waddankooda halkii ay ka raadin lahaayeen danaha shaqsiyadooda.

”Waxaan ka qaadi doonnaa tallaabooyin ka dhan ah kuwa qaswadayaasha ah ee doonaya in ay carqaladeeyaan horumarka Soomaaliya ee ku wajahan xasilloonida, nabadda, maamul loo dhan yahay, iyo barwaaqo. Ma doonayno in Soomaaliya ay ku socoto jihada qaldan,” ayuu yidhi Maraykanku.

Abdiweli M. Sheikh, Hiiraan Online
[email protected]












Click here
7/26/2020 8:01 PM EST
Qadka internet-ka ee inta badan koonfurta Soomaaliya ayaa jarnaa Axaddii, sida ay sheegeen dad nala soo xiriiray oo ku nool gudaha Soomaaliya iyo kooxo madax-bannaan oo isku howla arrimaha Xuquuqda Dijitaalka, amniga iyo maamulka internetka.

7/26/2020 5:31 PM EST
Axad, Luulyo 26, 2020 (HOL) - Midowga Yurub ayaa sharci-darro ku tilmaamay nidaamkii loo maray kalsooni kala-noqoshadii xukuumadddi Ra'iisul wasaare Xassan Cali Khayre,....

7/26/2020 12:44 PM EST
Axad, Luulyo 26, 2020 (HOL) - Baarlamaanka Puntland ayaa maanta laalay sharciyadda ay ku xiran yihiin maxaabiis burcadbadeednimo loo haysto oo tan iyo 2013 ku xiran xabsiga dhexe ee magaalada Garowe ee caasimadda maamul goboleedka Puntland.

7/26/2020 11:51 AM EST
Axad, Luulyo 26, 2020 (HOL) - Xildhibaan Fowsiyo Yuusuf Aadan oo ah guddoomiyaha madasha xisbiyada midoobay ee Hiigsi ayaa soo dhoweysay xil ka qaadistii raysal Wasaare Xasan Cali Kheyre iyo xukuumadiisa oo uu shalay barlamaanka riday.