3/28/2024
Today from Hiiraan Online:  _
Wararka Maanta- Sabti, Feb 8 , 2020
Aqalka Sare oo lagu wado maanta in uu meel mariyo sharciga doorashooyinka Qaranka

 

Sabti, Feberaayo, 08, 2020 (HOL)-Golaha Aqalka Sare oo maalmihii ugu danbeeyayba dood ka lahaa sharciga Doorashooyinka Qaranka ayaa la filayaa fadhiggooda maanta in ay meelmariyaan sharcigan oo horay ay u soo gudbiyeen xildhibaannada Aqalka Sare.

Kulanka maanta ee Aqalka sare ayaa la filayaa in dood kaddib xildhibaannada codka kalsoonida u qaadaan sharcigan waxaana loo badinayaan in ugu danbeyntii  ay meel mariyaan.

Golaha Shacabka ee Baarlamaanka Federaalka Soomaaliya ayaa 28-kii bishii December ee sanadkii 2019 ansixiyay sharcigan, waxaana marka uu Aqalka sare meel mariyo la filayaa in Madaxweynaha loo gudbiyo si kama dambeys uu meel mariyo, si ay u dhaqan gasho.

Sharcigan ayaa la oranaa waxaa uu ka mid yahay sharuucdii ugu adkeyd ee soo mara waayadii ugu danbeeyay labada Aqal ee Baarlamaanka Soomaaliya iyadoo wax ka badal lagu sameeyay qoddobadii ay horay u meel mariyeen Golaha xukuumadda. 

C/raxmaan Diini, Hiiraan Online
[email protected]



 

 

 













Click here
2/8/2020 3:07 PM EST
Sabti, Feberaayo, 08, 2020 (HOL)- Ardayda wax ka barata dugsiga sare ee Bosaso Public secondary school oo kamid ah dugsiyada dowliga ah ee Puntland, ayaa sheegay inay u baahan yihiin shahaadada dowladda Soomaaliya bixiso, Puntlandna aysan ku ciyaarin mustaqbalka arday muddo 12 sanno wax soo baranayay.

2/8/2020 12:06 PM EST
Sabti, Feberaayo, 08, 2020 (HOL)-Madaxweynaha Soomaaliya Maxamed Cabdullaahi Farmaajo ayaa goordhaw gaaray magaalada Adis Ababa ee caasimadda dalka Itoobiya.

2/8/2020 10:29 AM EST
Sabti, Feberaayo, 08, 2020 (HOL)- 16 qof ayaa ku geeriyootay shil gaari oo galinkii hore ee maanta ka dhacay goobta lagu magacaabo Laas-dheere oo 20 km u jirta magaalada Diridhabe.

2/8/2020 7:21 AM EST
Sabti, Feberaayo, 08, 2020 (HOL)- Golaha Aqalka Sare ee Soomaaliya, ayaa maanta ansixiyay Hindise- sharciyeedka Doorashooyinka Qaranka ee dowladda Federaalka.

2/8/2020 5:13 AM EST
Sabti, Feberaayo, 08, 2020 (HOL)- Kenya ayaa ku dhawaaqday inay ardaydeeda kasoo daadgureyn doonto magaalada ayku xayiran yihiin ee Wuhan, waxayna ku boorisay deriskeeda Ethiopia, inay joojiso duullimaadyada ay ku tagayaan Shiinaha si ay gacan uga geystaan xakameynta cudurka coronavirus ee dhaqsaha u faafa.

2/8/2020 4:30 AM EST
Sabti, Feberaayo, 08, 2020 (HOL)- Madaxweynaha dowladda Federaalka Soomaaliya Maxamed Cabdullaahi Farmaajo ayaa saxiixay Sharciga Baatroolka dalka, kaddib markii Labada Aqal ee Baarlamaanka Jamhuuriyaddu ay soo dhammeystireen hannaankii sharci ee kaga aaddanaa dhaqan galkiisa.

2/8/2020 1:45 AM EST
Sabti, Feberaayo, 08, 2020 (HOL)-Labadii sibuuc ee la soo dhaafay dowladda Soomaaliya ayaa sheegeysay inay dadaal ugu jirto sidii ay dib gacanta ugu dhigi lahayd wasiirkii Amniga ee maamul goboleedka Jubbaland, Cabdirashiid Xasan Cabdinuur(Janan), kaasoo ay sheegeen inuu ka baxsaday xabsi lagu hayay.